澳門遊 - 夜篇之事事不順

從威尼斯人出黎已是差不多六點了
也是時候諗下今晚食D咩
之前係氹仔想食一間類似私房菜的餐廳...(算是吧!!!)
但上午去問既時候原來已經冇位了
有都要等到九點!! (失望中..(´∩｀。)グスン )
記得之前我講過我要九點返到酒店睇我既電視嗎?
所以便放棄今晚食,仲Book埋聽日六點半呢

就係咁,同蝦子餅商量後決定去食"六記"
但時間還早,所以出番澳門行下先
而且聖誕節,可以影下聖誕橙飾
今年澳門既燈飾好似靚左D

^好像雪一樣的燈飾

^呢度都好靚,因為我好喜愛用這樣的方式
  就像今年香港的彌敦道一樣,我也很喜歡

^仲有聖誕老人,但不明白為何澳門咁鍾意用好似燈籠既方法來整聖誕裝飾的!!奇怪...

^玫瑰堂

^最後還上了大山巴呢!!

之後便諗住行去食六記了
因為從大馬路行去都唔係好耐的
只雖行廿分鐘就是了.....
從大馬路一路直行到尾
再轉右手邊行便是沙梨頭了

^途經的十六浦酒店,"六記"就在十六浦再行前幾個街口便到了

就在我行到六記的街口
發覺有點不對勁...
平時一定會有幾張枱放出來的
但係...冇既.........
行近一點...OH!!! (。・°°・(((p(≧□≦)q)))・°°・。)
冇開呀,貼了一張紙
我也不考究紙上寫D咩了
都係有事唔開又話者做冬吧!!
(因為個日係冬至正日來的)
唉..點解會發生係我身上的
當時因為已經八點了
我九點又想番去睇電視
所以蝦子餅就就回酒店附近再睇下有咩食啦
返到酒店留下,原來冇咩好食的
因為我地又唔係住係市中心
而且利澳附近是澳門的紅橙區
所以都唔敢亂行
所以就是旦咁食了最近酒店的一間"鼎泰豐"
澄清一下先,這可不是台灣的那間呀!!只是同名的

^唔記得咩麵了!!仲之就普通到唔普通又油啦!

^仲有皮厚的小籠包

食完就上番酒店房睇我既咖利略
今天總算有樣野係我想做又真係做到的吧!!（ _ _ ）..........o