作病添

唔知點解,琴日已經覺得個鼻酸酸地
琴晚阿妹上黎坐左一陣,之後再上了天台
BBQ (阿媽佢地叫了阿姨舅母佢地上黎BBQ)
到今日起身就覺得連喉嚨都唔係好舒服
個頭又暈暈地添..食左上次睇醫生D藥
訓左一陣都唔係好好多,都係個頭又重又暈
唉..我諗又係作病啦,琴日仲食BBQ 添..
(=0=)好似你燒了個半個鍾都冇又落番樓下嘆冷氣
(=0=)仲要之後叫哈多攞左D肉落黎煎ja wor..麥你又BBQ咩?
哎呀~~都會熱氣ka ma..(*V*)
唔得呀,要好番要好番,我仲要番工架~~

p.s. 阿妹原來琴日係病的,都唔知係咪佢傳染比我既
(=0=)你唔好賴人啦,好似佢上黎住左一個鍾倒ja wor~~

登機去

22 September 07

Day 1 ( part 3)

終於夠鍾上機了
今日天氣幾好呀,冇落雨
我地今次搭ANA既NH912
之前已經mark埋位,係窗口位呢
但係唔知點解次次我坐既窗口位都係岩岩係個機翼個度
唔係今次了,上次都係呀~~敢樣我好難影景呢!!
過了一陣,飛機起飛了..
原來而家飛機上個部電視仔會播飛機下既景
兩年前我去旅行既時候唔覺既~~
ANA空姐開始派小食同飲料
咦...所有都有熊貓既,好得意呀
小食啦,紙巾啦,杯都係呀(但只係紙杯,膠杯唔係架)
仲有,空姐個條圍裙..都係好靚呀,但係冇得攞呀
呀..唔記得攞紙杯添..返黎攞番先得

之後派飛機餐了..
當然我同哈多一人一款啦,仲使講既
可以試晒兩款呀嘛..哈哈
我呢,睇過人地好多既旅行遊記
個個都話飛機餐唔好食
但我好鍾意食Wor~~
好好味呀!! (=0=)你咩都話好味架啦..

我個個係楊州抄飯加點心

點心係燒賣,蝦餃..好食呀

哈多同我除了主菜唔一樣,其他全部一樣
佢個個係Curry黎架,yummy yummy !!!

待續~~

機場的鞋子

22 September 07

Day 1 (Part 2)

食完早餐之後都差不多夠鍾入閘了
入左閘,因為豆子忘記了帶份我之前要佢帶的個份Buy List
而我呢個麻煩人又好想要,豆子朋友萊寶便說可以在機場Print番
所以佢地便去Print,約好上機時間0係32閘口等
係Wor~~好似未講今次同行既團友tim..
有我啦,我蝦子餅哈多,豆子同佢朋友仔,豆子朋友萊寶同佢朋友仔
一行六人呀~~
繼續講..0係我地行既去32號閘口時
見到途中既玻璃箱入面的鞋子好得意,便幫它影了幾幅相
嘩好勁呀,佢地想像力好豐富,我個腦就只會諗埋D無聊野
好佩服那些讀Design同廣告既人呢..

左上 - 成條金魚咁,個嘴好攪笑呀
左下 - 我本人唔喜愛皮草呢家野,但見特別,影下吧
右上 - 這是我喜愛既鞋之一,好有時代感,可能我成日用keybroad既關係,所以最鍾意
   (=0=)但係如果要你用呢對鞋去打字,我諗你唔會鍾意囉..
右下 - 這幅我只係影來比花帥奶的,因為佢好喜歡這種中國既藝術的

To be Continue....................

一切從早餐開始

22 September 07

Day 1 ( Part One )

今日朝早五點半便要起身
之後要在六點四十五分前要落到樓下
乘坐會經我們家樓下的機場員工專車"B"
這真的好方便,但不是每一個時間都可以搭
只是非繁忙時間的某幾班車可以比我地一些唔係員工搭既姐
B車好準時,6:45a.m.便到了
大約7:20a.m.便到機場,真快
到了機場便諗住去買一些日用品先
但原來其他的四位團友兼朋友已經到左
咁我快快揀好我要買的東西便去會合他們
我地既早餐先0係機場既Food Court 食Popeyes
今餐成為30大元~~~

um..個飽幾好食,但D薯波油左D..

如果我冇記錯,好似係魚加芝士

大家可以睇到D油嗎?好勁呀

呢個係另外一個朋友食既味千,佢地話機場既味千係正中D既,好似話D湯好味D
大家也可以試試呢?

食過早餐,又繼續我地既旅程喇~~

出發前一日

21 September 07

出發前一日我收拾好我個喼已經係差唔多兩點
個日仲好開心,心諗快D出發,亦仲未知個死字點寫
尤其哈多個喼空到好似冇野帶咁,佢放了兩三個
膠袋之後就同我講...執完..
吓..唔係花..我個起碼都放一半啦
不過當然個日都係我訓先,因為佢要幫我執埋D野入喼嘛
(=0= 你又自己求其執下,跟住又叫人地幫你,之後自己大覺訓)
我要養足精神準備之後既血拼呀嘛 (><)


我個喼,哈多唔明點解我可以帶咁多野

我另外個半個喼真係冇野架..開頭

哈多個喼,大家冇眼花,真係得咁多ja...佢話使麥帶咁多野Wor

另外一邊..哈係冇野呀..

好喇..執好了..去訓喇..
(=0=)你自己先渣..
hehe(>0<)

番黎喇~~感想

琴日十一點幾番到屋企
但真係好好好攰,所以今日先開始打番
今次既旅程..um...我比70分..
點解咁低分呀?
因為..比我想像中好似欠了些什麼的
我對腳真係好痛,手痛..肩痛..好攰
仲趕過鴨仔團..但冇辦法,因為我地有太多既地方要去
有D我好想去既地方又冇去到添..有點兒失望左
開頭有少少既阻滯又有少少既唔開心..
旅程中同蝦子餅抄架又唔開心...
我諗下一次都係跟團或者只係我地兩個自己去會好少少
開心既野,當然都有啦..見到好多海豚啦(雖然接觸唔到佢地)
去了藥房掃了好多好多野啦
食了一個以為食唔到既sabu-sabu啦..
好了..其他日本之旅既詳情..請留意我個blog啦
我有時間會慢慢咁寫番出黎
因為我還要整理一下我個六百張相呢~~

飛喇..飛喇

係喇,今日飛喇
我先岩岩番到屋企
因為頭先帶阿Don上花師奶度
我地以經唔比阿Don睇住我地走
但係門口都聽到佢yee..yee..un..un
好唔捨得呢~~ T_T..
喼都未執..唉,今晚有排先可以訓lu..
聽日6:30落到樓下,記得起身..記得起身
有冇野未帶呢..錢,相機,NDS (=0= 去到邊都係掛住玩)
護照,I.D.,Hand Cream........不過最重要既
都係記住帶個興奮+開心既心情呢~~

頭飾

今次都係主要買扎頭髮既橡筋..
因為本人之前買個D
只係用了兩至三次就報銷左
因為本花既頭髮實在大厚了><
所以又要添番D先至得
頭箍當然係用黎箍實我前面D碎濕濕既頭髮啦

為食Don豬

呢隻野,你地睇下,有相為正
佢真係好為食架...
我放上枱影相姐
佢即刻翁上黎啦~~!!

月餅

其實之前都買左月餅幾日,不過未同佢地影相
今年有三盒,有一盒係傳統的,不作介紹了
呢兩盒係B朋友介紹的,都係半島出品既奶皇月餅
$95個盒係Coffe Shop 出,$160係中餐廳出
我試過,真係貴D個盒係滑D架~~
但今日另一同事同我講話九龍酒店好食D
出年試下先得

獨立包裝的係$95,最下面個幅係$160

放棄

之前好努力玩既NDS Game
因為玩了成個星期都係停左係個度
現在正式宣佈,放棄了
唉..玩左成個禮拜,次次玩到個度都會死哂
明明睇住攻略玩ka la..唔知點解都會敢既
心淡了~~再見了.......
為有再睇下有冇新Game 先~~
(=0="你真係三分鐘熱度,又比我批中了~~)

一個機會

今天先知道原來我個team既一位同事會轉去另一個Dept.
知道係因為今日突然有位新同事番工,見佢坐了個位同事隔離
再問下monter ..先知道呢~!!..
Ho...晴天霹靂..完全被蒙在鼓裡!!!

9點幾,會轉Dept.個位同事打比我,原來之前老細叫左佢入房
問佢有咩人選做佢D野,佢講左我,但最後..
都係請了一個新人去做佢D野..
就係咁,我又少了一個機會了...............

但..我唔緊要..睇生肖個D書話我出年係好好的
我會努力...再比心機..(但其實而家以經好累了,做到)
一定仲有機會的,係嗎??

1 2 3 笑~~

今日無咩野做,又拎起我部相機同佢地影下D生活照
Moon Moon 呢,成日都訓呢度,次次都橫掃我架上面D公仔落架底
之後自己就舒舒服服咁係度訓,我都冇佢修呀~~

靚仔~~成日訓到我張床全部都係貓毛呢!!!!

呢個衰仔,今日同佢沖完涼~~次次同佢沖完涼都好似打仗咁
到第日就會成身痛嫁~
(=0= 即係你平時唔做運動囉,你仲好意思講出黎既,服左你了)
 

日本之旅預計篇

直到現在仲未諗好哂要去買D咩~~
但都有上網做了些功課的..
而家都有D make-up野係想買
到時買完之後再話比大家知好唔好用啦
A - Integrate (紅顏亮采腮紅 - 粉紅色)
B - Kanebo 肌美精Eye Mask (因為搵唔到有關圖片,用face mask 頂住當先,我係想買eyes mask的)
C - Integrate (鑽石水光唇膏-自然鮮橙 and 嬰兒珊瑚)
D & E - Shisedio - Majolica Majorca 既黑色增長15倍睫毛膏同Base *我既至愛呢! 一定要買到
F - Kanebo - Revue(淨透持久粉餅)
分享住先,遲些諗到再話比大家聽~~

我們這一家

好靚呀好靚呀~~
整好啦~~大家見唔見到呀~~
我整左成晚啦~~
大家比下面,唔靚都話靚呀
今晚整佢既時候先發覺佢地三隻野好多相
都唔知揀邊張,真係好想放哂上黎呀~~
而家見到既阿Don係細果Don黎嫁,哈哈
因為我發覺佢大個D相冇咁好睇,佢而家D相...
成日都影到佢好似乞兒狗咁嫁..
係除左岩岩剪完毛個日嫁ja~~

P.S. 銘謝豆子小朋友幫我,教我點整呀~~
(=0=" 你都知自己有幾煩呢!!!@@@)

戲王之王

上次在家早了起身冇野做
見同事話過這套戲好好笑
就即管睇下啦~~~~~~~
但係睇完之後真係覺得唔好笑
可能平時既他多數是客串多,唔會由頭做到落尾
但當佢成套戲都係用佢個種好好好誇張既手法
我又覺得多左囉.......
我諗我都係適合睇番Stephen Chow 類既戲我就會笑
但係近年他的戲也轉了小小路線,當然,笑位點都有的
但我覺得佢最近個兩套都係有些說話想講的
回想番他再舊D既戲,即係個D唔係諗,一睇就會笑餐死個D
直到而家睇番一樣笑死
(=0= 唉..睇了都over十次了,每次都係笑既,有冇咁好笑呀!!)
有時人有咁多野煩,咁多野諗..睇下呢D戲笑下..唔好咩..睇完起碼開心嘛!!

冇感覺,冇feel

今日接近收工,問番朋友B點解有人請食飯都唔去既
她說AA就去,請就唔去了..心入面唔係好明
之後原來佢唔係咁鍾意請食飯個位人兄..為什麼呢?
她說冇feel,冇感覺..我都係唔明呢??
(=0= 因為你個腦唔係用來諗野未唔知囉!!)
之前個Blog講過,我係唔會追問人的,他們想說就會自己講
係咁問之下得知答案係冇意思的..........
唔..B 朋友,如果真係唔鍾意,不如唔好去了~~
(哈哈..我把這post放在朋友仔分類,唔係公司碎事,你已榮升我的朋友了
很開心吧!!十分勤奮的朋友B,希望我都係你的朋友仔啦!!)
(=0= 喂喂喂..人地既朋友仔定義唔係咁嫁喎!!)

BB出世了

今日番到公司都未夠九點
收到舊朋友既Message
她就她已踏入人生另一階段了
生了個BB女 (恭喜哂呀)
佢話好辛苦,但值得呀~~
但係呢對我黎講,仲係未到呢個階段
自問自己都唔係細,但對小朋友呢
仲係未接受到,唔覺得佢地係會可愛
對於他們..缺點多多,優點小之有小..
真的唔知點解?可能再多些時間先可以發掘到他們也有優點的
(=0= 要幾多時間呢?你都唔細了)

仲有唔夠十日

係呀,原來好快嫁ja..
想當初幾個月前去買package既時候
心諗有排都未到個日啦!
但唔驚唔覺話咁快仲有一星期多D
就到我既日本血併之旅,好開心呀
但係到而家,我一D野都未執呀
其他團友已經執得七七八八了
我都要加把勁先得lu..
(=0= 聽住先啦..你都係懶嫁啦..)
又係wor~~你點知既~~哈哈

奇蹟日

今日係奇蹟既一日,點解呢?
因為未夠七點就做完Daily野
見難得仲有D時間,就做下filing啦!!
如果唔係真係唔知幾時再有奇蹟日了
聖姑今日叫我下個禮拜開始每日都比D戶口佢開下
都岩既,如果唔係我遲多一個禮拜放大假佢有排開(因為佢唔熟)
希望佢地唔好當我放緊假既時候咒我啦
最多我買多D野食番黎比你地啦~~

Final Fastasy

近來玩既一隻Game: Final Fastasy
都幾好玩..暫時,因為我估之後會越來越難
其實本身我好小玩咁既類型Game
但因為我覺得佢既畫面都幾靚,而且近排又冇咩新Game玩
所以咪玩下唔使成日搭巴士個時冇野玩囉
但ARPG Game 始終都唔係女仔Game
而且個Game係3D既...我呢..方向感唔係咁好
(=0=" 好似係好差Wor~~~!!!)
明明一條直路,我都會令個Game既主角行到唔係一直線
又明明隻怪獸係在左手邊,但我就唔知打左去邊,永遠成日係度打空氣囉...
哈哈..我會試下..可能玩多D就會好D..架啦..係咪?
(=0=" 我覺得唔會囉~~~~)

Long Time No See

今日番到公司做完野見仲未九點
所以就Send 番個貓話比人知我個Blog已經搬左
到Lunch既時候又見仲有五分鍾
未睇下自己個Blog有D咩執下咁
發覺有人留左言..未睇下囉..
Wah..原來係好耐冇見既朋友留左言
亦因為睇佢既留言得知我另一位朋友就黎生得
唉..唔好話生得,連佢有左我都唔知..
個心一沈,有D唔開心..自己會唔會衰左D呢
(=0=" 都唔至D啦掛!!~~)
唔得啦..都係係時候諗一諗
係咪需要得閒約下我既朋友出黎見下先得了

義美蛋糕

幾年前同事童童媽去完台灣回來後帶了個類似莎莉蛋糕既東西回來比我地食..好好味嫁..之前行超市已經見到好想再食,但個次冇買到,今天我又同佢重遇了,好開心呢,所以就買了細盒的,其實我覺得都唔平,成 $28 ..(好似係,因為係哈多比錢的,哈~~)一盒細的..番到屋企已急不及代開了黎食,真的好好味呀,雖然哈多唔多鐘意佢既口感..但我超喜愛呢..我係在荃灣碼頭的 "10 X 10 街" 超市買的..但我妹夫話係 "東田" 超市都見過呢?

已經比我食左兩件了~~哈哈

阿Don 新相~~

好似好耐冇放阿Don 佢地 D 相出黎..我偷懶囉...今日放住一張先..,佢呢真係越來越唔乖了,佢成走去潦交打,有時我去摸一下我的貓貓,佢又立即跑過黎,(佢而家好小氣嫁,一見到我摸另外個兩隻貓貓呢,佢就唔鍾意)今日先幫我將我卷厠紙分屍咁..成卷冇哂...唉...但一見到你個樣呢..真係令到我又嬲又笑呢...遲D我去旅行,真係唔放心你呢,雖然..放你係婆婆度(係阿Don婆婆呀,即係我阿媽...)但你千其唔好係婆婆屋企搗亂呀,唔係我番黎佢一定找我算將呢.....

唉..大個兩個我就放心姐..(佢地識照顧自己的)..你Wor...希望婆婆攪得你掂啦~~~~~~~~

我的第二卷厠子

阿Don又咬厠子了..唉..點解你咁架..哈多之後係咁打佢,你咁樣..多多厠子都唔夠比你囉...今晚你又冇野食了..何苦呢..?

厠子被阿Don咬完既屍骸~~~

 

一日的假期

今日放了自己一日假,當然哈多都一齊放啦..做左 D 咩...只係去剪左個髮..做埋 High-light ,我做了紅色 (點解你次次都係紅色呢? )..哈多就Only 剪,之後再去荼餐廳食埋飯就番屋企了,冇咩野做到,算啦,難得一日放假都係想舒服下姐..係咪..!!

Q: ( 點解你間房可以咁亂既呢?)

A: 唔係呀..個間係雜物房黎家嘛,係亂D架啦..將就下妮~~ =0=''