分享眼妝 - 黃 x 綠

夏天開始來了
所以今次用了黃加綠
Colour 一點吧!!哈哈
我嘗試了用圖片輔助說明
整得極為醜怪,請見諒
但希望對只得文字好一點吧!

完妝圖 - 開眼

完妝圖 - 半開眼

圖片輔助說明

今次用了這些東東
MJ "歌姬 BR762"

都係先用Cream狀既眼影打底
今次我用了最上個隻,佢都係Cream狀的
其實用咩打底都無咩所謂
只係等到之後既顏色會出一些,貼一些
只係我個人喜歡每次化眼妝都打個Cream狀既Base先姐

跟住開始囉!
a - Cyber Colour 既鮮黃色眼影
b - MJ 既單色眼影 "GR185"
c - 不知名美國牌子,因為只係朋友從美國送給我既手信

先用黃色塗在眼頭前端
再用綠色塗在眼中間,即眼球對上既位置
最後用深綠色塗在眼尾再掃上眼窩

d - T ' ESTIMO 03

再用米黃色眼影將整個眉骨對落既眼簾來回掃幾下
令正個顏色柔和一點

e - X'S 眼影盒 805

用白色重點打亮眉骨

Anna Sui 眼線筆 201

用它來劃一條下眼線

最後用黑色劃上眼線同查上Mascara
這兩個步驟係對一雙眼睛最為重要的(我自己覺得)
就算點化一個淡妝,呢兩個步驟都不能忽視的
下次有機會再詳細講這點吧!

今次我只得半個鐘時間
再加上我感冒,食完藥之後既反應 - 手震
所以化得唔係咁好
眼頭掃得前左,眼線唔夠靚
不過都想同大家Share 一下呢!
下次諗到點Match Colour 再同大家分享啦!!

謝謝欣賞!! （*＾-＾*）

濃厚芝士米餅

琴日行街時經過一些專買零食既小店
見到佢,見好似幾吸引咁就買左

被佢外表那個芝士既相片吸引
而我一向又係芝士怪
見又不是太貴
所以試下好唔好味先

獨立包裝,一包24小包,一小包有兩塊

好味呀,食落就好似用焗爐焗左一片芝士咁
好香濃,佢包裝上面冇講錯呀
再加上一陣陣既日本醬油味
正..但蝦子餅話咸左D Wor..
但我就唔覺喇~~

分享我的眼妝 - 金啡

不嬲啡Tone都係我最喜愛的顏色
所以今次我分別用了金,銅,啡來化了一個眼妝
就同大定分享一下吧
化得唔好請見諒

完妝圖 - 開眼

完妝圖 - 半合眼
顏色比相片深一些的,因為呢張濛了一點

- MJ 既霜狀眼影 (YE 106 月之光)
先用這個打底先,可令之後既顏色再出D

- 左邊是在莎莎買的平野 (X'S 805) 但顏色出奇地出
- 右邊是自己去日本旅行買的 (T'ESTIMO 03號) 相信香港應該都可以買到的
用"b"掃在眼簾既前大半部份(大概2/3吧)
後半部用"c"掃上後,再用輪廓掃把"c"眼影反C咁掃返上眼窩令眼睛既輪廓更深
用"a"掃在眼頭位置
最後用"d" Highlight 眉骨之外再將掃"賴"筆咁掃返上眼前部份
(哈哈~~大家唔知明唔明呢!!)

加上下眼線及睫毛液
Yeah !!大工告成 o(≧∇≦o)(o≧∇≦)o


順帶一題
我今次的眼線是用了我上次買的匾平眼線筆
詳情參看我的莎莎戰利品篇
但當我用它來劃上眼線時
發覺係好唔順,唔知點解
後來我已轉番我用開的眼線筆劃了
但呢....劃下眼線就好正,因為可以劃得好幼
唔會太誇呀嘛!!
好彩,幾驚買了樣無用既野!!

豆子的手信

朋友豆子從日本回來
送了我一份手信

外表比一般日本既package普通左
但豆子話上次食個都好好味的..多謝哂呀!

佢一盒入面有四種不同既味道,呢道係其中兩款
影得好差,唔知大家看到沒有呢?

外面係好似蛋糕既野,不是糯米糍來的
裡面分別係豆沙同士可多啤利朱古力
味道我比較鍾意前者,豆沙好香,好多豆呀
我不嬲都唔太喜歡Strawberry + Chotolate
等於現在市面上既士多啤行朱古力橡皮豆,我都係唔好的
所以後者我便覺得一般了

多謝豆子送我的手信
雖然今次我地未能同遊
希望下一次再有機會啦
但都要工司識做先得呢!!

譚仔雲南米線

琴日本身諗住同豆子再加豆子朋友仔食晚飯
好好彩咁我7:30完成我既工作
點知蝦子餅走唔到
所以取消了我們的飯局

蝦子餅走得既時候已經8:30了
但我地依然去食番本身諗住食既米線
我地去了佐敦分店
店內一D都迫，好闊落，真好

上網見到好多人都話佢既土匪雞翼好食
所以決定今次就叫它試試
金黃色既翼身上加上香口既芝麻
雞翼亦好滑身，但不足以係好好好味個隻
都係一般既雞翼咁囉
定係雞翼如果整得唔好既話，可以會"鞋"既呢?
如果係既話，咁就可以加番佢分既!!

蝦子餅唔食得辣，所以叫了酸辣湯底
湯底我都喝了幾口，唔辣的，只有酸味，但都好飲呀!!
本身既米線入面已經有小量既芽菜,腐皮同九菜了
所以個米線都好有分量的

好辣既我當然揀了麻辣湯底啦
揀了中辣，我自己都叫食得辣既人
中辣對我來就就剛剛好了
唔會辣到入唔到口之余又滿足都我食辣既人
但如果自問唔食得辣，我建議都係揀小辣好了
而且小辣都有分五級的，好厲害呀!

佢地碗米線真係好鬼大碗
我呢個大食花花都可以食唔哂一碗
可想而知,佢幾勁
所以我相信普遍女仔黎食可以同朋友Share一碗便夠了!
仲有..食麻辣既，記得帶紙巾
唔記得!!!!唔緊要，店內有紙巾買的!
(當日去佐敦分店，唔知其他分店有冇!)

KFC - 炸壽司

某一天....叫了KFC外買
所以可以試新野喇
當然就係佢地既炸壽司啦!!

初初見佢既外表好似............哈哈..好不討好呀....･ヾ(。￣□￣)ﾂ...
但當一口咬下既時候,好味wor~~
外表好脆，入面充滿了酸酸既沙律醬，再加埋蟹柳
um............好食呀!!

我相信如果我下次堂食既話會更勝一籌呢！
大家都試試啦!φ”(￣￢￣*)

你地捨得起身咪?

好耐冇寫佢了
哈哈,不要怪媽媽吧!
媽媽工作太忙了
當唔工作時一係訓,一係Shopping去減壓

阿Don平時訓覺會訓係佢張私家毯上面
而佢永遠都唔會跳上我地張床的(除非我抱佢啦)
兩年了,對於佢點解唔會跳上床或梳化
我倆都百思不得其解
明明眼見人地隻隻狗都會咁做
但佢唔會囉!!為有想可能佢係因為膽小(的確佢係一隻膽小鬼)

所以我地訓覺時,佢便會睡在床邊既毯上面
每當我地差不多醒了(當然係差不多,但還未百分百醒啦!)
佢就會以為我地起身,走過黎床邊原地跳
佢會將雙手放在床邊,跟住就係咁原地跳
我成日都比佢呢個動作令我笑餐飽

而當佢跳到累了,就會扒在爸爸既肚皮上
好似問" 你地捨得起身咪呢?"

答案係........""就架喇,等下啦!!""

莎莎戰利品

買野的確可以令我本身既心情回復一點點
所以前日便去莎莎買了一些東西回來

首先買了幾支化妝掃
其實自己都已經有一pack掃
但始終都滿足唔到我

左邊既係一支鬆毛掃(正確名稱好似叫眼部輪廓掃)
可以用黎將眼尾既眼影掃番上眼窩的一個好工具

中間本身係一支小號既眼影掃
但我將它當遮瑕掃用
因為我搵足成間莎莎都搵唔到
用掃黎上遮瑕膏一定比用手好一點
因為手指既指紋會令遮瑕膏唔夠貼的

右邊只係我想買一支獨立既眉掃
用來擦靚我既眉毛
唔鍾意用我個pack掃個支好似牙刷咁既眉擦

呢個都係掃,係胭脂掃來的
我買佢係因為佢個形狀係圓形的
比我本身個支扁身既胭脂掃用來塗Apple位一定好點呢!

仲有便是這支眼線筆了
佢係扁身設計
我都知有一些人會將自己既眼線筆刨到扁扁的
因為咁樣比圓形既筆頭好劃D
我自己都試過,但我會將我支筆刨到得番半支..哈哈!!
現在有它就好了!!
查實我用圓頭既眼線筆一樣劃到的
但就想看看他們兩者既分別所以買左

今次既收穫好像用了二百幾
唔係好多,又可以滿足一下自己既購物慾
唔錯..唔錯!!
下次再同大家分享啦!!

轉戰滿記甜品

話說我又有朋友生日
又話說都係打邊爐
打完又話去番"糖百府"
但萬萬估不到等既人比上次還要多得肯
老闆話起碼十二點三先有位
Oh~~My God!!個時先十點幾呢?

後來朋友們經商量後,決定改地方
所以今次去了食"滿記"
記得以前如果要去滿記係好難的
因為個時只有西貢先有
對我呢D冇車人仕
要入西貢呢D咁遠既地方
可說是提起很大既勇氣!!哈哈!!
因為我懶嘛!!(￣▼￣|||)
但現在真係太方便了.....

我地去了朗豪坊既分店
去到四樓既時候要等兩張枱
所以我地一共八人就企在門口等了
跟住有一位哥哥同我朋友說:
我地十樓既鋪即刻有位比你地,你地熟唔熟呀!!
???(o゜ー゜o)?? ...吓..你問得咁奇怪既
我地八個一齊黎,而你地知我地係八個一齊坐
但又會咁問既!!真係"R"哂頭囉?

坐低之後一人叫了一個甜品
再叫左幾樣野一齊Share

最上面係"榴槤班Cake"
我唔好的,但我相信如果係榴槤愛好者一定喜歡
因為好重榴槤味呀…(´Д｀驚)…!!

中左係芒果班Cake
我因為家住深井附近
所以成日都會食到另一間都一樣出名既甜品鋪"發記"
但我自己就覺得滿記既芒果班Cake做得好一點
因為發記既班Cake皮我自己覺得比起滿記厚了一點
芒果亦比交酸,唔通我去親發記都係芒果唔當做??

中右係焗西米布丁(黑芝麻低)
好味呀,這種甜品一向都係我喜歡的
但現在好多時都只會在少量既酒樓先會發現佢地蹤影
正式既西米布丁係會用蓮容做低的
呢個係一個改變左既板本
但我也一樣喜愛它!

而下面分別係楊枝金露配上綠茶/雲尼拿雪糕
(這是朋友叫的,所以冇試過)

蝦子餅叫既紅豆涼粉配雪糕
當然佢有一個美化左既名啦
但我以經唔記得佢個專稱了
蝦子餅平時咁"YIM"尖
但佢冇話唔好食,我諗OK既
佢都有問我點解唔叫呢個
但我覺得再食紅豆,我會好飽了(因為之前打邊爐個餐都未消化完)

我係涼粉+雪糕(撈0野低)
好似係叫撈0野,如果我冇記錯
都幾好味,如果夏天食一定好正
因為佢個撈0野低每食一口都透心涼,雪糕也是!!
記得個時去許留山我也是一定會揀撈0野的!


今日一行..令我近來既心情帶來一絲絲既開心
因為工作令我透不過氣來,亦令到我心情差不多跌倒谷低
這一切一切都留代另一篇再說吧!!
多謝今天你們邀請埋我!!
下次也多些叫我吧!!
看看可否把我又谷低推返上0黎也好!