秒殺!!!Shu uemura 聖誕魔法妝品(附上試色圖)

一大早各雜誌已經出現大量為聖誕而出的彩妝品
我自己就大愛今年Shu uemura 的作品
所以早在幾星期前就在朗豪坊的分店秒殺左佢地回家

好忍手地只買了一盒眼影及胭脂
無它的..因為兩樣加埋已經夠六百蚊
可以拎埋個化妝袋,咁就足夠喇
(其實我儲儲埋埋好多個化妝袋,都唔知有咩用..哈哈)

眼影有兩隻色揀
我之前一路諗買邊隻好
因為我自己本身比較鐘意另一盒嘅插圖多一點
但那款的眼影顏色又好難用
所以最後都係揀了這盒 "bowwow! magic queen palette"

呢D咁靚嘅插圖就係由高野綾為Shu 特別設計的
就連一向只會喜歡黑蚊蚊,型格feel嘅我都吸引左
個盒面有好多細細嘅符號..三角,正方,星星,心心等等
真係超可愛呢~

睇睇下都幾靚呀...那把藍色的頭髮好美啊~呵呵

左起有三格眼影,右邊的應該是for眼線的
下面就有埋胭脂及霜狀的眼影

顏色都是我一向喜愛的啡金銅喇~
有金銅,古銅,青銅~
作眼線的是墨綠來的,不是黑色
還有桃紅色胭脂
及那隻霜狀的眼影
原來它除了作眼影外,仲可以用於胭脂前
真的嗎?下次一定要試試看呢~

還有這枝胭脂
好耐都冇用過啫喱狀嘅胭脂lu..
今次可以用下喇~哈哈

有鹿角的美少女
仲要係冇著衫架~

真係成枝牙膏咁呀~
好在每次用好小就得
如果唔係一百六十幾真係覺得貴左小小

櫻桃色...睇落好紅呢~

好彩..推開後不算誇張 (這幅我係手多多推完又加再推架...hahahah~)

最後,買滿六百就有埋個化妝袋喇~

拉鍊位置有心心同階磚
(差葵扇同梅花喎~)

車功不錯..亦都有幾多不同嘅分格添



哈哈~你地今個聖誕又買左D咩呀
剛剛先月頭
我已經買左好多野喇
又點只呢樣呀
下次再同大家分享啦~



是日分享完畢
多謝收看

[Makeup Record]灰灰的眼妝@萬人派對~YeAh~~

那一天我要去參加一個萬人派對
所以也就扮靚靚去出席了
今次棄用黑色的眼線筆
改用了灰色..這樣就不會太嚴肅了
(靈感亦是來自於我最愛的Voce美妝書)

用的彩妝品就是這些了
不算太多,但夠用就可以了

眼妝用到的先是這盒 Kate - diamond cut eyes
美美的灰黑色配搭
就是始終覺得會有少許飛粉的現像
用時最好先塗上 Eye Base
同時用掃上時也先輕輕 "櫈" 一下
這樣就比較好一點呢~

這枝是Bourjois - effet smoky 中的 74 號 grey shadow
這次就是用它來代替日常用到的黑色眼線筆
很好劃的一枝eyeliner ..
這枝另一邊還附有一枝匾身掃
可以將eyeline 推開..變成簡單的smoky eye 呢~

cyber colours 的黑色眼線筆
本身想找一枝灰的
但花花找了好耐也找不到
所以唯有用這枝了
因為它是我眾多的黑色眼線筆當中最淺色的

化完就是這樣了~
- 先用上 Kate 的左下格亮灰色在眼邊位向眼窩位置掃上
- 用大B的eyeliner 劃上眼線 (內眼線也描繪一下)
- 用黑灰色的眼線劃下眼線,可拉長一點點

- 用Kate 的右下格深灰色先在眼球位置落手,再向左右blend開
- 再用回亮灰色疊在深灰色上,這樣就可以了
- 用Kate 的左上格用手指點在眼簾中央位置,點高一點點也可以
- 用右上的亮白色掃在下眼頭前1/3位置
- 後2/3就用回亮灰色

塗上黑色睫毛液
就完成整個眼妝了~

胭脂用了Bourjois 的 Rose Coup De Foudre

因為眼妝想比較特出
所以胭脂及咀咀也選了偏自然的

Visee - BE 372
購自之前的日本之旅
我很喜歡它的
因為它不像一般唇彩的會痴住的D頭髮的

而且顏色我也喜歡呢~

最後再用上它白色的那部份
在兩邊權骨位輕輕掃上

好..攪掂..準備出發萬人派對
先預備兩枝發光棒棒

去邊..之唔係去忘我囉~
嘩哈哈哈哈,真係超多人嘅Party 黎架~

25年Wor...一開場就已經係一輪快歌
之後仲唱咗好多首人地嘅歌添
唔會有邊首唔識~
蔡一傑真係姣得有道理架~
我本來好想睇埋尾場,但補唔到飛喇
唉...算啦,等佢地下次再開嘅時候再睇過啦

好了..我都要開始忘我先~
哈哈~分享完畢


多謝收看~

十月份的小小敗家總結

女人天生就喜歡買野

開心嘅時候會買

唔開心嘅時候就會買得更多
我自己就係咁
永遠出糧之後D錢去哂邊
自己都唔係好知

今個十月我自己都唔知用哂D錢係邊
但都有D就同佢地影過下相

先是這堆流嘅Axxx Sxx

估唔到當我睇緊買咩嘅時候
屋企個蝦子餅都話靚
而且佢買嘅數量竟然係同我一樣 - 七件
今次真係估佢唔到囉~
(到而家佢都仲未比返錢我,作死佢)

好靚呢~
可以放下自己嘅化妝品,護膚品,化妝掃
左下角個個係用黎放化妝棉架,好精緻呢
(但放係厠所好似浪費咗D...哈哈哈~)
仲有個耳環架,我一揀就揀兩個
可以比個阿妹呢,佢超多耳環架
但我切佢嘅時侯真係有小小難度
輕輕一掂...又散咗,定係我切得唔好呢
個心心鏡好靚呀,係我咁多樣之中最鐘意架
好喇,講咗咁耐,但其實我同佢地一影完相又入返哂盒lu..
因為我相信如果我將佢地放向我個梳妝台
我D貓會幫我掃哂佢地落地,咁買黎仲咩?
哈哈..我諗一定有用嘅,有用嘅.........x 10

跟住就係我上次開團嘅Colour Con
我自己都買咗四對
但未用過佢地啊~
因為一用就開始計時架喇
等我再用多幾次再之前買落個D先喇
呢四對有藍色,綠色,紫色都有架
如果我開黎玩就再同大家Share 下啦~

呢對係同Amy團購嘅鞋
好高呀,對我黎講真係高架喇
認識我嘅朋友都知我係波鞋人
我諗你地都應該咁耐都未見過我邊日唔係著對波鞋出黎
但呢對鞋又真係靚喎,咁先死
夠竟我幾時先會著佢呢,無可奉告,不日上映.....嘩哈哈哈~

早上星期,卓悅大減價
我都見好多朋友出咗文Share呢
我就買咗小小地三樣野ja...

Loreal 嘅 Double Extension
之前都有睇其他人嘅自家試用文
覺得不錯,見特價九十蚊,都買黎試下囉~

呢枝洗白白架
玫瑰味,近來花花唔知發咩神經
好突然咁愛止咗玫瑰花的味道
呢枝我用緊喇,不錯啊,好清香嘅味道
唔會好濁咁架..沖完涼成身玫瑰味..舒服呢~

第三樣就係Loreal 呢枝 Day Cream 喇
咁岩自己用開嘅就黎用哂,咁當然要買喇
話用後兩星期,皮膚會變得smooth
用後一個月仲會令皮膚更靚更健康添
我都用咗佢差唔多一星期喇
塊面又真係好似滑咗同細緻咗DD
都OK啦,佢大減價四十幾蚊ja...
當時諗住唔岩用買黎送比朋友都好呀

最後就係佢喇
我家中有兩set 呢~
一 Set 係抽中 Amy攪的小遊戲,個日睇到自己個名好開心呀~多謝哂
另外玩 Bioderma 嘅 FaceBook Game 係頭唔知幾多位
又可以有多一 Set...

以上就係我其中一D十月敗家品
但其實自己又會真係用有幾多呢
er......我都唔知,但女人就是這樣架啦.....不是嗎???


分享完畢, 多謝收看