眼框線條繽紛玩顏色

今次分享既眼妝係我無意中看雜誌發現的
主要都係用影線膠,眼線筆呢兩樣工具
但用眼線膠真的不容易
因為會好容易"失手"的...(例如我...haha~~)

先看看完妝圖:- (還未上睫毛液,感覺眼神無光啊!!)

再來一幅看看:- (立即好多了!!)

再來看看今次既工具:-

^AUBE 雙頭筆(眼影+眼線液)
但我今次只用佢既眼影

^黑色眼線筆

^Maquillage 深藍/金 既眼線膠, Anna Sui 紫色影線筆

這便是今次用既妝物,很簡單吧!
但劃上眼我真係覺得好有難度呢
今次無圖片輔助說明了
因為相信講大家都會明
( 只不過係難在控制方面吧)

1. 用AUBE啡金液狀眼影塗滿整個眼蓋位置
2. 用黑色眼線筆先劃一條幼幼地既眼線 (幼一點便行了)
3. 用金色眼線膠在"2"上方加多一條眼線
4. 用深藍既眼線膠劃上一條下眼線
5. 再用Anna Sui 紫色眼影筆在"4"下方劃多一次(由眼尾劃上2/3便ok了)
6. 最後用回黑色眼線筆劃下內眼線,令眼睛更大啊


這樣一雙主要用眼線來化既一個眼妝便完成了
原來不用眼影也一樣可以令一雙眼睛變得美麗的啊!!
大家也加油囉!!

唯一雲貴川風味

近來真的愛上了吃米線
因為童童媽既推薦
今次改吃荃灣既雲貴川
上網找了它的資料
原來呢間都幾出名的
仲話成日都要排隊添

我地十二點去到
好在仲未開始要排隊
所以一去到都有位喇

坐低之後諗下吃什麼
我叫了酸辣米線加豬肚同腐皮

酸辣湯底已經係小辣
而佢地既餸明顯係已經卥過的
(之前都知佢地某D餸都係辣既)
因為第一次食,所以就吃小辣算了
呢個小辣對我來說完全冇問題
有機會下次試中辣好了
豬肚好入味..但湯我覺得油左D

如果用譚仔既湯底加雲貴川既餸
咁就一流了...............但
世事冇咁完美吧!!

超讚的網上雜誌

我平均每個月都會買一兩本美容雜誌
經過便利店時就會想本本都買
但有時又覺得好浪費金錢
因為一本我唔係頁頁都睇
只會選擇性咁去睇我想去睇既

但現在終於都比我發現了這個網頁
佢入面有好多不同既雜誌可以網上睇
日本,台灣,美國好多好多
亦都分門別類有時裝,美容,家居,娛樂等等
當然我就最愛看我的美容版啦!
CanCan, ViVi, Ray, nonno,嘩..真係太多了
而且仲係好update的
真係超正!!!!!!!!!!!!!!!!!

啱哂我呢D本本都想睇小小,但又唔使買既人
當然啦,網上睇就要上下咁拉上拉落,麻煩一點了
但對我來說,我就一D都唔介意了

http://www.vvshu.com/

有時間大家都去看看啦!

等~~寂寞到夜深

打呢篇Blog既時候
我仲係公司
Why~~Tell Me Why~~??

因為公司有一套System係外判既
而呢套System既美國總公司停電
所以連帶我地個System都Down左
由四點停到而家九點仲未得
六點問又話個半鐘後得
七點半問又話八點先得
好喇,到八點問又話唔知
咁即係之前講大話啦..衰人
直到剛剛又話等多半個鐘
你地係咪玩野架!!!!!!!!!!!!

你地知唔知係地整番個System之後
我地仲要做野架,你估我地D時間係比你地咁浪費架

嗱嗱嗱.....睇吓仲要等幾耐呀!!
唔該唔好玩我地同"乎蜆"我地啦!!

我要返屋企呀!!!!!!!!!!!!!!!!!!!!!!!!!!!!!!!!!

HELP!!HELP!!HELP!!!

貓貓之生活篇

我的兩隻小貓已經好耐都冇同大家見面了
今天就發放一些佢地平時既生活照給大家看啦
以下係我花花絕密獨家報導

- 原來MoonMoon 平時冇"淡"好食,鍾意以拾紙皮為生

- 有時拾到一些名牌既仲可以賣到一些更好既價錢呢!

- 之後仲要露宿街頭

- 訓在一個不足兩尺既鞋盒! 真命苦呀!

- 靚仔仲比狗仔隊影到佢懶理途人既眼光,當眾哂天體浴添!!



哈哈!!以上係花花狗仔隊"部"左幾星期先影到佢地既私生活照片


多謝欣賞!! （○●＾▽＾●○）

送給媽媽的禮物

今年母親節揀了牠送給媽媽

可愛極了
真想具為己有呀
佢係雪橇太黎的
可能就咁睇唔係好似
打開後似好多架!

側面圖

佢有名的,叫阿Jack
我在NICI買的
個度好多公仔都好得意
因為Sales話買兩件正價貨品有八折
所以買多樣野送比妹妹吧

Ohohoh~~今次一對了
但佢地係細版,左邊係Jack啦,右邊便是女仔叫Jill
佢地都附有磁石的,可以這樣放

好可愛呀!!

媽媽可能覺得已有好多公仔
但我又真係唔知買咩
我既預算又唔係多
為有等我下年搵多D先送樣好D啦!

我最喜歡你

今日母親節
所以想分享一下呢套日劇
"我最喜歡你"

^這是官網的板面

這套是日本08年冬季既日劇
是由漫畫改篇的
故事係講一個智商只得8歲的主角柚子(香里奈釋)
同一位同樣有智障問題的男朋友有了小孩
但他因為一次意外而死左
而柚子不理外間反對,決定要生這個BB"小葵"
並且要決心將她撫養成人

女主角要面對外間既人對佢既眼光
又要好努力做好媽媽既角色
我看了4集,好感動!
做一個普通既媽媽已經好難
可況佢仲要係有智障問題呢
但正正因為佢既純真
所以有時教小朋友比正常既媽媽還要有道理呢!

無記既收費電視正在做緊
有時候都看看啦
媽媽真的好偉大啊!

不得在這裡說聲:

媽媽,我最喜歡你!
願天下既母親都 -
母親節快樂!

元朗金泰釧

因為妹妹要去元朗既關係
而我同蝦子餅又要去上水
所以就發揮了我慳家既精神
搭妹夫順風車入元朗再轉巴士入上水了
比起由屋企直接去上水平一大截

入到元朗先食午餐
嘩..元朗既食店多得很
最後去了一間泰國菜館"金泰釧"

它的Memu紙多野到眼花撩亂
好在我們只是食Lunch
就縮細範圍叫午飯套餐吧!

*雞翼湯濛
又係好大碗,雞翼幾好食
但如果它另上會好D
因為D湯浸淋了雞翼

*豬頸肉飯

*泰式蝦醬炒飯
好味,好香口,黎到先知仲有豬扒添

*冬蔭公雞絲河粉
又係啦,一湯粉類都好大碗,好多草菇
但就得酸味,唔夠辣味

*另叫了肉碎生菜包
呢個我覺得最好味
可能我好多時出面食呢個會有隻味道係我唔鍾意的
而呢度就冇喇!
可能嚴格黎講其實係佢唔正宗
但總知佢冇左個種香料味之後我就覺得好好食了

*菠蘿冰冰
麻麻地,冇咩味,連我咁唔鍾意太甜都覺得佢唔夠甜
但如果係一個熱死人既夏天黎一杯
都不失作為一個消暑既冰凍飲品

上文先提到我發揮我既慳家精神
但今餐最後都係我請客!!
Oh~~好在只不過係二百大元多小小
如果唔係我啋鬼你地呢!

分享眼妝 - 紫 X 金

今次用了紫色同金色
紫色既眼影好蝦人化
因為有時見雜誌個D Model 可以用紫色化得好靚
真羨慕!!
而我只可以好保守咁利用紫色黎化眼
意思即係我絕對唔會將紫色化得太高
如果唔係又會多了一雙熊貓眼了
所以~~化Smokey Eye!!..我自己絕對不能Handle 到

完妝圖 - 開眼

完妝圖 - 半開眼

今次用了這些:-

Maquillage - 金加紫, 上面的是底霜
應該係上年出的,我自己都好鍾意呢D佢地幫你襯埋既眼影

Sweets Sweets PE6 - 購於卓悅,只見顏色合適買買左

簡陋圖解

先說上眼: (都係用底霜打底先,今次就係用了Maquillage的底霜)

用金色掃在大半個眼皮上,可以說係眼球位置到
紫色塗在雙眼皮位置
再用淺啡色掃在整個上眼簾(我係避開了紫色既範圍的)
最後用白色重點打亮眉骨

下眼部份:

用番紫色幼幼的掃在眼尾的部份
前半部用金黃色

加上上下眼線,睫毛液..搞掂~~

夏天的粉底

夏至已經來臨了
正正代表夏天開始了
又係時候去轉換一下我既粉底
始終在夏天去用一上一些冬天既粉底真的不太舒服
就在前幾天放假我買了它

它原先不是我今年既心水
但行行下又唔知點解買左佢..哈!!
當日counter姐姐同我試既時候
又覺得幾好,所以就用住它先啦
等我用完佢先再去買另一牌子吧!

雖然我個人比較著重眼妝
但當然一個底妝都一樣重要呀
一個好既底妝係可以令自己變得更精神呢

如果選擇粉底在夏天用
當然要薄,但亦都要有一定既遮瑕度
我已用了它一星期了
都幾好,第一真的唔會好厚
薄薄一層都已經好足夠
我每次只需要用好小既分量已經可以for哂我成塊面
而且遮瑕度都OK!
最重要係過了5-6個鍾都冇咩脫粉,亦冇變暗既情況出見
但唔知會唔會因為同我用埋佢支Base有關

因為佢既廣告係話這支Base係可以好似磁石咁將粉底更貼的
(但就不知是否真的咁神奇了..)
我買埋它只因咁岩我支Base也快用完吧了!

八方雲集

因為去探完媽媽
所以之後就去找食了
本身想從旺角一路行到去佐敦的
點知原本油麻地都有分店
見有位便走了入去了

這便是我地今次想食既八方雲集
入到去先發覺呢間係冇麵線吃的
只得餃子同湯呢!!

我地叫了兩個餐,所謂既餐就是一客餃子加一碗湯
喜歡的可再加五蚊多一杯飲品
先講餃子吧!
叫了韭菜水餃同招牌鍋貼
一客十隻,都好有份量呢!
水餃充滿了韭菜,好味,但略嚴唔夠熱,um..唔係熱辣辣個隻
而招牌鍋貼,其實係豬肉加椰菜整成既餃子
都幾好呀,因為加了大量既椰菜,所以食落冇咁油膩
但蝦子餅就覺得椰菜太硬了,我就覺得冇問題,因為椰菜本身就是爽身的嘛!

湯呢,我揀了酸辣湯,蝦子餅揀了貢丸湯
酸辣湯都好多料,但味道當然不及上海菜館啦!味道都OK的
蝦子餅個湯好清,而且充滿了香茜的味道,好香呀!
就連我唔食香茜的都覺得個湯好香呢!

一個餐平均二十六至二十八啦!
以咁既價錢都OK了,但食唔到麵線就有D失望,因為好想試吓!
呀~~佢地既豆漿都OK架,因為我自己好驚飲個D得個甜味既豆漿
佢地D唔太甜,岩哂我了~~嘻!!

愛回家

下面呢幅相係我近來最常去的地方

這裡是九龍醫院
因為媽媽做了一個不算小,都不算好大(真的不懂形容)既手術
所以由本身既QE再轉送了九龍醫院這裡休養
這裡比一般既醫院有點不同
因為我覺得這裡環境清幽,仲要坐落半山
真係一個養病的好地方

呢幾星期, 一放假都一定會黎
黎找我的好媽媽,不竟住醫院真的好悶
找媽媽講吓自己事,講吓娛樂八卦0野
消磨一下又一兩個鐘
好快又比護士說"探病時間到了,聽日再來啦"

但我既聽日代表又要等下星期了
因為之後既一至五,又要努力工作
跟本好難可以八點前由香港島飛奔過九龍醫院呢度

真希望媽媽快一點出院
媽媽也說想快一點回家
在醫院好悶,當然啦!
什樣說都是自己的家最舒服的,對嗎?