Prisoner of Love

最近迷上了看日劇
唔知點解
當好多朋友已經轉看台劇既時侯
我依舊愛看我的日劇
今星期用了兩日時間看了Last Friend
仲未看完,因為直到現在最新只係去到第十集
十一集先大結局

呢套劇主要都係圍繞5位朋友
大家都想去找尋幸福
但又好似好遠咁

主角係野田妹
諗唔到佢演得咁好
在劇中飾演一名喜歡女生的她
完全找不到一絲野田妹的影子

在網上找到這首主題曲
同大家分享一下
由宇多田光唱的
中文譯做愛的俘虜

 

這樣的愛好嗎?
等同劇中的另一主角
同居男友不準她和別的男性朋友見面
又不可同男性客人剪頭髮
最後連普通既朋友同學一樣唔見得
仲要對她使用暴力
她開始既時候一樣接受他

她試過走,但又會被他的說話而再次回去
可能大家會說走啦!!是嗎?她好蠢呀!!是嗎?
但有時愛情也是盲目的
不一定是愛情
生活上也是,明明係錯的
但也會去做
明知錯的,亦都會重複去做呢?

不是嗎?

阿Don六月之新 Look

阿Don今個月終於都剪毛了
本身係上星期的
但我突然有事約唔到phobe黎我屋企
為有改今日啦!!
先比你地睇下佢剪之前個樣

**以下內容雖家長陪同收看**

哈哈!!嚇唔嚇人呢!!
今日剪剪下比phobe發現了一隻牛B既BB
點解既,我冇同佢落街架!!
好驚呀,但phobe話唔使驚,牛BB黎姐,同埋之後都唔再見到有了
好啦,比番個靚樣大家睇先得了

係咪唔同哂呢!!多謝phobe姐姐

義犬護屍

義犬護屍(好怕漁記會拍佢救救牠呀!) 港大前外籍講師 經紀催租揭發 女律師醉死 義犬護屍 22/05/2008

文： 歐展鴻、譚皚璧 桃李滿門港大法律系前外籍女講師，昨被登門催租的地產公司職員，揭發離奇倒斃在大嶼山村屋住所，屍體發脹腐爛，屍旁遺下空酒樽及藥物包，她飼養的唐狗忠心守護屍旁，需漁護署人員將牠捉走，警員始能入屋調查；估計死者死去一星期，疑酒後暈倒失救枉死。她曾培育不少「律政新人王」，業界對她不幸喪生，感到惋惜。 婚姻失敗酗酒 外籍女死者Helen Joan Mccook（五十一歲），為香港大學法律系前講師，獨居長沙下村一村屋三樓。至於她曾否仰藥有待剖屍驗證，事件並無可疑。 昨中午十二時，地產公司職員登門向欠下兩個月租金的Helen催租，惟無人應門，但屋內傳出狗吠及惡臭，職員於是報警。警員趕至破門入屋，卻被一隻三呎長的啡色唐狗從睡房撲出追咬，各人退守樓下暫避。 因屋內傳出屍臭味，警方相信發生命案，卻束手無策，只好通知漁護署派員協助。警員分持盾牌和伸縮警棍戒備，並派人爬上單位露台，隔玻璃趟門視察屋內情況。 個多小時後漁護署人員將唐狗捉走，唐狗在籠內仍拚命掙扎。警方入屋後發現一具腐爛女屍倒伏床上，屍身遭氈被蓋，手部肌肉更爛至見骨。警方在屋內無檢獲遺書，僅在床邊找到多個空酒樽及一些藥包。 忠心唐狗為雄性、約十歲大，由Helen飼養多時，植有晶片但已逾期。女狗主死去多日，唐狗靠屋內僅餘的狗糧維持生命。牠目前被帶返漁護署動物管理中心，初步檢驗健康正常。 Helen因一段挫敗的婚姻，一蹶不振，常沉溺於酒醉之中，最後黯然離職。曾與她共事數年的港大法律學院助理授張達明，對其離世感惋惜。Helen由九○年至○三年在港大法律學院出任講師，學生逾三千人，包括替陳振聰爭奪千億遺產的最年輕資深大律師林雲浩等人。但有街坊指Helen是個愛以法律據理力爭的「麻煩友」，多次投訴鄰里及欠租。她的外籍丈夫亦共事法律界，夫婦因感情破裂離異，前夫已返回外國。

請幫忙Forward出去

Tips 不是鋪頭

首先請看看以上圖片(今期的飲食男女)
之後再看以下對話

以下是我同蝦子餅的對話:-

我 : 『咦..你睇左邊度有得買個個流沙包咪呀？』
蝦 : 『睇左啦！』
我 : 『咁邊度有得買呀？』
蝦 : 『唔…』(正在搵番個頁出黎睇!!)
蝦 : 『…..呀…中環既超群同埋“Tips” 呀！』
我 : 『“Tips”唔係鋪黎架wor !! 』n（ー_ー？）ﾝ？

之後既成程巴士我都一路笑佢
笑到番屋企...哈哈哈!!!!!!!!!!!!!

好貴的午餐

今天又同妹妹同妹夫去街街了
今天因為去拜公公同舅父
所以便出了沙田

今天妹妹想食日本野
本身我諗住去百人一珠
點知原來冇左了
改去了壽司派
之前見有D人講話等好耐
但可能我地到達時已經過了lunch 時間
所以大約15分鐘就有位了

先看看它的Memu
比一般既迴轉壽司好像貴了一些
有分大約5個價錢
由最平既$9去到$36
但注意,有一些係$36 for 一件的
而唔係一碟,真的貴了一點呢!
但好在,它的價錢同食物都叫成正比
食得出用料好新鮮

蝦子餅最愛的北寄貝

這個好似叫軟殼蟹卷(唔係好記得)

當然都要叫三文魚啦
但比起其他反而三文魚我覺得一般

跟住個5樣我都好鍾意的
- 蝦天婦羅壽司 (蝦好大條,好彈牙)
- 辣味帶子壽司 (帶子超級新鮮,每一粒都食得出爽口的)
- 碎吞拿魚壽司 (今次咁多壽司之中既最最最好味)
- 海膽壽司 (情意結,一定叫的)
- 軟殼蟹手卷 (蟹仲脆的,因我試過一些出面既手卷好多時蟹已經淋哂)

上 - 中拖羅
中左 - 唔知咩魚 (唔記得左了!!)
中右 - 海老壽司
下 - 和牛壽司 (唔覺特別好食,D 牛仲有D根的,$36一件就真係貴左D)

燒三文魚頭
本身我冇諗住食
但妹妹叫我食一件
又發覺好好食
又入味,又香口,唔會好乾身添

大家估下今餐幾多錢呢?
4位要成千呢!!

好貴的Lunch 也 !!  Σ(ﾟ◇ﾟ；) ｹﾞｯｹﾞｯ
仲要AA,蝦子餅今餐唔幫我比呢!  ━｡･ﾟ(ﾟ>ロ<ﾟ)ﾟ･｡━ッ