Bourjois小敗~超愛金色三色眼影之妝容分享

上一篇話說花花去左迪迪尼玩
仲用左新眼影扮靚靚添
看到標題就知道喇
冇錯喇,之唔係都係Bourjois 囉~
早在上星期又敗了一小堆回家
其中一樣就是它了#10 Gold Smokey

我的集郵習慣又黎喇
三色眼影一看又想擁有

未到聖誕就急不及待開封左
隻金色太靚喇...我愛它啊

分別係Highlight 嘅白色
主打金色及純黑色~

同日還有買了這三盒單色眼影
同樣是可乾濕兩用
我自己還是喜歡濕上多一點
說是新配方,更柔滑,更持久
當日試過又好似比之前的更貼服..
其中兩盒packing 上有閃粉包裝的是閃爍色調
入手了#11灰綠色及#13紫色
比起普通的#74啡銅色
閃爍色調就是眼影配合上較粗的閃粉,所以未必個個人會喜歡上它
花花未開封佢地呢,希望遲D可以試比你地睇下啦~

最後仲有新出品甲油一枝
大家知道我揀了咩色嗎?

這樣就清楚哂啦~哈哈
係囉,又係紫色..
還有一枝都是新出的..似啡紅色架
你地行開都可以睇下

買滿四百唔知幾多
有份禮物送~
花花揀左似爽身粉味的沐浴乳
清清地岩我呢

==========================================================


說回我的妝容
把三色眼影劃上眼就是這樣囉

不要問我好唔好用,情意結
貼服,易上色,顏色靚...

唯一係只為了隻金色就買左佢返黎
始終白色highlight及那隻純黑也太過普通過普通吧
相信屋企是旦找一下也會有的百拾顏色

配上Revlon 啞色胭脂 003 Perfectly Peach

及MAC 的 Fashion Scoop 唇蜜

這淡淡的粉紅色很美
記得那時是叫它做冰淇淋唇蜜的,很貼切呢

好囉...我已做足準備
要出發去迪士尼玩喇~
就此說聲拜拜.... ByeBye~


多謝收看~

偶然一下的童真ヾ(≧∇≦)ゞ<迪士尼雪亮聖誕 - 妙想童話國>

花花蝦子餅之前幸運地抽中左頭條日報嘅迪迪尼飛一張
而我一向都唔鐘意假日去,會好多人, 會排好耐隊
所以岩岩嘅星期五我地就請咗一日假去玩下喇
咁岩亦都係第一日開始佢地嘅 [雪亮聖誕 - 妙想童話國]

本身諗住一早去架
又係我囉...唔知醒
去到都十一點幾喇
今日我嘅主要任務都係影煙花
所以就一早叫定蝦子餅帶腳架架喇

雖然有排先聖誕,但去得就要投入架啦
度度都充滿聖誕氣氛,唯一係天氣都仲係熱左D囉..哈哈哈
好得意呀,枝枝糖果棒都代表每一個迪迪尼嘅主角架
我最鐘意就係唐佬鴨架喇........

一路行就發覺佢喇
佢叫 Duffy 呀,一隻超可愛嘅小熊
今年 Disney 聖誕主打之一
係米妮特別做比米奇架..So Sweet
咁可愛,就當然唔放過啦
排下隊影張相先

佢真係好Cuite ,仲會做好多趣怪動作
我超喜歡他啊~,就連蝦子餅都說他可愛呢
但..........點解你好似未瞓醒咁嘅呢?
er..........原來佢已經係"mak"大左對眼架喇...hahahaha!!!

向園內方向行前一點就到左另一為聖誕而新起的薑餅人村莊
其實就係迪士尼人物的家

我最喜愛的唐佬鴨

直望是米妮的

還有這個放滿禮物的摩天輪

這裡可是影相的好地方呢~

之後就周圍行..看見薑餅人,又來張合照了
見還未肚餓,先後玩了幸會史迪仔,巴斯光年,米奇幻想曲

吃過午餐先~
這幅圖是什麼來的呢?
冇錯喇..味米奇頭囉...哈哈..太無聊喇我~哈哈哈

食完之後就諗住去睇巡遊喇
途中看見這個史迪..這妹妹仲好集中會神咁望住添
忍不住影了一張..小妹妹與小史迪

我地見差不多時間就坐定定等睇雪映舞動巡遊
其實睇過幾次了,但我還是很喜歡看
因為好有聖誕氣氛架~仲可以睇到D 工作人員明明好熱
仲對住我地笑...真係好專業..比十個叻佢地...
牛女呀..又係我喜歡人物之一
反斗奇兵我好鐘意睇
可惜話已經係最後一集
希望仲有得睇啦~

看完巡遊就行行商店,比我見到Duffy
好想買佢返屋企
但三舊水一隻.......我最後冇買喇
都係同佢地影下相就當買左算喇
仲有著左衫仔嘅阿甘呀...
等煙花中途再玩下那隻船
同埋玩到我癲左嘅咖啡杯

我真係玩到傻左,係咁轉個杯中間個舊野
因為你轉佢,會令個杯轉得更快
好在玩完仲行到直線ja..

玩玩就坐定定,set 好腳架影煙花
嗯...影得唔靚,下次再學下跟住再影過

走嘅時候仲有飄雪睇呀
花花好鐘意睇落雪架
好希望可以去一次北海道睇一下落雪
咁而家未儲到錢就唯有睇住呢個先啦
我都好滿足架喇~
得閒入去行一轉,找回一點點童真都唔錯呢

今日一行我累死左
一玩完野都唔食就叫著要回家喇
哈哈........諗緊買唔買張全年通行証先
當日我仲用了新化妝品為自己扮靚靚影相添
用了什麼?你們看相片看到嗎?
看不到?好吧,下回分解~

多謝收看~

 

 

一波三折的好玩印甲班

剛剛的星期六
花花同水魚去左Purple House 攪嘅小組印甲班
有得玩,我地又點會錯過呢,係咪~

主人家 Pui Pui 先給我們看一下甲書
睇下有冇岩心水先~
花花看中左兩款啊~

先是呢款聖誕甲~好靚呢,仲有聖誕雪人同雪花添~

第二款就係比較和風 Feel 嘅甲
仲要係我最鐘意嘅紫色添~

跟住我嘅選擇困難又黎喇~
要邊款好呢,聖誕個款好似易D
但又好似過早添
和風個款好難啊~
最後Pui Pui 話聖誕都係比較早
咁好啦,就和風甲啦

先推D死皮出黎,再剪走佢地...
花花D死皮係千年皮黎架
Pui Pui 仲要出動到磨機去磨走佢地添呀~
今次花花同水魚一樣揀左圓甲
其實我係適合方甲多D架
但我自己之後一定會整唔返~
所以圓甲會方面打理一D

之前D甲邊又多死皮,D甲型又唔知想點
後來修好哂,仲拋埋光添,靚仔哂喇~
可以正式開始印甲喇
黎到呢度,我相機冇電...oh~shxt~呀真係
即刻借住水魚個部先得,咁岩水魚都差唔多影完喇

今次要用到四隻甲油咁多呢
紫色,閃紫,閃金色同黑色
知道喇,花花好揀唔揀
揀埋D咁嘅款囉~哈哈哈!!!

咁多款甲油...都唔驚搵唔到啦~

話咁快就搽好哂五隻手指喇
又黎到呢度.........Oh Shxt Shxt !!!! 水魚部相機都冇電喇
咁點呢~冇辦法,手機都要架喇...(激死花喇~~~)

用到嘅印油有粉紫同綠色

印花圖案就只有一款
但唔好睇少佢呢...

(終於影哂~喇....)
Pui Pui 好努力咁幫花花印印印
用金色拉花線點綴一下
再加上不同閃石就完成喇

點呢?靚唔靚呀
我自己好鐘意呀
就係一個圖案都可以做到咁嘅效果喇~哈哈

補多張手指公比大家睇下啦!

跟住左手就由花花自己挑戰一下喇
照跟先,希望還可以啦

係咁上吓喇
雖然D印花化左D
D金色線又樣衰左DD
大家將就將就喇~

就係咁..花花當日又過左一個開心的一天
而家Purple House 都有係 Facebook 開興趣班
仲可以自己搵朋友組隊去玩添
如果大家有興趣都可以去玩下啊~
玩完仲有記念品一份架
http://www.facebook.com/hk.purplehouse


興趣班地點會係:-
觀塘Purple House
觀塘成業街7號寧晉中心東廣場2樓207號舖

秒殺!!!Shu uemura 聖誕魔法妝品(附上試色圖)

一大早各雜誌已經出現大量為聖誕而出的彩妝品
我自己就大愛今年Shu uemura 的作品
所以早在幾星期前就在朗豪坊的分店秒殺左佢地回家

好忍手地只買了一盒眼影及胭脂
無它的..因為兩樣加埋已經夠六百蚊
可以拎埋個化妝袋,咁就足夠喇
(其實我儲儲埋埋好多個化妝袋,都唔知有咩用..哈哈)

眼影有兩隻色揀
我之前一路諗買邊隻好
因為我自己本身比較鐘意另一盒嘅插圖多一點
但那款的眼影顏色又好難用
所以最後都係揀了這盒 "bowwow! magic queen palette"

呢D咁靚嘅插圖就係由高野綾為Shu 特別設計的
就連一向只會喜歡黑蚊蚊,型格feel嘅我都吸引左
個盒面有好多細細嘅符號..三角,正方,星星,心心等等
真係超可愛呢~

睇睇下都幾靚呀...那把藍色的頭髮好美啊~呵呵

左起有三格眼影,右邊的應該是for眼線的
下面就有埋胭脂及霜狀的眼影

顏色都是我一向喜愛的啡金銅喇~
有金銅,古銅,青銅~
作眼線的是墨綠來的,不是黑色
還有桃紅色胭脂
及那隻霜狀的眼影
原來它除了作眼影外,仲可以用於胭脂前
真的嗎?下次一定要試試看呢~

還有這枝胭脂
好耐都冇用過啫喱狀嘅胭脂lu..
今次可以用下喇~哈哈

有鹿角的美少女
仲要係冇著衫架~

真係成枝牙膏咁呀~
好在每次用好小就得
如果唔係一百六十幾真係覺得貴左小小

櫻桃色...睇落好紅呢~

好彩..推開後不算誇張 (這幅我係手多多推完又加再推架...hahahah~)

最後,買滿六百就有埋個化妝袋喇~

拉鍊位置有心心同階磚
(差葵扇同梅花喎~)

車功不錯..亦都有幾多不同嘅分格添



哈哈~你地今個聖誕又買左D咩呀
剛剛先月頭
我已經買左好多野喇
又點只呢樣呀
下次再同大家分享啦~



是日分享完畢
多謝收看