印甲分享 - 帶點神秘的少女

今次想印回少女一點
但太粉紅我又唔想
所以都係以黑色為基礎

先用了這些甲油
- OPI NL T02 Black Onyx
- Bourjois 52 Rose Precieux (很美的實色粉紅, I Like it ~)

今次印油出動了黑,白,銀
還有金粉同透明嘅Top Coat

原本諗住試下用普通甲油當印油咁用
但原來是不可以的...唉
可當印油既甲油真的不多
所以今次迫住我抹哂佢地再黎過

印花板用了三塊
-M59,M60,M71

製成品:-

原本我係想用粉紅色做埋印油的
但因為唔可以
所以為有從新整過
但無名指我又唔想洗左佢
所以就出現了咁既怪現象了

就係因為佢 - 無名指小姐
因為我未試過可以印到隻公仔咁靚
比我再印都一定印唔返..
所以就保留左佢係度喇

下次應該係新年甲了
但到而家都仲未有頭緒啊!

我愛花花 - Part II

原來幫人整都可以一樣咁開心
因為蝦子餅既妹妹想玩
所以我就帶了一些工具,印油,甲油
預備前先問一下佢想要咩甲油
原來佢喜歡淺色的
我既甲油一向都是以深色為主
找了我的甲油收納盒...
只是得好幾支粉紅色既甲油..

今次就用了這些了:-
- Konad R16 Pink Pearl
- Konad 黑色印油
- Bourjois 1 Seconde No.18
- Konad Top Coat

印花板花花有限
計哂都係得個八塊
最後emily小姐都是喜歡花花圖案
就用它們啦~~(己找哂我有花花既圖案板了)
- M35, M37, M20

開頭都係諗住用白色印油的
但因為今次既甲油係淺粉紅色
所以效果一般,又唔明顯
最後都是揀回黑色

好彩最後emily小姐都收貨
原來幫人地整我都可以好開心
比整自己更加比心機添呀~~

坪洲一日游

昨天約了一班同事一齊入了坪洲玩了一日
哈..這還是我第一次去呢個地方

這是一個很細既島
入到去好靜..沒太多人
可能我們入去玩
可是住在這裡的居民卻去哂去市區玩?
我們一路行..發覺周圍都是小小既漁船
就連龍舟都見到好多好多

之後發現了一間冇人住既屋
仲講笑說好像綁架屋..
我就覺得似鬼屋了
如果是夜晚..我打死都唔會入去
看見上面有一幅用油彩劃成既豬嗎?
好勁.我觀察了一陣
發現只是在樹幹油上油彩的
而且屋主可是排了好多好多酒樽在那棵樹下面...
真奇怪................
這棵樹對面是一間士多
可能就是因為咁而儲了很多酒樽吧!!
坪洲可是多廟多到不得了
每行幾條路都會發現各大大細細既廟呢~

行到咁上下就醫肚了
這裡比較出名的是蝦多士
果然好食...
聽聞還有菠蘿冰都好飲
訪問了有飲的人
他都說好味道..

當然花花要拍一下花花啦~~哈哈
除了花外..
有人向門前種蕃茄..辣椒..蘆薈..真是咩都有...

除了廟多,花多之外..就是貓狗多..
當我們有一段路想上山既時候
仲突然衝出好幾隻狗出來..係咁向住我地吠...
驚到我呢..好彩有一個同事有一點經驗
知道牠們不是真的惡狗
所以上前對牠們喝了一下
之後發生咩事..我可是不知道了
因為我一早已經沿路行返出去了..
只見冇耐同事們都一齊出來
wow....之後比人串了一句
"你養狗又驚狗既!!!"
喂喂喂~~~牠們個樣不似善良狗呢~~~

坪洲的確是個很寧靜既小島
入去睇下,影下相,食下野
真是偷得浮身半日閒

 

從遠方來的甲油

有一天好突然地收到朋友仔既依貓
說她會回香港,還問我想要什麼從美國那邊帶回來
我只答她..突然問我,我又真是想不到呢

所以..我只說有關化妝品或甲油吧

因為是突然回來

而且過幾日就飛了

所以來不及等我慢慢揀要D什麼了~~
所以最後我就說幫我買一點甲油回來啦

顏色只是對她說了我喜愛深調的

 

前幾日食飯終於看見它們了
朋友仔幫我買了一些 Essie 同 China Glaze
原來好不太喜歡China Glaze ...
哈哈..但現在它反而是我的最愛呢

好了..先看看朋友為我選購的油甲吧!

我朋友比較喜愛Essie
我可是未用過它們啊
更說第一幅的那兩支粉色是好最愛用的

今天決定看一看它們
而且諗住又玩印甲了
正好睇下玩咩顏色印咩好
除了最鮮紅的那隻冇試色之外
其他的六隻便是上圖了
188 - Golden Nuggets 的那隻是帶有金粉的透明甲油
又可以多一支金粉Top 了
而663 - Damsel in a Dress 我都好喜愛啊
...又係紫色..哈哈哈..我呢個紫怪冇得救了

我有問我朋友為何不喜歡China Glaze 
她說覺得它好快就杰..啊~~

玩完一輪之後
最後決定用OPI的黑色
因為上次我印了好多花花圖案加粉紅甲油
所以今次要反轉用黑色

好了~~現在要去玩印甲了
印完再同大家分享吧~~

多謝收看

淘~~耳環

花花從細細個已經好鍾意耳環

但奈何穿了3次都不成功

可能我既耳珠太厚的原因吧

每次都是慘淡收場

所以一早就放棄穿耳了

 

上星期看了某Blogger既分享

又看見了好靚既夾耳環

看到我又雙眼發光了

所以又出動去...............淘

收穫都不錯呢
全都是夾的
平均都是十幾廿大元
很符合我既經濟原則..哈哈

最得我喜愛的是長頸鹿
可愛死了~~

看不出是夾的啊~~
不過長時間夾也不太好受吧
到放工時間耳珠開始有一點點痛了
但..........愛靚唔愛命既我
當然繼續啦~~~~~
.....................

今次亦都一併淘了一些大碼衫
有機會再同大家分享啊~~
(雖然應該冇咩人喜歡看大碼系列......)

 

 

 

 

 

再淘寶,再收穫

今次都係揀返第一次幫襯個間
但今次就主要揀頸鍊
呢間賣既野都偏向金屬加寶石類的

手鍊就只是揀左一條
襯返上深色衫應該都唔錯的

揀個時唔知,但開哂出黎就發覺原來樣樣都金色
右上個條鍊原來好鬼大條,太誇張
而家唔知點帶佢出街好lu...

呢條係送既
但有人就話呢條返而最好睇...................

仲有淘左一件普通到唔普通既褸返黎
可以見到好大件呢...........
因為我都係大件囉....
所以只可以揀返一D深色,普通既衫
大件既人都真係好難買衫
行街睇見好靚,但就一定買唔到
所以我大多數都係上網買一D 大size既衫
呢件褸都幾好,因為D料好企身
可以掩飾一下我D肥肉

提外話:
今天第一次向出面比人修甲
原來修一修真係好睇好多
只不過都係貴一點
下次都係諗諗先~~

分享完畢
多謝收看 ^^