眼妝分享 - 自然系的粉紅 x 啡

花花今晚約了朋友食飯
但今天又是工作天
所以不太可能化得太誇張
我可不想被老闆問話呢
最後決定選用比較自然既粉紅色

今天採用的妝品

眼影: Lavshuca - PK 1
胭脂: Benefit - Dallas 胭脂
唇膏: Kate - BE 18
Mascara: MJ & Bourjois
Eyeline: 不知明......

這盒E/S可做出又自然又甜美的眼妝,很實用呢!

完妝圖:

塗法簡單:
淺啡塗在整個眼簾位置
深啡塗在雙眼皮位置
粉紅由深啡既邊緣位向上掃開
喜愛既可用回淺啡掃一點在眉骨位置

因為要自然
本身諗住改用啡色既眼線
但..化慣濃眼妝既我劃完都係覺得睇唔慣
最後都是用黑色劃一條幼身既眼線
之後再度手多多
再劃了半條下內眼線
算吧..算吧..好停手了~~

那支眼線筆我覺得不太好用
劃既時候唔太順
在家劃完返到工司已經有化開既積像
(唔通因為我在返工搭巴士既時候0訓覺流眼淚而整花左??)
睫毛液今次塗了兩次
先用MJ塗完再用Bourjois
咁就可以增長之如仲可以濃密一點點了

今天終於試了上面
上次都是試上手比大家看
可以見到就算掃上面也不會好深色
仲要係我已重複掃了好幾次了
越來越喜愛你了>>>Benefit - Dallas<<<

最後咀咀當然也一樣用了蜜桃色系既唇膏
今次就選用了Kate..


今天分享了不只眼妝
還加插了胭脂同Lips
希望大家喜歡吧!

 

眼妝分享 - Bourjois 變奏版

今次都係用了Bj既眼影
但就溝左Kate一齊用

今次用既眼妝品

- 綠色閃粉
- Kate diamond cut eyes
- Bourjois #19 blanc amethyste
- Bourjois #11 infinite green


完妝圖:

今日我太趕住出門口了
所以只好回家後再影回我的眼妝
所以可能有些小脫色
綠色既地方已經不太看見綠色了
加上我滿面油光
請大家見諒了

妝容文:

先把Kate灰色的眼影塗滿整個眼窩位置打底
從眼頭到眼中間位置塗上Bj既綠色眼影
眼尾位置就塗上Kate的黑色眼影
用綠色眼影上壓上綠色閃粉
用一支乾淨既掃將眼影邊邊blend開
Bj #19 打亮眉骨

用回Kate的灰色劃上一條下眼線
下眼尾用Kate黑色加粗一點
黑色眼線筆劃上下內眼線
塗上睫毛膏

我發覺我又豆雞了
好樣哀呀!!!

換了新電視

今時今日
我地而家先換了一部高清電視
會唔會遲了一些呢
其實都唔係專登換的
之前既電視畫面一時放大一時縮細
聲音又一時有一時冇咁
為有換個部囉
唉..係冇錢既時候
就會發現屋企既野續件續件咁壞
真係越窮越見鬼

今次蝦子餅買了三星32寸..$5000
一路都以為會放唔落個櫃度
因為我地之前部大牛龜電視得29寸
仲要我地係大櫃,唔係矮櫃
點知黎到又真係剛剛好
多一寸都冇..又幾好Wor..

是否覺得女既靚女D,男既又靚仔D呢?
都好,多了個J2台睇下

點都好,唔好再失驚無神又有D咩大型電器,家私壞或者爛
短期內都唔想再用錢了!!!

Clinique 7 Day Scrub Cream

買了它一段日子了
亦都用了好一段時間

所以就分享一下它吧

Clinique 7 Day Scrub Cream $160

本身呢支磨沙不是我考慮範圍之一
只不過個日同clinique 既BA講開
自己化完個底之後成日額頭位都會有D皮仔咁
用過保濕Base打底都會有咁既情況
所以個BA就叫我試下磨沙
見唔算貴,所以就試下會唔會有改善
當然啦,我用過之後又真係改善到
所以就同大家Share一下

今次我試了上手比大家睇一下

左手我用了磨沙,右手係冇的
可以見到磨左沙既左手係平滑左
右手明顯見到好多細紋

之後再上碎粉一看
就會見到有好大既分別了
因為右手冇先磨沙
所以上碎粉後
細紋會更加明顯
睇落去就凹凹凸凸咁了

這支Scrub比較特別
是洗面前用的
雖然它說可以一連七日都可以磨
但我始終覺得磨沙都是一星期最多3次好了
仲有,呢隻係可以磨埋嘴的(一星期最多2次)
一舉兩得呢!!

眼妝分享 - Bourjois

終於都有眼妝同大家一齊Share喇
因為我呢幾星期Weekend都自閉
返工既我又多數唔化妝的
所以冇任何既眼妝分享

今天終於自閉完
決定去街街了
一要諗用咩E/S好
當然試新野啦...係咪

冇錯喇,今天用它化了眼妝 - Bourjois

除了那支銀色Eyeline 筆之外全部都有用

完妝圖:

妝容文:

先用圓形那盒(#19)打底
再用綠色化在眼廉上(大約雙眼皮位置再掃上一點)
再將紫色劃上一條眼線
(我今次因為想條眼線持久一點,所以先用水噴在掃上再上色)
用回紫色眼影劃上一條下眼線,尾部可粗一點
用黑色眼線筆填上 上下眼線

打底個隻色真的好靚
佢係有一點點閃既紫色
但好淺,好自然,好Soft
佢既紫色係好似從皮膚透出來咁,好正

綠色呢,都好靚,但冇廣告個隻綠咁鮮,咁出
原來從其他人得知,Poster 中的Model係用了一支E/L打底的
花花今天找過,顏色找到,但係閃的,我係要實色,最後冇買
買到後再試~~

紫色都可以,用來劃Eyeline唔錯
遲D又冬天,用它做主色又得

花花一定會找到那支綠色既Eyeline
一定會...等我

眼睫毛的定型水

@Citysuper $68

買了它足足一個星期有多
但就係未有心情試一試佢
這支可說是眼睫毛既定型水
它說是利用樹脂記憶既原理
只要把它噴在睫毛夾上再夾一下睫毛
可令睫毛整天都保持捲曲

用法是先張開睫毛夾，將噴霧噴在睫毛夾外側
即白色圈圈位，記住係外唔係內
跟住搖下個睫毛夾等佢乾
用紙巾抹番睫毛夾個膠墊位(因為頭先噴既時候一定會噴到)
乾左之後就照平時夾睫毛咁夾

因為想試一下佢是否真的可以Keep咁耐
所以花花沒有塗睫毛膏，只是用一雙素眼就咁試
我左眼是沒有用噴霧，右眼就用了噴霧
分別影左四幅相(因為冇化妝，請不要理會我雙眼如何的殘..Haa..)

1.係我噴用即刻影
2.過了三小時後影
3.過了六小時影
4.走去訓覺，唔理它們，看看第朝是怎樣


先看左眼，沒有用噴霧的

再看右眼，我既右眼睫毛係有點向橫生的，不是支野整到我咁

就是這樣
其實從1-3係睇唔出有D咩分別
只係第4幅當過了一晚後
有用個隻眼既睫毛仲有一點點既捲起
冇用個隻係完全見唔到有任何既睫毛捲起

用後感我自己覺得是這樣
這支定型水都可以叫係有佢既作用
但相信好小數人會化妝化足二十四小時的
所以我自己就覺得冇咩用了
又或者除非你自己既睫毛係屬於好快好易就會垂番既
我諗都可以試試
但當呢支定型水用在易垂既睫毛上
是否可以令到睫毛持續捲曲
我又真的不知道..要你們試完再話比我知先得


多謝收看!

 

銅鑼灣敗家 - Benefit

渣甸坊之後
我便去了時代廣場既連卡佛
一早已經諗住去Benefit

因為家中既落妝水差不多用完
所以便要去補貨了
這支落妝水我很喜愛用
因為花花不太喜愛用落妝油
整到成面油個種感覺我自己唔鍾意
所以落妝水便是我的至愛了
雖然它說可落埋眼妝唇妝等等
但眼妝我就覺得都係用回我的clinique好了
我每次落完我既眼妝後
用這支落妝水沾濕化妝綿再抹一抹面上的妝
之後再洗面就已經好乾淨了

圖中左邊的係即興買既胭脂
本身一路都係諗住買它的皇牌蒲公英胭脂
但去到當我試上手,已重複塗了三四次
但就係見唔到有顏色,可能手同面始終都係唔同
跟住我見到個BA隻色好靚
就問下佢用咩色
當佢話比我聽之後我都唔係好相信佢講既野
因為佢話用了陽光古銅.....

見到嗎?咁既色我一路都覺得自己係唔可以用的
因為花花既面比較白..D咁深既顏色用在我上一定不好看的
但眼見個BA一樣係面色較白凈而又可以用得咁靚
所以就買了它..個BA話佢試過介紹比客,但大多數一見係咁既色就冇買
佢仲即刻幫我試上面,的確掃上白皮膚上既我一樣不會唔自然,都幾好看
因為佢既顏色比肉眼見既係較淺的

這是我掃了兩次之後既結果
當然經過鏡頭下會淺色左小小..但也不會不討好
顏色幾自然,好像有健康既皮膚一樣..哈哈

題外話,當日個BA係咁想我買它們新出既香水
我便冇買了,因為呢兩樣野我已經足夠
如果我冇買它的胭脂既話都會買它的香水既
佢仲好誠實咁同我地講話一支有十蚊既Commission
哈哈..我真的覺得她太可愛了
我冇買姐,但蝦子餅既家姐就買左

佢地新出左3支,個包裝係好靚,成個盒好華麗..
香既話..LeeLee真係好香..我好喜歡
但就好快好快冇味..好快散
Gina都可以..但一噴上去個隻味好似好濃
但過了一陣之後佢個隻後調味道就幾香
我諗如果冬天用都唔錯
如果下個月我去開那裡而又仲見到那個可愛既BA妹妹
我諗會幫她買一支..Haha~~

大家鍾意塗香水的都去看看啦!

銅鑼灣敗家去 - Bourjois篇

去完Sogo掃零食
當然跟住就去敗下家啦
先去了渣甸坊既屈臣氏
之前一路搵佢地都搵唔到
原來因為新出既關係
要有promoter個D開架先有架

我講既就係Bourjois喇~~

因為睇左佢地既Poster

隻綠色美得不可再美....(ﾉ≧∀≦)ﾉ・‥…━━━★
我就係咁比佢吸引左
當然..跟住就會因為想化Poster既妝
跟住就會買埋個Model個妝所用另外個D眼影
(他們可真夠聰明呢(。・ε・`。) ぷ。!!)

試了上手看看
我真的超愛佢地隻#19
係一隻比佢以前出既E/S較閃
用黎打底式Highlight一流
綠色係主色
深紫原來係for eyeline
BA唔講我都唔知添

上網找過,原來佢地有教學
當然同大家一齊分享啦!
睇完Step 1 (按我便看到了)記住睇埋 Step 2 啊!

但我感覺上同Poster的Model好似差好遠咁既?

來一個不成功的Smokey eye

今天花花化了一個Smokey Eyes
我也不知道這是否算係
但就出街既話
這已經是我化得比較濃的眼妝

今次都係用返Kate
其實如果有睇過我Blog都知我之前都有用佢黎化過一次
上次是化得輕手一點的
今次就重手D啦!

這盒Kate之特別處就是那格左上角的閃粉
佢係一隻帶有比較粗粒閃粉既眼影(是否叫眼影呢???不知什樣稱呼它好!)
當化完整個眼妝之後可以用手指沾一點它
集中印在眼球對上既位置
這樣便可以令個眼妝更立體了

完妝圖:-

其實用一盒個D化既方法都係大同小異
只不過係輕手一些..定係重手一些
所以不加妝容文了
真的想知既再問
我一定樂意回答的
(我真的太懶了..就原諒花花一次咁多啦!下不為例...)

加多兩張給你們看看

我話不成功係因為我化下眼既位置好像出哂界了
睇落有一點兒烏黑...好似好唔乾凈咁
下次一定要留意留意先得!!
努力努力!!!!!!!!

我愛日式超市

每次行日式既超市
我都十分興奮
因為樣樣都好吸引
仲有好多日本既食品
拉麵,零食,日用品等等...

蝦子餅有兩張一百蚊Coupon
先用一張
因為留返一張買雪藏食物
今天之後要食飯
所以買左零食類先

看看今天的收獲

上面左起:-
意式露荀忌廉湯包(粉狀,加水煲就飲得,Easy)
蝦子餅話買既醬油味脆脆
O!Karto 一路都係我既至愛..(今天我已把它吃光...)
Doritos 出品既薯仔味粟米片

下面:-
特價魚肉腸(明太子同芝士味)
秋季限定栗子味朱古力批(秋天還未到..唔通上年....???)

就咁樣已經一百蚊多D
無錯..日式既超市又真係貴了些小
好再有Coupon姐
下次買埋雪藏食品再分享~~~

當然啦..只係行完超市係滿足唔到我啦
之後當然要去一下敗家行動
另一篇再分享吧!!!!!!!!!!!!!!!!!!

眼妝分享 - Sweets Sweets 眼影盤

今天試了只用它來化眼妝
效果出奇地好
果然啡Tone都係我既至愛

Sweets Sweets - PE6
唔記得幾錢..但不是太貴的
好似係莎莎買的

完妝圖:-

查法也都十分簡單
上眼:
右上塗在整個眼廉
左下塗在眼窩
右下雙眼皮位置..可隨意blend高些都得
左上加小小在眼頭處

下眼:
下眼處塗上左下顏色
下眼後2/3位置疊上右下顏色

為何我會大細眼的~~~wu~~wu~~

很自然的啡色~~>3<


所以平價也可美麗!!!

朋友生日飯-水車屋

又係朋友生日既日子
今次揀了尖沙咀既水車屋
原來水車屋本身係一間屬於貴價既日本料理店
可能因為太多競爭既關係啦
所以它們也推出任食放題
價錢比其他係貴小小的
每位$209,但食物一D都唔馬虎的

我們已好肚餓了
叫了好多好多
點單得一張紙
但這樣也好
可以一張睇哂..唔使分開一張張睇咁煩

先看看魚生壽司類
隻魚生船好吸引呀
之前食過好多間,冇一間會用魚生船囉...
魚生一個字...正
好新鮮..仲好厚,見到我幅相既三文魚魚生嗎?
這橫切面可夠強吧!
仲有赤米壽司(即紅米)..健康之選

爐端燒加鐡板燒
推介鹽燒鯖花魚...我食了四件(我係魚怪..魚怪...)
豬頸肉,辣肉腸,鰻魚都好食
其實所為既辣肉腸係超市都買到個D黎
但我都覺得好食...(好為食呀..花花)
雞腎嘛嘛....
wuwuw~~~點解冇我最喜愛既豬軟骨.....。゜゜（´Ｏ｀）°゜。

天婦羅也好味
但主攻兩三樣好了
食太多便會飽食唔到其他野了
我覺得蝦同多春魚都要試下..幾好...(魚怪..魚怪)
另外蒸雞蛋都唔錯,幾滑
那些窩,炒粉麵唔夠飽先叫啦,唔食也不是損失
那海膽手卷係送的,每人一客
Ho......Shi............
以後得咁小,同食開既海膽唔同
但一咬落去,原來中間都有
好似溶左既海膽咁
睇返再Order一客既話要六十大元
哈哈...小食多滋味...算啦算啦!!

最後當然係甜品生果啦
那個日式布丁很好食
之前叫了三次都是右下角的那款(好像芝麻味)
都第四次叫轉了雞蛋布丁
兩者各有各好食
抹茶忌廉伴紅豆都OK..紅豆味濃亦不太甜
烤鮮菠蘿..唔覺得佢烤過
但好甜好新鮮..食完可以再由頭Order多一Round
Hahaha~~~

我們一行十一人坐了很久
我又比他們既笑話笑到流眼淚喇..
Help..Help...又飽又笑到肚都痛
今餐真開心~~~