是夜,開始為肌膚展現光芒- Miyibi Blogger Night Event

當晚,花花去了位於中環的美甲店 – Nailone
對了,今次的Event 嘅目的地就是這裡了

到步後當眼處已經放下今次來自日本的主角<Young+全能美肌飲品>
原來已有不少演員及化妝師等等都已經試過呢款美肌飲品架喇
仲比我睇到普通話姐姐利嘉兒添,即刻影低佢啦~
屋企個件鐘意到佢暈呀~

活動還未開始,就拿起相機左拍拍,右拍拍
這美甲店以白色為主,十分簡潔

周圍都放滿了各式甲油,好 Colourful 呢

除了甲油外,少不免有他們的大作

有我喜愛的黑色型格

亦有可愛的,你們喜歡那些多一點呢?

開始前,先吃一件超美味的栗子綠茶蛋糕

渴下幾口柚子茶之後....
就開始分批美甲囉~
呢轉花花未開始,又舉超相機周圍影~
就黎個估估樂啦….
<你們認識她們嗎?>哈哈哈

呢位手帶比翼相飛介指,手指瘦瘦長長
肯定係高人一個..高到用神來稱呼

呢個…..皮褸Rock妹,著住衫都可以游得好快
嬲起上黎仲會咬人手指架wor..

仲有一位….媽媽級..但皮膚靚到冇朋友
想搵D瑕疵都冇..塊面滑過剝殼雞蛋
大家估唔估到呢….係咪好易估先
但係Sorry 囉..估中冇獎…嘩..哈哈哈

一路整甲就一路聽Nailone的Staff講下指甲潮流
原來而家一樣有男顧客幫顧美甲店,整手整腳都會添呀~
一D都不比女生弱~

再由產品負責人介紹這枝美肌飲品
這枝飲品入面含有專利成份SPF-Ex^TM 配方
能夠有效活化肝細胞生長因子, 加速細胞的新陳代謝
而SPF-Ex^TM含日本無菌豚胎素成份，美顔功效仲相當顯著
當然,說是全能..它的功效除了美肌同促進新陳代謝外還包括
- 強化身體功能
- 保健功效(例如: 抗皺,淡斑,改善血液循環, 消除疲勞, 解除宿醉等等..)
- 增強抵抗力
-有助改善便秘問題

建議飲量係每日一枝, 睡前飲用更佳
味道亦清甜可口..的確是呢

因為那天提供的熱飲花茶,果茶..柚子蜜,清涼的特飲,橙汁等等
全部都加左今次的美肌飲品
就代表住一年四季都可以放心飲用

所以呢,今次美甲都用了春夏秋冬四季比我地選擇
代表春天的粉紅色,夏天的橙色,秋天的紅色及冬天的紫色
咁大家又估下我揀咩色~

當然係我最愛嘅紫色啦~
加埋我最鐘意冬天添..真係唔使諗就知道答案喇~

原來我地好多個都揀左屬於冬天嘅紫色呢~

最後多謝PR及Miyibi的邀請
令花花過了一個愉快的晚上

是夜,美甲完畢,也開始我的十天美肌次旅
留待下次再同大家分享啦~

多謝收看~

寒冷天氣下也要記得勤保濕,勤滋潤。ヽ(=^･ω･^=)丿

近來的天氣真係凍都冇朋友
寒冷天氣警告日日都見住佢
凍到我人都懶哂
就算將張被包住自己,再開埋暖風機
但一伸隻手出黎去打字嘅時候
打唔夠幾隻字..就放棄左喇
因為我隻手已經變左雪條..

雖然我懶到咁,但有樣野我就一定唔會懶

當然就係勤力敷Mask啦
天氣乾燥,加埋我日日暖爐相伴

攪到我個人都Dry哂喇
而且前排感冒,個鼻真係乾到係咁甩皮添呀
所以點可以唔勤力D呀

近排就用上呢隻面膜 – Innu 嘅玻尿酸皙白水盈面膜
其實係某一個Blogger Event 抽獎嘅獎品黎架
但花花太多Mask,所以要輪住用

呢款Mask主要成份玻尿酸可以增加皮膚嘅含水性
有鎖水功能,對於乾性及老化缺水肌膚特別適合

每塊面膜上都印有到期日子
咁哂我呢D一買盒面膜返黎就會拆開哂
跟住個盒就唔知放左向邊嘅人喇

洗完面, 敷佢10-15分鐘就可以了
仲可以運用它的進階方法,就係可以用溫水加熱之後再敷
嘩…岩哂啦,凍冰冰天氣下敷上暖暖嘅面膜的確唔錯呢

它的貼面度不錯
水份亦有明顯的止升度

但記得因為這款面膜用上羽絲絨製造
所以拎佢出黎時要小心一點
我用第一塊時就係因為太粗魯,所以整爛左呀
直到今日,我終於用完最後一塊
跟住等我又試下第隻先
我太花心喇..哈哈哈
到時又再同大家分享一下啦

保濕完面就滋潤下個咀喇
今個冬天,我喜歡用它
EightHour,由上年用到今年lu..
每日早晚都搽,夜晚更加可以搽厚D當做下咀部mask
我自己覺得用左佢唇紋會冇咁明顯
而且滋潤度好高
但有D人會覺得佢陣味怪怪咁
我呢..就覺得冇野,仲好鐘意陣味添,變態架~哈哈哈

另外還間歇性就用呢枝可樂味嘅潤唇膏
將佢帶返公司,覺得乾嘅時候就即搽
一盒有三枝,但我就偏偏只喜歡用可樂味

搽完好攪笑,好似食緊細細個成日食個D粉粉地個隻可樂糖咁
(如果你地知邊隻嘅話….哈哈哈,年紀係未有返咁上下..)
整到我,成日好想舔個咀唇,喇喇喇..小朋友唔好學呀
因為成日舔咀唇會整到個咀係會越乾架…

今次分享到似
我真係要努力D,唔好咁懶喇
多謝你地收看啊~

為你度身訂做個人化的療程體驗@Case

每個人的皮膚都有唔同嘅問題
如果先了解後再配合適當的美容方案
相信一定會事半功倍
Case Medical spa 就是以獨有的Case-by-case 個人化理念
先會因應各人的皮膚性質
再去訂做出一系列非手術性的嫩膚及美容方案

今次花花選擇了位於銅鑼灣金朝陽中心的分店
對於搬了公司的我真的方便到極,真係轉過彎就到

到步後..先問一下可以拍照的地方
她們禮貌地回答我除了儀器外什麼也拍得
不要緊,最緊要溝通清楚嘛,先拍下一周圍環境啦
擴充後的18樓地方舒適,燈光及整個環境都令人有一種溫暖的感覺

店內亦有Vip專用區

洗手間相當整潔,空間感十足
梳洗用品以至洗Con水等等亦有供應

當然除了女顧客外,亦照顧到男顧客啦
男賓區出口會同女賓區分開的
保留一點私隱度,的確細心呢

先喝下一口充滿蜜糖味的花茶
同時填下一些個人資料,皮膚狀況

再由今次的美容顧問Joyce資詢一下身體狀況,生活習慣及有沒有藥物過敏等等
完成後會再利用它們從美國引入的皮膚分析機
可將不同的皮膚問題再進一步分析
例如: 膚色不平均,色斑,皮膚暗啞,毛孔,皺紋,暗瘡等等
就今次的分析,毛孔,暗啞…膚色不平均等,花花都有份呢

最後就建議先做 - [凈肌]醫學煥膚
這項主要是將煥膚液滲透至皮膚角質層
令角質死皮脫落,毛孔亦會得到暢通
除了收細毛孔外,亦有均勻膚色,改善暗瘡及粗糙皮膚等作用
說如果做完煥膚再打激光或微針等效果會更佳

美容師Miko先替我洗一下面
之後會分別塗上三次煥膚液
頭兩次會全面塗
到最後一次就會因應那一部份比較需要再局部塗一次
美容師Miko每次也會問是否會太吉
不記得說給大家知, 煥膚過程會有一點點剌剌的
但放心,是接受到的那種
而且每落一次藥水之後也會用風扇仔幫你Cool Down 皮膚的

最後會塗上防曬..整個過程其實很快
但唔會感覺到求其的..你會發現她們好細心,態度亦友善
療程後及翌日也會再了解一下皮膚狀況
提點一下有什麼要主意等等

療程前毛孔比較粗大,膚色亦有一點暗啞

做完之後亦如顧問所講一樣
皮膚會比較乾,亦有一點脫皮現象出現
但毛孔好像細緻了一點
膚色亦平均左..但都是同一般的療程一樣
相信一定要Keep 住做才會有一個好明顯的改善的

最後,多謝Ztyle 及 Case 給予我今次的試做體驗
亦多謝美容顧問Joyce 及美容師 Miko 的寶貴意見

Case Medical spa : http://www.case-ms.com/hk/index.html


今次分享到此
多謝收看啊

 

聖誕大雜燴之&lt;聖誕為食團&gt;

終於出埋最後一篇聖誕大雜燴之<聖誕為食團>

發覺自己個肚嘅容量原來可以咁大

只不過短短幾日,我可以食左咁多野嘅
睇落有D恐怖囉~

由邊日講起好呢~
嗯..好啦,就呢日講起
花花公司搬Office
返工由金鐘變左銅鑼灣喇
搬左去利園個頭,食野真係唔使愁
呢個地方真係多野食到爆…

本身我一向唔食lunch 的
但個日就被同事叫了出去,話當做冬咁話
各同事都推介呢度
位於利舞台附近的Hipot

咦………Lunch打邊爐..
非也非也..原來每天下午時段
佢地都會做埋常餐
每款常餐指定有脆脆朱仔包同北海道牛奶炒蛋
我今次就揀左呢個 – 扎肉雞翼湯通

朱仔包加牛油香,脆,炒蛋亦滑身
通粉..ok啦..其實我都唔係揀野食嘅人
所以如果唔係難食我都可以放得入口架喇
最緊要嘅係…..成個餐加埋凍飲都係廿二蚊
真係好抵…,所以我班同事早已將它當飯堂喇

平安夜那一天,花花加埋三位要好的同事攪了一個超小型嘅Christmas Party
幾個同事吹下水食下自家制嘅美食
就咁又過左一個開心愉快嘅Lunch Hour 喇~

過左一個好平安嘅24號之後
正式踏入我的九日大假之旅
每年我都一定會由聖誕放到元旦之後先返工
代表住做左成年野,要休息一下,來一個悠長假期

聖誕節當日去食左我最喜愛的上海菜
上海婆婆都係我常去的其中一間上海菜館

粉皮我我鐘意食架
雞絲粉皮更是我的最愛添
只不過覺得食的太多次
所以今次轉了食雪菜粉皮,少少辣,加上爽口的粉皮,都幾開胃

上海菜嘛,點少得小籠包呢
只要有汁向個包入面我就覺得好食架喇~
唔好話...車..家下邊間會冇汁架
真的...我試過有一間嘅小籠包係冇汁架...真係要比個叻佢

最後加個飽肚的排骨擔擔麵
又一餐喇

某日...去了葵芳吃左兩款小吃
先是大雞大,每次都見到好多人食
原因可能隔離就係戲院,好多人都會覺得吃點快D食D野
跟住就過隔離睇戲嘛

只不過....答案係它們都的確好味啊~
超脆口的炸雞件,加埋佢地獨特的味粉...yummy~

不夠喉嗎?過隔離再吃一個Hot Dog ~

Cut 開兩邊,一人一半...Fit 哂~嘻嘻

這薯條的味道好似想當年我至愛的哈迪C嘅薯圈
點解下家會冇哂.....我當年的確為左冇得食薯圈而唔開心個一輪
現在食一下替代品也算是安撫一下我的心寧吧

睇完戲,凍冰冰
花花就提議打邊爐,好彩地去到第左一陣就有位

兩條友,真係叫唔到D咩,見到張紙,我樣樣都想食
但精打細算嘅蝦子餅一大早就叫定我唔好眼闊肚窄

知喇知喇~但我點樣都一定叫我最喜愛食嘅脆嚮鈴架喇
直頭係我必叫嘅一種美食...以前係冇呢樣野架wor..
真係要多謝發明呢樣野嘅人....

其實和民D野食唔叫好好食
好多時去只不過因為佢可以滿足我嘅需要
可以叫多多,每樣食少少...哈哈
右上的雜炊都係我必叫之一
等到D飯吸收哂D湯先食會仲好味架

牛肉火鍋.....嗯..都係吉野家好味好多喇~

喜愛甜品的我又點會錯過呢~

最後點少得它
少吃一天都掛住佢啦~
你地有冇見到呢~外賣黎架~
個日真係好掛住佢,見蝦子餅出開街
就叫他當天一定要買返黎屋企食喇~
雞肉腐皮大辣呀..唔該..

我打完呢篇都覺得好飽喇~
要比個肚休息一下先得喇..哈哈


嗶嗶~嗶嗶嗶嗶嗶嗶~特別報告
今日返工得知好抵食嘅Hipot加價
由22蚊加到25蚊
好明顯係我地公司搬左之後
一傳十,十傳百..個個都去之下決定加價啦~
哈哈.........

分享完畢
多謝收看!!