賈立怡 - 陪著你

無意間睇電視聽到呢首歌
感動人既歌不一定愛情啊!!
這是一首關於人同狗狗既歌呢!!
但上網找不到歌詞
有Blog友有既話請告訴我知
現在只好看著MV睇歌詞~~

清潔化妝掃

伴了我差不多有五年既化妝掃
今天要來進行一次大清洗了
還記得呢Set掃係因為我個時無聊無野做
用了我整整一個月既工資去學化妝而送既Tony Tanaka 掃

^一Set好既掃如果保養得好,用上十年一樣冇問題的啊!!

佢地真係好污糟呀!!都係因為我懶
之前成日都只會係紙巾上印走眼影既顏色
...我唔想再想化綠色既時候就會變左唔綠唔藍唔紫了!!..･ヾ(。￣□￣)ﾂ

我洗化妝掃既工具好簡單: 只雖要一般既洗頭水,護髮素同廚房紙
我以前都有用過市面上一些係專為洗掃既清潔劑
但我發覺往往用幾百蚊買番黎,每洗一次用左我一半有多
好貴,肉都痛埋!!(當然啦!!專門既有專門既好處既)
只不過係我自己接受到用洗頭水洗姐!!

開始囉!!首先將水沾濕掃頭
(而我自己會盡量避免將水過度洗到啡色同銀色既接口位
 因為會好容易將支掃整到佢銀色同手把位分開)
之後將洗頭水吱落去掃頭上
再放上掌心中前後打圈咁"初"佢
你就會見到掃上既顏色會出哂黎架喇!!

見到嗎?紅紅地色的,一路"初",如果太污糟就再洗多次
如果好細既掃吱唔到洗頭水上去,我就將洗頭水吱落手再放掃上去"初",一樣既姐!!
直至再見唔到任何顏色走出黎就代表乾淨了
洗完之後過水,再用同樣方法用護髮素洗多一次
(當然啦,護髮素就唔使"初"得咁勁啦)

嘩...超級勁污糟呀!!血呀...∑(O_O；)Shock!!~~~哈哈!!(我的胭脂掃太強了)

最後,將掃整番佢地原本既形狀,*平放*在廚房紙上等佢自然乾
(千萬不要貪快用風筒吹呀!!因為風筒既熱力會令到掃既毛會脫落架!!)
*其實最好既放掃方法係好似吊毛筆咁吊住,但我就冇咁既工具喇!!

大功告成!!♪(ﾟ▽^*)ﾉ⌒☆

大自然之魅 - Franck Olivier Paris

香水差不多是每位女仔都會噴
而且一旦買開就會越買越多
我一向都喜愛一些偏甜帶有果香既香水
但又時又發覺噴黎噴去都係同一種味,有D悶
上幾星期行街街經過卓悅
買了呢一枝!!

^未擦開包裝之前

^好靚,買香水我除了會留意香味之外,個樽我都會將它列入我考慮範圍之內

本身我去係買另一支的
但去到Sales 哥哥介紹左我另一支
"Franck Olivier Paris - Nature EDP"
佢既味道係有果香得黎又有小小花味的
岩哂我剛剛想轉一下味道
但又唔使一下子轉哂花味既人

佢同我想買個支對比起
呢支既味係可以Keep好耐
因為當我買完野上小巴既時候
我想買個支既味已經冇哂
(當時我兩隻都有試的)
後來我返工前噴左一次,到放工都仲Keep到
好似Sales哥哥話正因為佢有香精成份
所以最小可以Keep六個鐘呢

以下係我係網上找到有關佢有D咩香味既資料: -

仿如漫步於百花盛放的田園，活潑華麗的蝴蝶深受大自然魅力吸引，在翩翩起舞，綻放花香的能量，內心有著說不出的喜悅，香味持久。
清新果香前調充滿了葡萄、桃及荔枝的香味，清幽的花香加入高貴的鈴蘭、丁香及清新的茉莉花，最後融合麝香及檀香的芳郁濃厚。


前調 佛手柑、檸檬、葡萄、桃、荔枝、芒果、番石榴
Top Note Bergamot, Lemon, Vineyard, Peach, Tagete Lychee, Mango, Guava

中調 茉莉花、鈴蘭、丁香、青蘋果、肉桂
Middle Note  Wild Jasmine, Lily of the Valley, Lilac, Green Apple, Cinnamon

基調 雪松、檀香、麝香
Base Note    Cedarwood, Sandalwood, White Musk

 

澳門遊 - 漁人碼頭

今天係最後一日
一朝早起身食完早餐再休息一陣就Check Out
之後再搭巴士出去漁人碼頭
今天我同蝦子餅決定去完這裡之後就走了
因為我地要返香港接阿Don出院了

漁人碼頭比想像中靜
地方好大,仲有好多好靚既建築物
佢劃分好多區,我自己比較鍾意一些似外國既建築
如果係攝影發燒友真的可以逗留一整日
我係呢度都影左好多好多相
大家請欣賞啦!!
(我只係好求其影的)
希望下次有機會再去影過

^好中國Feel 既唐城

^魚池有好多好多魚,仲好大條添

^迷你版布達拉宮

^個日天氣好好,所以影得好清

^亞拉丁廣場

^羅馬鬥獸場(哈哈...影埋間糖果屋好像有點格格不入既!!)

呢D就係我好鍾意既歐洲風格了~~

^聖誕節關係..又有薑餅人了

^這粉色的建築都好靚呀!

^這是我最喜歡的一張照片,如果冇左D揚聲器仲好

^漁人碼頭的賭場

^漁人碼頭既盡頭便是酒店"萊斯酒店",好靚呀,令我聯想到"時光倒流七十年"個間酒店
(別誤會呀,我係在電影睇重播的..我唔係咁老的...hahah~~)

黎度呢度我地既澳門遊08 都完結了
雖然今次唔算係一個完美的旅程
因為我個心一路都係好擔心我隻小狗Don
但都叫做去休息左幾日
同影左好多相
希望澳門遊09會玩得開心一點吧!

澳門遊 - 亞馬交餐廳

今晚我地去食之前一晚想食但Book唔到位既"亞馬交餐廳"
佢既位置都唔係好難搵
但都要留心一下先會發現的
係官也街轉入去既何連旺街
要主意一點就係如果要去呢度
真係要Book定位的
因為佢地全店只有廿十幾個位
成日都會Full Booking
除非你地過九點又好彩既話..或者會有位
仲有,如果你地要求係快既,咁就唔好黎了
因為佢係自家經營的
所以難免等食,係等得耐D的

^去之前先去莫義記買左我好鍾意食既原味大菜糕先!!

^就係呢度了...為何我影得有D鬼異Feel 既!∑(O_O；)Shock.....!!

^店內有D舊,但都算整潔既

^這是店主養的,記得它好像叫"波波"~~好得意呀!

正因為波波既關係
當日食飯發生了一點意外(不是我啊!!)
當日隔離仲坐住一班食晚飯的人,大約6-7人啦
佢地其中一位人朋友好驚貓的
問店主可否把波波關起來
我心想..很可憐吧!
但店主說因為之前都試過因為關了波波入籠
而令到波波好驚,仲震左成晚
(我澄清店主既說話中沒帶一點惡意的)
但那張枱的其中一位女人便出聲了
"啊!!得架喇,我知你對隻貓仲好過對你D客囉"
之後係一輪既Dead Air !!
我覺得你唔想你朋友受驚我明白,但唔使咁串囉!!
最後..店主用零食引了成15分鐘
先引到波波落黎,再將佢困在洗手間內
可憐的波波困在洗手間成個幾鐘呢!!
對不起,離了題~~但因為我實在太睇唔過眼了

^半隻焗葡國雞~一食就知一定係新鮮雞,配上又香濃又滑既葡汁,上面再加上椰絲一齊焗
  Yummy Yummy!用黎送飯一流呀

^葡式炒飯..飯粒一粒粒係分開的,都OK 啦!! 叫它係因為想叫飯送下個D葡汁姐

這間餐廳雖然沒有好靚既裝修
但食物好味便行了!對嗎?
而且老闆娘真的好好客的!!哈哈!!

澳門遊 - 食食食

睇完之後我地就去搵野食
首先我地揀左每次去澳門都一定要食既"大堂炸雞"
佢D雞..我真係覺得超級好味
肉質好滑,咬落去仲係Juice
同埋我好鍾意佢地用既香料個種香味

^就係D度,好容易搵,當日仲有好多人外買添

^好好味!!!!!(o≧ω≦)○))...連佢地既薯角都係好好味,記住去拎埋佢地個樽香料粉

只係單單一餐當然滿足唔到我啦
之後再去試下近住大三巴既"胡椒餅"先
之前朋友們從台灣回來
極度推介台灣既胡椒餅
話好好味,咁我去唔到台灣
都試下澳門呢個啦
聽聞澳門呢個係等於台灣的

^在上大三巴個條路,望住右手邊就一定見到,潘榮記隔離,好易搵

^食完之後..嘩!!又係好好食呀,唔知同新鮮出爐有冇關..餅入面充滿肉汁,個餅身又好脆,一絕呀!!

好想再買第二個
但因為我地仲有野想去食
所以要無奈咁一個兩份食
下一個目的地係去食近來人人去澳門都會食既翅

^好多人排隊~~正好等我地消化 下之前既午餐

坐底想叫一碗兩份
但原來佢一定要每人叫一樣
都係既,如果每4,5人先叫一個再分
佢地都唔使做生意了
見佢餐牌上都有平有貴
咁我就叫了個招牌海參魚肚煲仔翅
蝦子餅只叫了一個最平既碗仔翅

^用料都叫足..我叫既係$45 (好似係..忘記了)..

食埋呢餐真係飽哂
要消化下先再食下一餐了
但我地又冇咩想行
咁就番酒店先啦
之後先再出去食晚餐吧!!

澳門遊 - 吉祥樹Show

之前行左一個好悶既旅遊塔
時間只係過左半個鐘
時間尚早,我話不如去永利睇吉祥樹啦
之前阿蘇又話好好睇

^ 途經新葡京

^永利~~佢出面個噴水池Show,我地冇睇到,因為我諗夜晚睇會正D,但日光日白..下次先睇lu..

入到去,仲有15分鐘先開始
但已經好多人圍住,所以我地都企定定等開Show
明明企最前,唔知點解比人攝攝下咁
企左後面,激死..又係個D人呀
我有時唔係話想唔鐘意佢地
但係佢地好多時都比我既印象係冇禮貌
唉...算..唔同佢地計較了

^上面係有齊12生肖的,我同蝦子餅好快就搵到自己既生肖了

^而下面就係12星座

^開始囉!!（*＾-＾*） ニッコリ☆ ~~燈光會隨即變得輝煌!!

^個12生肖天幕開始展開

^一個好壯觀既水晶吊燈會慢慢咁降落

^好靚呀~~ｷﾞｬ━━━━━━Σヾ(ﾟДﾟ)ﾉ━━━━━━ !!!!

^下面既主腳亦都會升上黎!!可以見到對面好多人呢!

^吉祥樹仲會變色!!

個Show都幾值得睇既
但我比較喜歡個水晶吊燈多個棵吉祥樹

好想旅行

突然好想去旅行
首選台灣,之後日本
再唔係近近地澳門都得
想去..係因為近來唔係好開心
公司既氣氛唔好
令到我好多野諗
又有好多野想改變
但知道又改變唔到
成日都好多野擔心
擔心自己,擔心工作,擔心蝦子餅,好多野擔心
點算~~~

想去台灣係因為未去過
想去大吃一番,大買一餐
想同朋友一齊開心一大餐
(因為朋友們會揀台灣多個揀日本)

想去日本勁Shopping
買野既時候唔使用腦
見野就買...
連呼吸一下都覺得開心

想去澳門係因為上次去得唔盡興
食野好平又好食~~
仲可以同蝦子餅一齊去玩,去影相

唔知幾時有得去
因為仲有好多野未知
因為我地已經冇咩錢
所以............................
都係講下,發吓夢姐~~~~

澳門遊 - 漫(慢)..遊..澳門旅遊塔!!??

一朝早起身就走去食個早餐先
因為package包埋
唔去唔抵呀嘛!!
去到原來都好多人

^睇下幾多人,我已經係冇多人既時候影架喇,如果唔係..我只係影到D人,麥都影唔到

^這是我今天的早餐,最好味係腸仔:P

食完早餐先上番房先
因為仲早嘛
同埋第一時間打比媽媽了解阿Don既情況
阿Don昨天入院,今天要做手術呀
因為醫生話阿仔生石,所以耍開刀做手術
唉...(┳Д┳)泣
好"橙"呀,佢未試過一日係自己一隻豬,一定好驚,
收線前叮囑媽媽記住做完手術打比我
(因為護士姐姐話Don Don 做完手術後會報告給媽媽的)

我地等到咁上下
就出去行下了
我地首先去觀光塔先啦

^這是用Lego整的,好靚,但我都係鍾意上年動漫節個D多一些

其實如果你唔係諗住上個塔度
入面冇咩行的,好細,D野好舊,Out 哂..
唔使15分鐘行完~~

^入到去有一個好縮細版既華納Shop,放左好多華納既公仔

^翠兒

^仲有一隻好似麥當勞叔叔歡迎你既豬

 

^再唔係行出去影下個靚景,睇下,好 有日劇既浪漫feel...

^呢幅相我係"愕"高頭影的..影個時唔知點解好驚,明明企係地下
  但個心都係驚跌咁~~~

花了30分鐘慢行.....行完..
(比預定時間已經慢左,因為....真係冇咩行!)