2007年10月29日 星期一
2007年10月28日 星期日
2007年10月27日 星期六
麵包超人博物館@第一次鬧交
24 Step 07
Day 3 (Part Two)今日Lunch冇咩食野,因為時間好緊迫
所以只係好求其係八景島食左個墨魚餅
去完我最鍾意既八景島之後
跟住就去豆子團友最鍾意既麵包超人博物館喇
出車站之後真係唔會行錯,因為一出站已經有好多指示教你點行
呢個館如果只係入去行下商店同食下野呢
係唔使入場費的,好化算呀~~
因為我同蝦子餅覺得只係行出面都ok的
下午仲有個Show做添
用一千Yen買入埸券就可以睇埋入面有一個好似係四層高既展覽館
個館入面係就真係好靚,但又真係好小朋友玩意
所以我同哈多都係行左冇半個鍾已經出番黎
當然,如果你你麵包Fans既話,一定會好好好鍾意啦
跟住我地出番黎之後就搵個地方坐,睇下有咩食
同埋等埋我地另外既四位團友喇~~
就係呢個時侯,有個人開始黑面喇~~
又話肚餓,叫佢買野食又話冇野岩食
跟住就坐係度做我最唔鍾意佢做既野
冇錯,佢又係度訓喇,我叫佢唔好訓,佢又唔理我
如是者,佢就訓訓..訓…訓到其他團友出見為至…
中途我地都有去買左一D小食食既,但因為大家已經開心
所以冇影相喇~~
之後我地仲有去左橫濱Outlet同埋夜晚食susi架
但因為仲係冷戰緊,所以完全冇影相了
**********************************************************
這一日係我地去旅行的第一次鬧交
其實我地兩口子每次去旅行一定會鬧下交的
只不過係多定小姐……..
所以今日就係一個唔係幾愉快既心情下結束了
Wii @ Cooking Mama & DDR
一盒入面一隻Game包一張跳舞毯
蝦子餅話人地唔知以為我地發左達添
因為隻DDR又係正板Game黎架
我買正板係因為有張跳舞毯
一張毯都三百,加埋Game就四百八十
如果我只係買張毯加隻老番都要三百六
咁我不如買正板,係咪先
(=0=)嗱嗱嗱..開始自己安慰自己喇!!
但隻Cooking Mama….係問同事借架
琴日玩左Cooking Mama
點解好似唔好玩咁既
定係我放工返黎好攰
所以根本無咩心機呢~~
真係唔知Wor…可能啦
好在係問人借既姐~~
我自己覺得NDS好玩D
所以而家好期代NDS既Cooking Mama 2
跳舞DDR今朝起身玩
正,我覺得好好玩呀
玩一陣已經出汗喇
但難過想當年既PS1個隻呀
因為今之要手腳一齊用的
難好多呀~~
成日都係得C or D
好難先有個B Grade
所以我會比心機的
(=0=)你係一個人馬座.做事三分鍾熱度
喂喂喂..比個面好Wor~~
杯裝蛋撻
2007年10月24日 星期三
阿Don扮靚靚篇
所以我決定係佢生日之前同佢扮靚仔D
我就叫了Phobe姐姐黎同佢剪毛喇
哈哈,佢個樣好委屈呀
Don: 得未架,得未架
Don: 點解仲未得架
媽媽,我係咪好靚仔呀
係咪姐,係咪姐….
咁樣呢? Cute 唔 Cute D 呀?
媽媽你仲麥唔踩我姐??!!!
三七面呢?
剪完,靚仔嘛,沖埋剪埋一套成為三百大元
(=0=)會唔會貴D呀~~~~~~
上門架~~我住得遠,所以加埋車錢會貴DD架~~
我每次都係叫Phobe黎同個衰仔剪毛架
因為阿Don都叫係佢個孫,Why???
阿Don都係係Phobe度買番黎
而家阿Don個親生父母都仲係Phobe屋企架
同埋我覺得佢剪到阿Don好靚仔架~~
雖然可能去Pet Shop 平小小,但我好驚佢地唔知點對阿Don Wor~~
睇住好D 架嘛!!!!本小姐又冇本事自己同佢剪
所以未來既日子呢,我都會搵Phobe同佢剪囉~~
2007年10月23日 星期二
Happy Birthday To My Don Don
琴日係呀Don 既生日
本身我想去買一個蛋糕比阿Don
但因為阿Don個玻璃肚關係
唔係好敢比其他野佢試
所以Don爸,早點放工
之後就去了Pet Shop
買左生日禮物比Don Don
買左咩,之唔係骨頭一個
番到屋企,阿Don一見到已經發哂癲咁
連自己係未食飯都唔記得
個傻Don 啊~~~
但個骨頭好嘈,阿Don 一放佢落地下就會"噹" 一聲
所以我叫Don爸收番埋先,因為個時已經十二點了
Don 媽 : Don 豬,生日快樂,大個仔要乖D,唔好成日去煩靚仔同Moon Moon
唔好激Don爸,唔好咁小氣!!!!
2007年10月19日 星期五
我的新寵 – Wii
2007年10月18日 星期四
寫Blog 插圖問題
之前有人問我點解而家可以寫到Blog同插入圖片
其實我而家既情況同之前一樣
但我發見有一個方法可以等我唔使番到公司先寫Blog
(因為我係公司睇既yahoo Blog 係正常的)
(咁做係防止係yahoo Blog 度轉字體時會一D大一D 細)
好似我而家既樣大小既字體我係用 (字型大小 “10” )
之後就係正常咁upload 你D 相上個Yahoo Blog 度
因為Yahoo Blog 既 Upload 相方面我冇問題的
只係要遂張遂張咁Upload 係麻煩D
好喇,Upload 完~~
咁我會開多一個視窗
即係我一個視窗係打Blog
一個視窗為持係Yahoo Blog 個相薄度
咁我用Copy and Paste 既方法將我係Word 打好既文字
貼上個Yahoo Blog 度,如你要中間加相
就要分開貼文字了
貼相呢?我頭先咪話開左多一個視窗既
我係在我開了Yahoo Blog 相薄的那個視窗
按你想放上Blog既相片,之後右Click 揀復製
再係你打Blog 既地方貼上便可以了
即係如果文字加圖片梅花間竹咁呢
- 就要係Word Copy and Paste D 字上Yahoo Blog 個視窗度
- 用開了相薄既視窗,又係用 Copy and Paste 貼番張相係 Yahoo Blog 個視窗度
- 再重復以上動作便可以了
有咩問題再問我啦!!!~~~
橫濱一日遊
24 Step 07
Day 3 (Part One)
今日既行程係橫濱一日遊 個度有三個館的, 下一集麵包博物館
所以當然係去買張橫濱One Day Pass
因為又要去趕車既原故
所以早餐只係求其咁係便利店買了麵包,飯團飲品
跟住就係火車度開餐了
我地今次搭兩程車唔算多
但之後因為要係麵包超人博物館收之前去
所以唔係順住去,要走番回頭路
變最後先去橫濱Outlet 了
搭個架無人列車既時候見到個風車
到了,見到成個金字塔咁個個就係了
分別係最大既水族館,海豚館同可以近距離接觸D海洋生物既地方
海豚館當然我係最鍾意啦..唔使講吓話..
唔講咁多了…..去相啦~~
我係呢度影左好多好多相
點止咁少呀..如果放哂出黎有排Load 喇
仲有,佢個度有個海洋Show
睇完個Show 先知個D白鯨原來都好叻架
都有80分架,等我開頭仲以為冇咩野睇
真架,開頭我睇個10分鐘真係覺得海洋公園好過佢多多聲
不過之後就好睇番喇
最後黎多張大合照先