越黑越強

方便快捷唔辛苦永遠都係我最喜歡嘅減肥方法
第二條件就係唔會難入口

估唔到就連飲住茶都可以瘦身

今次花花就試咗<正統黑烏龍>
呢次真係開正我個範
因為本身花花係好鐘意飲烏龍茶架
平時就算出去行街買野飲,我都會唔揀水走去買茶飲
說是每日飲用,可減少身體對食物油份嘅吸收
同時間還提升新陳代謝及增加脂肪輸出量
包裝主要由黑加金嘅包裝,玩型格feel ?

到期日印在盒底,都有成二年多嘅期限
就算真係慢慢飲都唔使驚

營養標籤度可以睇到完全係零脂肪,零卡路里,零糖份
咁我就可以好放心飲用喇~

一盒一共有16包
我自己就每天飲兩包
早餐及下午茶各一包
一路食,一路飲,可以阻隔中性脂肪吸收達20%
仲可以提神醒惱..
除了早餐下午茶,其實佢係咩時間飲都得
午餐,晚餐,隨時隨地鐘意幾時飲都得
自由度真係好大,好岩我人馬座嘅性格,我要自由啊~ 哈哈

每包會有個開口位
沿住開口位一拉就已經得咗,輕而易舉

每個金色小包裡面都有一包獨立茶包
茶包當然比起要隔渣嘅茶方便好多啦~I like it~
仲可以將佢地帶返公司慢慢享受
茶葉採用了精選嘅黑烏龍茶葉,當中經過嶄新嘅提取技術
將<烏龍茶茶多酚>含量提升100%
保存咗烏龍茶天然味道之如,更加帶有抗氧化功效

放好茶包,加入大約200cc嘅熱水
等待2-3分鐘
一杯美味嘅烏龍茶就誕生喇
如果喜歡的話可以沖定一大枝,放入冰箱雪凍
夏天將佢帶出街,咁就可以行到邊飲到邊啦

話明黑烏龍
當然比起其他烏龍茶會比較深色
黑色 – 就係來自上文提及嘅<烏龍茶茶多酚>
顏色越黑就代表減肥功效越強
而<正統黑烏龍>中嘅<烏龍茶茶多酚>就係因為含量高咗一倍
所以先會出現比較深嘅茶色
亦代表佢嘅減肥功效比一般茶更強

直到今日,花花已經就黎飲完一盒
飲用其間,發覺上洗手間次數多咗
排毒方便亦都好咗~肚仔都冇咁谷住谷住
現在花花每天返到公司第一件事就係去茶水房沖一杯靚茶飲
一邊食住早餐,一邊嘆茶,工作?嘆完先算
我……….越黑越強
唔係黑仔呀,係黑烏龍啊…………..

分享完畢
多謝收看

 

 

充滿彩色的一個下午-Kotex Art jam Event (花花自中學「呃錢」堂後的一次畫作面世)

上星期六,很高興可以出席Kotex咁特別嘅Event
地點就在天后嘅一間畫室”popaArt”

穿過呢個凍冰冰嘅鐵門
就開始進入一個色彩繽紛嘅世界

你會發覺周圍都貼哂好多好靚嘅畫作

仲已經棟好一塊塊嘅畫版比我一一陣大筆一揮
我即刻個心一沉……死喇~我一陣一定畫幅唔知咩出嚟,點算好呀?

呢間畫室原來向天后區都幾受歡迎
連Eason 及 Kelly 都黎動個筆呢

當日就連小食都十分Colourful,完全切合今日畫畫活動之餘
亦同樣切合今日要介紹嘅Kotex新產品

其實一入門口已經可以見到今日要介紹嘅主角
就係Kotex新出嘅<花漾設計>衛生棉

先唔睇入面係咩樣,就咁睇個包裝已經超級吸引
因為花花真係一個黑衣人…尤其當黑色再撞埋D咁靚嘅鮮色圖案
真係何其吸引添啦~

未開始畫畫前先聽聽主持介紹一下呢款新出嘅衛生棉
這主持也是美女一名呢~都一樣好吸引到我架..哈哈哈

向主持嘅另一旁,就可以清楚睇到今次Kotex呢三款印有唔同花漾嘅衛生棉
平排咁放向畫框度,就好似一幅畫咁
所以點解當日會安排個Event 係 Artjamming 呢?
相信大家都一定會知道了吧~
你地三款之中鐘意邊款呢?,我自己就鐘意最左嗰款
因為D花口嘅顏色出D…同埋當然因為有紫色啦

跟住仲安排咗一個看圖測心理嘅遊戲比我哋玩吓
叫我哋响九幅圖當中揀一幅可以代表到自己嘅圖案
我就揀咗1號,因為我鐘意紫色
而且呢幅圖入面有幾隻唔同嘅紫色
當然揀呢款喇~
原來呢幅紫色,心理師話代表神秘,個人會感性D
其實唔只講咁少,但老人痴呆症發作嘅我又唔記得…

之後就開始正式畫畫
先拎好顏料,畫筆,等等

其實之前知道要畫畫,所以已經諗定畫D咩
我仲影低咗幅相驚自己唔記得, 點知當日真係成日唔記得咗點畫,
咪不斷咁拎番個電話出嚟參考一吓…..

我呢D小學生級,當然要用鉛筆起稿先啦
如果唔係仲得了嘅

大家都好投入去為自己嘅畫添加色彩

而我…………………
畫下天,又畫下草,再畫間屋
加多三隻營養不良嘅瘦瘦羊咩咩
就係咁,我嘅超級低能作品就完成喇
(大家唔好笑我啦~我好耐冇拎起枝畫筆架喇~)

活動尾聲,大家來個大合照先~1.2.3…..笑

當日除了玩咗一個好開心嘅下晏之外
每人仲有一份禮物添
當中嘅朱古力同樣係好Colourful啊

最後多謝PR同Kotex嘅悉心安排,花花我當日玩得好開心呀
至於呢兩包Kotex…花花仲未有機會用到,下次用過之後一定再同大家分享分享

 

 

分享完畢

多謝收看

多功能的Daily UV Cream - POND&#39;S明效透白防曬日霜

永遠大部份女孩子看見美白,淡斑等字眼都會特別注意
就算已經一早唔屬於用女孩子稱呼的我亦不例外
所以當然都想試試旁氏這樽透白防曬日霜

拎了產品回家就當然即刻左睇右睇~
外形係一個四四方方的盒子
成個扭計骰咁..哈哈,就等我扭下佢啦

盒子低部清楚列明到期日子

另一邊仲有教學,教埋你向邊個步驟用佢添~

打開扭計骰後就會發現個樽身同正正方方盒子形成強烈對比
因為是一個十分流線型嘅樽身,十分美觀兼時尚
咁會唔會好難開呢?又唔會啊~好容易就可以扭開佢

除了盒低外,樽身亦一樣會印有到期日
就算要仔唔要乸都唔驚會唔記得到期日

樽蓋同日霜中間仲有一塊蓋子
來個雙層保護…不過花花發覺開頭用嘅時候
因為內裡嘅Cream還是滿滿的
所以D Cream會從那塊蓋邊滲出
相信要用到咁上下先會好D
証明佢用量好多呢~唔會開出黎得半樽嘛~哈哈哈

霜狀程淡淡嘅粉紅色~味道清香
花花可是不太喜歡太重香味的護膚品的啊~
今次這日霜特別加入了旁氏專業護膚中心研發的VAO-B(3TM)無瑕白皙複合因子
這複合因子包括維他命B3, 維他命E,尿囊素及遮瑕微粒
而當中嘅雙重UV防曬效能SPF15及PA++,亦有效減少紫外線嘅傷害

就係因為這日霜包含了防曬成份
所以塗上面後需要再慢慢推開,
亦唔會係即時吸收哂個隻
對於比較喜歡超級清爽skincare嘅花花
這個就難免會令我對它減了一點分數
但就試過推開後立即上妝亦可,不會起擦膠碎

美白肌膚方面其實一搽上面已經即時看得見
複合因子中嘅遮瑕微粒亦有作出適當的表示
因為的確感覺到面上嘅瑕疵少左

而且就連我試下用測試機測試一下水份時亦有上升

這個外形美觀的葉子形Pond’s Visible Lightening Daily UV Cream
雖然這日霜是滋潤型,而不是走花花最喜歡的清爽路線
但用途多多,集美白,防曬之如亦有少少遮瑕
而且價位十分親民,用一張紅衫魚就已經買到
這產品我覺得都已經合格有餘了~

 

分享完畢
多謝收看

 

葵芳又一好去處~Purple House 第三分店開張之喜!

剛剛嘅星期日
花花又去咗我好鐘意去嘅葵芳喇
又去睇戲?濕平?
非也非也,兩樣都唔係
今次嘅目的係佢

Purple House 第三分店 - 葵芳店
話咁快就開第三間喇
終於新界區嘅朋友仔有福喇
時間過得真係好快
初初因為花花喜歡玩印花美甲
所以就去玩下印甲班
估唔到仲同佢地做埋朋友添
所以你地開分店,又點少得我去攪攪震呢

相信大家都一定熟識印甲呢樣好好玩嘅野
如果唔知係咩...唔緊要,去睇返花花D印甲文就知架喇 !!

今次多得水魚小姐
我地嘅祝賀禮物就用咗果藍喇
因為可以自己食返嘛~哈哈哈,我好為食呢

當然其他人送嘅花都好靚啦
我又點會放過咁好機會呢
即刻就幫D花影多幾張沙龍相先

Konad Professional Nail 系列終於都面世
我之前等到頸都長,一共一百二十隻色
咁多,緊有一枝岩自己啦

花花當中鐘意隻深藍色,粉色都唔錯
紫色有深有淺,加埋都有六七隻紫,點揀好呢?

呢邊放咗嘅都係Konad 嘅甲油

少不了當然 Dress Up 甲油啦
呢個除了普通甲油外,仲有絨面,爆裂,閃粉
我推介絨面..真係好正,夠特別之如仲有係我最鐘意嘅一點
" 就係快乾"........

甲油色版放哂係度
方便大家慢慢揀

當然仲有印花set,其他美甲用品等等
仲有花花之前玩嘅金屬甲添
加多咗好多顏色啊~

Konad 除了甲油外還有化妝品啊~

未到吉時,所以我地又無無聊聊咁玩指甲喇

玩印甲又點少得印花油呢~

好喇~吉時到...嘩...恭喜呀
開張喇~

係呢度
花花希望你地長做長有,生意額直線上升
記住..下個落腳地係香港區喇
等我放工可以去搵你地嘛~哈哈哈

這個鴨鴨吹風機
真係可愛死了
尤其個鴨咀~

分享完畢
多謝收看