似有還冇的自然妝容

平時出街要見人
但又唔想化濃妝
咁我會化個淡妝
因為咁樣人都會精神D

化自然既妝
用啡色既E/S就最好了
今次用了它
一盒就攪掂哂,好方便

Maybeline - GD-2 Gold Nuggets

開眼:-

合眼:-

先用白色塗滿整個眼皮位置
淺啡色上眼簾
深啡上雙眼皮處
劃上眼線同塗上睫毛膏
掃小許粉紅色胭脂加祼色唇膏
完成..好容易!!

其實自然妝最重要都係個底
當然都要先塗上Base先啦
我自己會用好小既粉底薄薄塗一層
做好遮瑕之後再掃上碎粉
或者皮膚好D既人可以唔需要上粉底
Base之後直接遮瑕加碎粉都得

呀...仲有要輕輕劃返條眉...

完妝圖:-

哈哈..都係第一次可看見我的樣子呢!!
不要見到不是美女就不看我的Beauty日誌啊!!...｡･ﾟﾟ･(>д<;)･ﾟﾟ･｡....

Snowy

前幾日蝦子餅放了半日假
因為佢續會既關係要去愛協拎贈品
順便就去睇下貓貓狗狗
點知就比佢睇到一隻好靚既貓貓"snowy"

聽愛協既Staff講佢主人
因為佢會同其他貓貓打架
又會因為發脾氣而到處去小便
所以就唔要佢了
而蝦子餅見到佢當日,都是牠第一天被放在愛協等好心人收養
(之前已被愛協既Staff觀察了好一陣,確定佢冇問題先放在領養地方)
但因為我們已有兩隻貓同一隻狗
所以我們都不能要牠了
蝦子餅靈機一觸,打電話給我媽媽
問下媽媽要唔要啦
哈..原來糸媽一早想要多一隻貓貓
就係咁...Snowy現在就寄居在媽媽處了

Snowy係一隻很可愛的金吉拉貓
當天蝦子餅一人將牠帶回家
還拎住佢步行了很久(因為佢要等埋我放工)..辛苦哂了
因為即日就決定拎佢回家
所以冇貓籠,但愛協很好,願意借出一個飛機籠出黎
叫我地下次去愛協就還返便行了
(係冇登記的呀,大家只係講個信字)

個日我好快做完我既工作就去搵蝦子餅一齊搭車回家
我一見到Snowy就連續講了5,6...次好靚呀,佢好靚呀
我仲立即打電話給媽媽說牠好靚呀
當日媽媽去了好妹家吃晚飯
而妹妹又好想看看牠
所以就先將牠拿上去好妹家先
(我,妹妹兩公婆同我爸媽都係住同一屋苑的,所以係好方便)
我地上到妹妹家..不能放牠出黎住
因為好妹道有兩隻唐狗呀
我地就將牠帶入房放牠出來走走
兩隻狗狗就係門外係咁抓門
Snowy仲因為咁發惡添!!

第日我打給媽媽
媽媽說現在佢在籠裡住一小日子先
先等媽媽家的兩隻小貓習慣一下新成員

蝦子餅好唔捨得牠呀
話就係因為帶牠由愛協行到去灣仔既時候
已建立了一份感情了..
哈哈...太誇張吧...
我就覺得我們都有"靚仔,Moon Moon 同阿Don"已經好滿足了
當然,,我問過蝦子餅,佢都係覺得Moon Moon 最好
..................好.............咁我呢??? (((o(｀･∧･´)o))) 嘻!!

眼妝分享 - 白,灰加藍

今次化了一個大眼妝
順便再度練習一下貼假眼睫毛
用了白,灰同藍色(但化完都係變了黑色似的)

先來素眼照一張

很可怕呢!! w(ﾟﾛﾟ;w(ﾟﾛﾟ)w;ﾟﾛﾟ)w....

快快打了個底先

膚色好一點吧!!今天的左眼有一點腫呢!

眼妝照

真的見不到藍色呢!..｡･ﾟﾟ･(>д<;)･ﾟﾟ･｡...

開眼

今天用了Gi & Gary 既眼睫毛

閉眼

都係反覆貼了兩次先算免強可以,失敗呢! ((“o(>ω<)o”))

今天用的工具

Kate Diamond cut eyes BK-1
Bobbi Brown Midnight 12
Bourjois Regard Effet Paillete
Maquillage 4色胭脂 80
Integrate PK261

教學妝圖

上眼簾:-
先用白色上前半部份
用灰色上後半部份
在灰色上重疊藍色
下眼簾(同上一樣):-
先用白色上前半部份
用灰色上後半部份
在灰色上重疊藍色

用Kate 的左上角既閃粉點在上眼簾中間
劃上眼線,戴上假眼睫毛
再塗上粉紅色胭脂同粉紅色唇膏

完成!!


今次都係花時間太耐在假眼睫毛上
仲要貼完再貼,真係叫救命呀!!!
我要再多練習先得,但我何來有時間呢???
(.....{{{p(●｀□´●)q}}} ..懶人....怒...)

蝦子餅生日之家人篇

今次輪到蝦子餅既屋企人喇
但係係蝦子餅請佢全家食
Why (?´・ω・｀)
係咁既,蝦子餅屋企有個習俗
當你仲未結婚既時候
每逄生日,屋企人(其實都係佢既爸爸媽媽啦)就會請壽星仔食飯
但結過婚之後就要調轉喇
就要請哂成家食飯
當然啦,生日個個會有利是收番的
咁就要睇下食咩,利是夠唔夠"com"返條數喇
(...!!!!!(o≧ω≦)○))點解講到好似結婚計人情咁架!!!!!

今次我們就揀了食自助餐喇
因為我好怕食一圍個D中餐
所以一早叫蝦子餅唔好食酒樓
而我地既資金有限
所以就揀了不太貴但評價都OK既恆豐酒店

就係咁,我們就在三號風球之下
展開我地既自助餐之旅了...去相

^地方唔算太大,仲要係有D迫(我指係出去拎食物既地方)

^Print 了Coupon ,所以生日月可以揀紅酒或者蛋糕
果然免費既野唔會好..紅酒好"La"喉,我飲了一杯已經投降了

^壽司,魚生,沙律篇:
之中比較特別的是右下角既魚
原來佢既底部全是好似魚子既東西
"pok""pok""pok"一咬就會發出食魚子既"pok pok"聲

^熱盆篇: 焗田螺,鐡板霜降牛肉,湯(唔記得個名,有中藥的)都係我比較喜歡的

^Openrice中有人話好食既辣螺,但我唔喜歡

^先黎個Lemon沙冰清一清口腔....ヾ━━━━（∂△∂；）━━━━ω..好酸呀!!

^甜品篇: 極力推介(亦係呢個自助餐重點之一)>>>>Movenpick雪糕(Chotolate味)
真係好好食,蝦子餅食了三杯呢!!
之外 豆腐花都唔錯其他都一般


今餐每人大約$280
食物除了雪糕同個鐡板牛係好好食之外
其他都一般,不過不失咁喇
如果係一大班朋友都可以試下
但真係唔好期望有好似四百蚊一個個D自助餐質素
另外..拎食物既地方好細,我成日都撞到人,或者比人撞
希望不久既將來,佢地會有改善啦!!
當我地離開既時候,原來天文台已話會在半夜之前改發8號風球
去搭小巴時,他們已經大開剎價了(明明仲係3號風)
原本既十六蚊一個,居然加多了四蚊~~~
兩個貴八蚊..豈有此理!!!((o(>皿<)o))...可怒也!!!

 

平價En Aoleur 眼線筆

昨天經過莎莎
本身只想買一支冇閃底純白色既眼線筆
但最後竟然敗多了4支回家。・°°・(((p(≧□≦)q)))・°°・。

它是來自德國既品牌En Aoleur
在莎莎只雖$15一支,很平,顏色選擇多

先試上手看看
筆芯柔軟,很容易就可以劃上手
試過用水沖20秒都冇事
但試過用手指輕輕掃下就會有小小化開

左至加分別係:-

P48 - Azur : 帶有小小金屬色既藍,也是我最喜歡的顏色
P00 - White : 純白色,唔閃既,用來劃一條下內眼線,可令眼睛放大
P06 - Turquoise : 粉藍色,夏天就啱哂了
P05 - Indigo : 色彩鮮明既藍色
P47 - Metalic Green : 一睇佢個名就知一樣係帶有金屬色既綠色,好靚

同場加映一支Kate 既唇膏

^Kate (凱婷)BE-18

自然既珊瑚色,質感很柔軟
仲添加保濕成份


當我真的用了它們既時候再同大家分享啦!(≧∇≦)ｷｬｰ♪

大快活大戰大家樂

我發覺佢地兩間快餐店真係好鍾意同時間出新0野
今次我試左分別兩樣
大快活既鑊仔鴨脾意大利飯同大家樂既霜花牛板燒飯
先講大快活

賣相一般
但同相都差好遠
鴨脾無咩問題,肉都唔"鞋"口
但因為係用鑊仔上
所以D飯充滿了燶味(但其實係冇真係燶的..真奇怪)
飯既軟硬度可能要迎合番香港人
所以比較軟了一點
真正既意大利飯是比較硬身一點的呢
如果唔係每一口飯都充滿燶味既話
我諗佢都有80分~~

賣相幾好
同相片比較似樣
由出面拎到埋位既時候
基本上D牛已經燒熟哂了

^這是他們的教學

^我要的蜜糖汁(另外有蒜蓉汁)同日式漬物

味道方面
蜜糖汁加飯味道唔錯
不太濃,幾fresh
牛肉好香口,因為用鐡板,所以"辣"燶了小小(但今次係冇燶味的)
因為本身牛肉太薄,所以咬落冇肉個隻質感
只係好像食緊一片有牛味但又好脆既東東咁
鰻魚就普普通通啦,冇咩特別

但如果比我再揀
我都會先揀大家樂的!

一些我喜愛的眼影

上次講左眼線
今次分享眼影啦
我個人不嬲都比較注重眼睛既化妝
因為大多數同人接觸既時候
人地都會望你既一雙眼睛先
又或者眼妝既變化比起其他都可以多一些
所以我多數都會比較花心機在一雙眼睛上

雖然我有雙眼皮
但我眼皮係比較浮腫一點
所以我選擇顏色時大多數都會揀一些深色一點的
粉色調既顏色就不太適合我了

我今次先揀左4樣我比較喜歡或常用既眼影
有Kate,Bobbi Brown,MJ 同T'estimo

先講Kate - BK 1
佢係我最新買的眼影
最初係因為佢既包裝吸引了我買它
而我用完它,亦都發覺色好靚,好閃

Bobbi Brown 既 Midnight 既深藍色眼見真係好好好靚
先試在手上看過,個種藍係我搵左一段時間,好開心搵到它
但唔知點解,當我化上眼
就係唔會似我上係手咁靚
會變左黑色..後來我要用小一號既掃慢慢咁印上眼皮
咁就好D,但都比化在手上既顏色不太相同
雖然係咁,但我都係鍾意佢架..Haha~~

MJ YE106 係我在日本買既化妝品之一
佢既好處係將佢當Base 查係一流
好多顏色都可以,啡,金,黃綠,等等
化呢D色既眼影前先薄薄用手指塗一層
會令之後上既眼影Keep 得更持久
而且佢仲有小量既閃底添..

T'estimo 呢盒我已用了好多次
因為我好鍾意佢個Set啡同金
化完不太誇張得黎又可以令眼睛太一點
而且佢最左邊個隻色
我時常都會用它來代替白色在眉骨上Hightlight
有時化一些不太濃既妝時
我就會用到它,
因為用佢會比用白色自然一點,很好的
但我呢盒都係去日本旅行時買的
唔知香港有冇呢個牌子
如果你地知道佢係香港邊度有佢D Product 買
請通知聲,我好想知! Thanks~~

我的眼線筆

一雙美麗既眼睛
眼線筆同睫毛液真的缺一不可
就算唔用眼影
只是一條眼線再加上睫毛液
都可以令到一雙眼完全變得不同
變得精神一點
今次先分享一下我的一些眼線筆

這裡有4枝我喜歡同不太喜歡的

左上 - Sana美人魅眼長刀型眼線筆
它是我很喜歡的眼線筆
佢既設計係扁平的
等於一些專業化妝師一樣
將佢地既眼線筆"sir"平一樣
只需要將眼皮輕輕拉起
就能輕易劃出一條內眼線
而且顯色度都OK~~

右上 - Bourjois Regard Effet Paillete
佢係有小小閃底的
亦都好容易劃,又唔會易化
最緊要係唔會太貴之如又好用
所以都係我喜愛之一

左下 - Revlon ColorStay
當初係佢既化學毛筆頭既設計吸引左我去買
因為我覺得可以用它來填補番我貼完假眼睫毛之後既空隙位
但上次一試就....唉
係一點就上色,亦都可以cover番D空隙位
但就好易化開
之後我就成個眼皮都係黑色
我已經係Hold 住咁等左一陣
但都唔得,後來我反覆試了幾次
要我合埋眼,對住個風扇起碼3-4分鐘先乾得哂
如果唔對住風扇就真係唔知要幾耐
雖然佢既色真係好夠黑,但我都係等我好有時間既時候先用佢了

右下 - PuPa 09
有一次睇雜誌話呢個牌子好
去到SaSa找不到雜誌上個個款
所以買了同一牌子,但唔同款
試過..不太好..
比較難控制,一劃唔會一條線咁
係一"bei"野放左上眼
個次用完之後我直情將佢變左眼影
咁先冇咁怪,個次之後我已好耐好耐冇用佢
雖然佢防水比較好都係咁話



這些都係純粹自己用完既感覺
下次再分享一下其他吧!!!

我的化妝小櫃

因為放假既關係
又激起了執野既動力
但我只係執了我自己既化妝品

發覺真係好多
有D仲多到冇位放添

這便是我個化妝抽屜,已放滿哂咁仔
再多D都唔知點算
我會將佢地分門別類
因為咁樣我拎每樣野都會得心應手一點

這一格係放眼影

眼線,眉筆

睫毛液同眼線膏

胭脂

唇膏,唇彩,唇筆

假眼睫毛

之前都有講過既四盒CS眼影
因為冇位放,我只將佢地就咁放在枱面
所以封哂塵~~

粉底,Base,碎粉同遮瑕

盒裝粉底

只係睫毛夾都4個,唉.....

當然仲有陪伴左我好多年既化妝婦啦


都好多下
有時行行下街又買
去旅行更加唔使講,係買到傻左個隻添
但次次都會忍唔住又買左返屋企
又覺得樣樣都想試吓咁
但當中有些會好用,有些就麻麻地
哈哈...有機會都同大家單一咁分享吓佢地

自家製的午餐

因為公司清假
而蝦子餅之前已經放了很多假
所以我既假期比他多
今個星期我會放整整一星期既假
而蝦子餅只係陪了我星期一同二

今天星期三
一朝早起身洗完面擦完牙
再沖埋涼已經十二點幾

平時返工既Lunch我係唔食的
因為我習慣左
但一放假冇野做
個肚就會好準時就響

所以就整一個Lunch Set 比自己

^咖哩撈烏冬 and 雲吞

都幾好味呀~~
做法又超級簡單
(先記住: 我係一個懶人,睇完點整唔好"her"我...唔該哂!!)


做法如下:-
- 先將兩條腸仔切好一片片
- 之後煲好一煲水
- 水滾後放腸仔片同一包烏冬落去
- 煮一會便撈起放在碗裡備用
- 再煲水,水滾後放一包即食咖哩落去
- 5分鐘後將即食咖哩倒在烏冬上
P.S. 雲吞不用說了,太簡單了 (因為我都係用"東東雲吞"的..哈哈~~)

完成!!!

好飽..好滿足呢^0^

Heal The World

還記得這一首歌
在我還是一個中二定中一既學生時侯
一位教英文既老師係堂上
為了增加我地對英文既興趣而播了給我們聽
直到而家,我都覺得呢首係一首好好聽既歌
就值住呢個大家都懷念MJ時刻
我都將我一首覺得好好聽既歌同大家分享
希望大家都喜歡

這是它的中文歌詞(很有意思的,希望大家真的用心去看):-

在你心中有個地方
我知道那裡有愛
這個地方可以比明天更耀眼
如果你真的努力過
你會發覺不需哭泣
在這個地方，你感覺不到傷痛或煩憂

到那兒的路很多
如果你真心關懷生者
營造一些空間
創造一個更美好的地方…

治癒這世界，使它成為更好的地方
為你、為我，也為了全人類
不斷的有人死去
如果你真心關懷生者
為你，為我，創造一個更美好的地方

如果你想知道緣由
愛，它不會說謊
愛是堅強的，它在乎的是喜悅的奉獻
若我們嘗試，我們將明白
在喜樂中，我們感受不到恐懼與憂慮
我們不再只是活著，而是真正的開始生活

然後，那感覺將持續下去
愛足夠我們成長
創造一個更美好的世界
創造一個更美好的世界…

我們構思中的夢想
將展露喜悅的面貌
我們曾經信賴的世界
會在祥和中再次閃耀
然而，我們為何仍在扼殺生命
傷害了地球，處死其靈魂
雖然這很容易明白
這世界天生就是上帝的榮光

我們可以在高空飛翔
讓我們的精神不滅
在我心中，我感覺到你我都是兄弟
共同創造一個沒有恐懼的世界
我們一起流下喜悅的淚水
看著許多國家把刀劍變成了犁
我們真的可以做到
如果你真心關懷生者
營造一些空間
創造一個更美好的地方…

不斷的有人死去
如果你真心關懷生者
為你，為我創造一個更美好的地方


希望世界真的會和平
不要再有什麼戰爭便好了
因為人既生命真的很寶貴
我會好好珍惜它~~~

KATE - Diamond Cut Eyes

前一排行開屈人寺
見到Kate 自助式既櫃架上有一盒影影包裝得好靚
所以又忍唔住買左

嘩..原來叫Diamond
唔怪之得我會無啦啦買左
我買既係BK-1
個晚因為公司Annual Dinner
所以就決定試吓佢啦

^開眼

^合眼

都幾靚呀
化完對眼都精神左,又夠閃
用來去晚宴就Perfect 喇

佢既用法好簡單:-
- 先用手指沾右上角眼影,塗在整個眼皮
- 再將左下角眼影掃在眼窩位置
- 用右下角眼影掃在雙眼皮位置
- 最後用手指混合左上角既眼影 (你可以見到左上個度其實係有兩隻色的)
- 混合後再用點既方式按在整個上眼皮

(盒上亦有講到可以唔混合,單一咁運用,都會有唔同既效果)
但我自己試過就覺得差唔多