甘味讚岐手打烏冬

今次去左葵芳試甘味讚岐手打烏冬
呢度係我第一次食
因為以前見到成日都要等位
今日都要等,但就冇咁多人
所以就等一吓啦

佢地雖然主打烏冬
但都有好多選擇
仲有一些日本小吃添

^蝦子餅叫左豬扒烏冬

^我叫了滑蛋蟹籽巨形蟹柳烏冬

^仲有我好鍾意既芝士年糕



仍地既烏冬都幾彈牙
食得出真係唔同係超市買個D
豬扒亦炸得香口,但我個人比較鍾意厚身豬扒
佢地既係薄一點,但就好脆身個隻
滑蛋蟹柳好好味,蟹柳真係好巨形
我仲好鍾意佢地既滑蛋係有洋蔥的
好似親子丼個D滑蛋咁..好味
個湯亦都幾清..OK !!
芝士年糕當然都好味啦!因為我係超鍾意食呢樣日本小食
所以如果唔係真係難食既話
我都會覺得好食!!哈哈!!
但我就覺得佢地既地方比較細
坐位亦相對迫一點
如果坐室外既話,雖然係冇咁迫
但如果大熱天時坐室外吃住一碗熱辣辣既湯烏冬
我諗都不是太好受吧!!