電腦壞左

各位人兄,小妹屋企既電腦壞左
而新電腦又要星期六先有
所以呢幾日我打唔到Blog呀

好慘,希望星期六我可以Update到我個Blog啦

我真的蠢嗎?

在這裡工作加埋Part – Time 十年了
這份工是我的第一份工作
我之前從來覺得冇咩問題的
因為我做得好開心呢!
雖然直到現在都只是一個Cleck 仔
我又冇咩所為的,只是一個名稱姐..
人工有得加便可以了
老細,我覺得佢對我都OK
我指係加人工上,其如真的找不到
同事也總算合作愉快的
**************************************
但呢幾個月真的唔知自己發生咩事
工作上既樂趣開始減少..係急劇下降
我係一個想人地睇到我勤力
點解呢,我唔係扮野,只係自己知自己事
我讀書唔叻,英文一早就比番晒先生啦
我跟本就冇咩特別叻,眼見人地讀書
我…跟本唔係讀書材料..冇可能
我有試過,但最終覺得都係浪費了金錢
以前我返九點的,發覺自己好似做唔哂
加上越黎越多野做..個個比下又多一樣,比下又多一樣
好..返八點半..做做下..yee…又好似做唔哂
又番早D,直到而家..我係返七點幾,月尾仲要返七點
Lunch 都係做野,仲要放八點幾
蝦子餅話我,因為就係我咁多野做又唔出聲
自己又走去返早,人地咪會以為..我做得哂,咪又比多樣野囉
我有試過出聲,但出左一次係冇用既,仲邊會去再出多一次聲呢~~
****************************************************
就係萬聖節個日..因為個日有個同事Last Day
大家諗住一起出去食Lunch,我當然去唔到
因為個日係月尾,係好忙好忙..到Lunch既時侯
我就係咁做..我只係想快D做完怏D收工
雖然個日個Supervise 一樣冇去,但佢都有食飯
呢個我唔緊要,因為我本身唔食Lunch 的
到後來,好似係五點幾,蝦子餅打比我…
佢問我早餐佢買比我個豬柳漢堡食左咪
個刻..我真係忍唔住了,我D眼淚係咁流
所以我話唔講喇,因為我再聽到佢安慰我既聲音,我會失控的
我個刻個腦係度諗,係咪得我咁蠢,係咪得我一個咁白痴
人地叫我做咩,都話”Ahoo” “好” “OK” “得家喇”….
點解得我一個自己返咁早,Lunch就算唔食飯都可以訓覺架,唔使做架Wor
點解只係我係咁既..我唔甘心呀~~
可能大家會話,車搵個份囉..
但我只係中五,英文又唔精,最主耍我而家唔係幾年前咁
仲有D錢等我用佢,我而家屋呢,食呢都要用錢
出到去,仲可唔可以搵到一份同等人工既工作呢
蝦子餅同我既人工都係差唔多
所以我冇得揀..我都係要忍…但我而家好驚,我近期成日都發作
一發作就喊,喊完就好D…
希望真係好似蘇師傳咁講,年尾工作係有回報,有收獲的
請大家祝我好運啦~~希望冇悶到大家
小女子只係想發洩一下
********************************************************
就係因為咁,所以放工既時候,搭搭下巴士
蝦子餅就攞左隻Mario Game 話送比我喇
多謝你呀,個一刻直頭想抱住你大喊一場
當然冇做到啦,巴士黎架嘛.........................

Wii – Super Mario Galaxy

呢隻Game其實買左好幾日了
但而家先話比大家知
佢係蝦子餅送比我既萬聖節禮物黎架
(=0=)萬聖節都有,好幸福呀!!!
我玩左幾日,呀!!唔係
正確黎講係玩左一日姐
其餘既都係我睇住蝦子餅玩
冇錯,因為我冇耐性
同一關玩玩好多次都唔過關既話
我就會唔玩
但我想講其實我睇住蝦子餅玩都係一種樂趣
佢都係玩得唔叻架,但我好enjoy睇佢玩呀
***************************************
隻Game都係主要每關每關過
因為公主比隻龜捉左
咁Mario去救佢
但要上太空救星星
哈..我都唔知點解Wor~~
佢仲可以變蜜蜂,變鬼
仲有,隻Game既畫面真係冇得頂呀

P.S. 係呢隻Game既背後其實係有個故事的
點解蝦子餅會送萬聖節禮物比我呢?
我會係下一篇–工作碎事內話比大家知