Pasta De Waraku

呢日我地又同阿妹一共4人
又去行街街兼食Lunch
發覺自從妹夫有車後
我地一齊去多左去街街呢!

本身想去荃灣廣場
但好多車排緊隊入Car Park
改去荃灣一個新既商場 - 荃新天地
我地都係第一次去的
好大呢!!

首先當然去食左Lunch 先啦
蝦子餅話有間專食Pasta的..好決定就呢間
鋪頭出面放了好好好多意粉模型呀
(這只是一半呢!)

假的,但係已經想將佢食落肚了

當真的時候有咁大隻龍蝦嗎?

當我地(我,阿妹同蝦子餅)好聚精會神咁睇既時候
.....Yee......從玻璃窗望入去....哈,見到妹夫已經坐左係入面了
我地仲唔知呢...即克走番入去

我地樣樣都叫,一齊食
Coupon有$50 Discourt
仲有一些半價既Pasta 可以叫
可能因為新開呢!

叫了墨汁墨魚幼麵
好味呀..蝦子餅又有微言
話冇墨汁味Wor..
食到我地個個變黑嘴呀!

咖哩煙肉蘑菇炒飯

茄子Pizza
好脆好脆,Oh..Shi !!

小食兩款
- 香腸併盆同炸雞塊
香腸好好味呀,其中一條係芝士腸黎架
三條都唔同味的
(我地覺得佢放係雞隔離既薯片好似卡樂A 呀!!)

仲有漢堡扒
呢個係咁多個之中比較唔岩我口味
因為比起出面食既漢堡係淋好多
食唔到D肉既口感,一pat pat 咁架! 嘛嘛地 > <
(但睇好似好正咁)

最後係真既甜品了
蝦子餅叫了凍可可
正呀,好濃的..好似食Dark Chotolate 咁呀
但佢個色又唔似架Wor...Why ??

妹妹叫士多啤利芭菲

我就叫了Tiramisu 芭菲

呢間Pasta De Waraku 好味呀
我又會番Dou 的
但如果一碟意粉我一個人係唔夠的
因為我地4個人都係每人兩口就食完了
哈哈..唔通半價小一半..唔會掛!!

老趙之包包傾(Bao Bao King)

上星期五又同蝦子餅去搵食了
我比蝦子餅揀一係越南野,一係日本
佢揀了前者..咁下次先食日本野啦

今次去左佐敦
我又唔想行過去出山林道個間
近近地食佐敦呢間
兩間一樣的,但佐敦係新鋪
裝修較年輕化一些

今次都叫左好多野
生牛肉湯粉
好味,個湯仲好正添

越南0野都一定會叫的
- 春卷同我好鍾意食既蒸粉包

都係叫了炒通菜
但好似硬左D,都冇食唔添呀!!

蝦子餅仲叫左個招牌飯
但當時既我已經飽哂
但都有試到佢個D餸
有豬扒,雞翼,扎肉同一件叫黃金磚的東西
黃金磚係我本身想叫既小食(一碟4件)
好在冇叫,唔係唔好食
係呢磚0野都幾滯的
哈哈,好在之前比蝦子餅Reject 左姐
唔係就大件事了

之後走既時候路過九記糖水
都好食埋糖水完美D嘛!!
雖然入到去好似有一陣怪味
似D貓貓狗狗味咁的
但又唔見有寵物呢!
有所謂啦,好快食完就走人
我叫了合桃糊
好味,唔會太甜,又唔係開生粉水咁
(因為我真係食過一D好似開生粉水咁架!!)

蝦子餅叫了燉蛋
佢話苦Wor..但我一D都食唔到苦味
我諗佢條舌頭真係有D問題
我仲覺得好滑添

四川世紀大地震

直至今天先Update 一下Blog
真的唔好意思
因為真係冇心機了
看到四川的情景,太傷感
看到大家中國人的團結,太感動
估唔到原來中國在今次的事令我對它改觀

今天一連三日既2:28P.M.
我也會放低手頭既工作默哀三分鐘
我今天都聽到樓下街上既車也響安
好安慰呢!!

希望大家也快點收拾心情
希望在明天嘛!!
亦都希望呢幾日四川天公做美
救多一個得一個
各國既消防員,加油呀!!

P.S. 本Blog會一連三日轉用黑白色已響應灰階行動

母親節前夕

今天母親節前一日
係同埋媽媽個邊
阿姨,婆婆食飯
因為夜晚先食飯
所以上午有時間
先去將軍澳拜埋嫲嫲先

約好左媽媽大約4點半係上面等
我同蝦子餅,就跟妹夫車上去
我地先跟車接妹妹收工
之後妹妹帶我地食了一餐好美味既 Lunch 呢
呢間鋪頭係沙田新城市廣場
最頂個層,係食炸魚薯條的

枱面放了魚形的東西

我叫了炸魚薯條Set
個湯係超正..比出面既白湯濃4 - 5 倍呢
今日個湯係周打魚湯
妹妹說如果係蘑菇湯仲正呀

炸魚好大條,雖然係炸,但唔油的
D白色既醬都好味,點魚都好Match

蝦子餅既意粉一樣好好食
D汁同湯一樣好濃..正
意粉比出面比起會冇咁淋
我正正就係覺得出面成日都整得太淋了
我鍾意硬一些
煙三文魚都好食
唔知點解,平時我出去食自助餐
我好少會食煙三文魚的
但呢度我又覺得佢地整得OK 呢

食飽飽未夠鐘去將軍澳
所以係沙田行左一陣
我係書局買了兩Set 書
一Set $100 (有4本)
但蝦子餅話貴呢!!

可能因為近排比公司既時令到我真係有D唔開心
想去試下可唔可以看一下書能夠令自己快樂一些
因為佢呢Set 書係一些小故事
從而啟發自己既思想
本本書都唔同的
有D係朋友,有D係愛情,
我最想睇的係快樂方程式
希望睇完可以比我找到快樂既方程式
唔想日日都因為工作上既野影響到自己
但好多時自己又真係諗唔通

之後便去了拜嫲嫲,再出佐敦同婆婆等人食飯
食飯過後,今次就帶番妹妹去食甜品啦
先同婆婆佢地Say GoodBye 先
再同妹妹,妹夫, 蝦子餅去番松記食
冇錯, 一連兩日都係你了
我都話會番 Dou 架啦

今次我食三色涼粉
黑色當然係涼粉啦
透明的係大菜糕
白色都似大菜糕,但多左D香蕉油味

蝦子餅食楊枝甘露

希望快D睇哂D書
好想快樂呢!!

鼎泰豐ercore vs 松記甜品

岩岩既星期五
放工我,  蝦子餅又同豆子去食飯了
豆子已經成為我地既指定試食兵團了

今次再戰鼎泰豐
我地三人大約8點去到
飛仔係B86 ...
個度既小姐話大約一個鐘至個半鐘
當時既B飛好似係B三十幾到

好在我地已經預左要等好耐
所以就早有準備...NDS 一部
哈哈..同豆子大戰左三百回合
差不多一個鐘了
就上番去繼續等
一上到去 (*′皿`艸) 唔係呀,都係三十幾既
再等...終於B飛又開始叫枱了
一叫就去了廿幾張飛,再叫又叫三十幾張飛
到我地了...真係等死人咩

今次同上次叫既野差不多
只係叫多了兩個餸姐

先黎前菜 - 烤夫 (好似係咁..) 豆子叫的
都幾好味,有點似面根

再黎一人一個酸辣湯
都一樣係唔辣的
但好足料呢!!

主角就一定叫的 - 小籠包
好多湯係裡面呀

又係鮮蝦蒸餃
真係好好味
唔記得叫豆子睇熱呢!! ( 真的唔好意思)
因為我上次一樣少看它了
又係比佢熱親呀

叫多左個菜肉飽
上枱時佢地會問你 : 腰車嘛? (註一 : - 要切嗎?)
所以佢就同我地車開三份了
一樣好多料呀..我自己覺得好食呢

蒜蓉炒通菜
好似D菜老左少少

一個係紅燒牛肉麵
另一個係排骨蛋炒飯
個飯真係好食
就算下次黎都會再叫

之後我地再由尖沙咀行去油麻地
好熱呀..真係救命
死啦,個日都係28,29 度姐
我已經行到出哂汗呀
遲D再熱D真係唔知點算了
我地去油麻地係因為去松記食甜品
因為我有個朋友成日都去食
所以自己都去試下

我叫左"Summer"
行到咁熱,當然要食雪糕啦
可以自己揀雪糕的
我要左芝麻同朱古力

豆子叫了幻彩明珠

蝦子餅叫了哈囉
好似有豆的
我唔好豆類,所以我唔會叫呢

我覺得呢間野OK 呀
因為每樣野都係十幾蚊
但好大碗,而家好多D咩記 ..都要成廿幾三十蚊
相對呢度只係十幾蚊,仲要唔會唔好食Wor..
正呢..我相信我會再番"Dou"呢度的

P.S. 今日蝦子餅自己都買左野
買左咩...唉..佢買完之後比我話足佢十次有多
因為屋企真係冇咩位呀
唔該唔好再買喇..真架..
係靚,但冇用嘛,屋企唔係一千呎呀
...................(下冊一千字...)
開估吧啦!!
小雲同小吉好重要呀!! (可愛嘛!!)
唔好以為好細..佢地都好有份量的
小雲既高度足足17吋高呀

Anna Sui 試用

上次買左它們的東西都仲未用
咁岩比我睇到今期雜誌用了我其中兩樣做是範
我當然跟啦!!

首先  我用了有閃底既白色眼影塗上整個眼眉同眼睛之間既位置
(雜誌都是用咁既方法)
之後我便用了一隻好淺既粉紅色塗在眼瞼上
(這是我冇跟書的,因為我覺得只係得白色好單調咁)
最後用上Anna Sui 既桃紅色Lique eyeliner 畫在眼頭至眼中間
後段用埋紫色眼線筆連接住
便完成了~~

發覺自己既技術仲係唔好
用lique eyeliner 既時候都有D手震呢!!
之前番學學既野,機本上比番哂阿Sir 添!!

 

景霖正宗四川麻辣米線

呢個星期懶左添
因為掛住打NDS
所以冇update 個 Blog 成個星期都有了
 
話說上星期五(好似耐左D Wor ~~)
我同蝦子餅放工去佐敦食米線
鋪頭名叫景霖正宗四川麻辣米線
好似見佢貼左好多雜誌介紹
我諗都唔會難食的~~

我叫左貢丸,枝竹,豬腸米線
我咁鍾意辣,當然叫辣啦..唔...就中辣啦
都幾好食呀,30到好大碗呀!
仲好辣吓添,所以如果你地去呢度一定要帶Temple 呀!

蝦子餅驚辣,所以只係叫了小辣
佢又唔想諗叫咩餸..
所以佢個碗好似係咩雜錦的
人地幫佢諗埋,唔使自己揀

食埋D咁辣既野
當然唔少得凍飲啦~~ 哈哈

Anna Sui 之 小血併

今天同屋企人食完飯之後便去行千色店
妹妹睇的東西我唔0岩
我便走左去剛剛途經過的Anna Sui Conter
佢唔係長期Conter 的,因為本身Tsuen Wan 既千色店係冇架
一定係個天住定要我買了
因為我一路都想試試它的Product呢!!
我又一路都的唔起個心去買!!
哈哈..好了,而家正正就係我要買你既時機了

今日的戰利品

Left - Super Mascara DX Waterproof (No.201)
Right - Liquid Eye Liner (No.300)

兩者都是我做鍾意既Colour
本身Liquid Eye Liner 係想買鮮紅色的
(唔好以為好誇張,因為只係用來做Eye Liner 的,所以唔會有問題)
但Sales 姐姐話冇哂貨
我問會唔會遲D有貨
佢話斷左貨,斷左貨唔好放Sample 出黎嘛!!

(放左白色上面,可看得清楚一點呢!)

Eye Liner Pencil WP (No.201)

愛它畫出來閃閃的
好靚,我都有試過實色的
但我個人喜愛這款多些

今天本小花既小血併用了一共 $535
有三樣東西五百幾,不是好貴呢!
但都係要下星期用少些錢先得了!

因為我消費Over $500
所以仲有一支香水板呢!