好飽嘅自助餐

琴日喺蝦子餅請佢屋企人食飯嘅大日子
之前出左Bouns話請,請到而家先請到呢!
搵咗幾星期睇吓食D咩!!
最終我話去日航食Buffet
因為我覺得嗰度都幾多嘢食


Book咗六點半未夠鐘
去下唱K先,去到先發覺全部嘅新歌我都唔識唱呢
真喺要補吓習先得!!
唱到差唔多要去食嘢了!!
幾年冇去,好彩仲記得點行


原來日航裝修過嚟,靚咗呢!
今次坐得遠咗,因為我地Book遲咗
Book嘅時候佢哋已經話定比我哋聽會遠一些
一坐底先有一杯Wellcome Drink
喺一杯檸檬甘桔飲品,酸酸甜甜咁,都幾好飲

^當然食沙律先啦!!

^中間的是焗蠔,嘛嘛地,右下個邊除了牛仔骨之外仲有一件黑蚊蚊既東西係椒鹽蠔,好好味呀
  但好怪,嗰日冇生蠔呀!!可能唔新鮮,所以先有焗同椒鹽囉!!

^上面嗰樣東東我都好鍾意食架,係燒墨魚丸呀!!好味!!

^嚟個周打魚湯先

^咖哩併盆,尖尖的那樣東西好辣的,我又冇睇食物牌Wor..一食出事呀,哈哈,蝦子餅都話好辣
  真係比佢呃咗呀!

^日航嘅粉麵我不嬲都好鍾意食的

^最後當然食甜品啦!!大部份我都覺得好食,但美中不足係冇我最鍾意既New York 芝士蛋糕







*今日食咗好多嘢,真係好飽呀!!!

買咗電話了!!

喺呢個2008年8月8號既日子
本身好想放工即克返屋企睇奧運開幕的
但當然又係唔可以準時走啦
所以我同蝦子餅決定唔返屋企住
改去出電話!! Ｏ(≧∇≦)Ｏ Yeah!!!!!


七點半放工後,同蝦子餅商量後
決定落咗尖沙咀
因為本身係琴日出電話的
點知去到佐敦個間薯嘜通
佢地話冇貨,要尖沙咀先有貨
所以今日去睇吓,碰下運氣仲有冇囉


好彩仲有呀!問佢有冇兩部,佢都話有..正!!
(唔明點解佐敦嗰間會冇呢!因為我見到除了我地要兩部之外
 有一Pair人又係要兩部!!Total 四部都有呢?)
個Staff仲好好人,同我地講得好詳細添!
花了差唔多一個鐘,終於搞掂!!

^好貴呢!!因為兩部都係我比錢!蝦子餅生日我仲未送禮物比佢
  所以我話我送比佢..連埋自己個部要五千大元呀,半個月人工了 ﾟ･｡(｡/□＼｡)｡･ﾟ

^今日呢個日子,當然即刻要整番個奧運既Wallpaper 啦!!中國加油!!北京加油!!


買完嘢當然去醫肚啦!!
行咗都好一陣,但度度都好多人呢
好彩比我地見到味千冇咩人(奇怪..平時好多人的 (o゜ー゜o)?? )
所以諗都冇諗就走咗入去了
但後來發覺,當我地坐底之後又不斷有人囉!!

^又係我至愛,雞肉軟骨串呀!仲有三串添呀!正!!!

^新產品芝士露笋卷,我自己覺得好普通..成幾層火煺..又唔覺D芝士去咗邊!!

^餃子

^我叫的蒜片豬軟骨拉麵 (我又唔覺唔覺咁又叫了軟骨既嘢喇!!冇辦法啦!!我太鍾意食軟骨了!!嘻!)

^蝦子餅叫了帶子拉麵


這餐當然蝦子餅比啦
我同佢講,份禮物太貴了
呢份禮物已經等同哂成年既特別日子禮物了
哈哈!!咩日子,除了生日,咩拍拖周年,結婚周年個D囉
我唔會再喺今年內買禮物比佢了
當然..佢就要每個特別日子都送我禮物啦!!

一門@Causeway Bay

想去呢度好耐了
之前只不過成日都時間唔夾去唔到
今日行完動漫節之後終於都去到了
因為佢地收得遲一些,所以去到都成十一點幾,他們也會比我地入坐


這間鋪頭比起其他既日本食店環境暗一些
但我覺得好舒服啊~~~
先叫了一些食物先,因為我地已經好肚餓了..嘻!!!

^這是刺身盛合, 海膽好鮮甜,帶子生食原來不是滑滑的(我本以為它是滑兼煙煙un un 的呢?)

^左邊是我最喜愛既免治雞肉串/中間是牛舌/右邊是和牛

^蟹肉玉子燒 - 好味呀!!!一D都唔乾身,咬落去入面有汁的呢!!看見右手邊嗎?他們整好之後
會印自己既鋪頭名的...看見嗎??

^當然都要叫一個食的飽的東西啦!!所以叫了海膽炒飯,份量好細呀..我地三人每人一小碗渣!!!



我地其實每人都叫了一杯酒飲下
見豆子成日都飲梅酒,所以都跟風叫了一杯
唔錯呀,幾好飲呀..蝦子餅就叫了生啤
當蝦子餅飲到一半既時候,佢發現在酒裡好似有隻小小的東西
佢同D服務生講,佢又肯比過杯Wor...幾好呀!!
我覺得這裡好適合比三五知己飲下酒,傾下計的
希望下次再0黎過~~~

動漫節2008 (二)

仲有好幾個景點呢!!哈哈
如果冇入去睇吓呢,就真係覺得浪費左喇~~

^這全部都係尖沙咀既景物, 有文化中心,天星碼頭, 仲有鐘樓同埋我都好想入去住下既半島呀!!
今次佢地既展品好攪鬼的, 有時會發現一些特別人物隱藏左係裡面的!!有蝙蝠俠...蜘蛛俠...
哈哈..係邊,你地自己找一下lor ~~ (≧∇≦)

^最後仲有我最鍾意既Times Square, 我仲投左票比佢呢! 雖然最後我知道左佢只係得季軍
但都一樣開心的,其實好多我都鐘意的,但我揀它主要是我好鍾意佢呢個蜘蛛俠嘆茶既情景!!
哈哈..好頂癮呀!!!!!!  ♪(ﾟ▽^*)ﾉ⌒☆


行入去仲有一些一大堆細細隻既Lego人仔
都有影了一些相

^估唔到原來動物都有咁多

行完已經過哂十點了
會場也已經廣播左好多次叫在場人仕要離開
哈哈..我地當然要影番夠本先走啦!!!

動漫節2008 (一)

近排去了動漫節
去既時候係星期五
放工約埋好朋友豆子同蝦子餅去
所以冇咩cosplay影
但我冇咩所謂, 因為我都係想行吓姐
去到唔係話好好好多人
我自己買了幾本漫畫書
豆子買多野過我呢!!

^蝦子餅好想買,但又唔知揀邊個,所以最後一個都冇買!!

^我自己就鍾意呢兩Pair多D ~~~

^我好鍾意呢隻熊貓架

^本身呢隻熊有個袋由四百幾半價二佰幾,因為半價左都覺得貴,所以冇買


本身好想入去lego個度睇吓
但發覺要排隊,仲要好長龍, 所以放棄左
好在0係會場Close 既五分鐘前
我話再去睇下,條龍短左四份三
當然明知Close 都照排啦!!
好在有入去,直頭係正呀!!
真係唔可以睇小整個D情景既人
好犀利呀!!  ∑(O_O；)Shock !!!!!!

^嘩....正呢!!成個會展都整到

^禮賓府

^灣仔既街道, 我好鍾意個架出前一丁電車呀

^呢度係邊度,我諗我都唔使講啦!!

^赤柱美利樓, 雪糕車都有,佢地手上面既雪糕好攪笑呢