Tranformer 2 (變形金剛2:狂派再起)

上星期六同蝦子餅去睇左
我等左好耐,終於都可以有得睇第二集
之前上網睇到話唔及第一集好睇
但我睇完個兩個半鐘裡面
真係覺得由頭好睇到落尾
冇任何既悶場Wor~~

可能我只係一個普通既觀眾
唔係專業影評人
所以就算劇情上係減左小小分
但單睇佢地既CG特技,再加上今集既笑位
我自己覺得已經可以補番數

我最鍾意個Part係
- 大黃鋒係沙漠"C"開左個隻老虎定豹條尾(直頭將佢拆骨)..超正
- 仲有,個女主角好正呀!!(哈哈..)
- 好鍾意架四驅車仔仔,好cute

唯一我覺得唔係咁好既係結局太快,太急喇!!
但我都會比佢80分!!
等佢第三集!!Yeah!!

父親節之大出血海鮮餐

父親節既一星期前
已知道係去食個D掠水海鮮餐
心裡一千個不願意,但都冇辦法
一來我唔鍾意食海鮮,二來又好貴
又覺得好唔抵~~
但因為係父親節,就算吧!

今次因為星期日,第日仲要返工
揀近屋企一點吧!!唔去那些什麼西貢,布袋澳了
就三聖啦..乘巴士都係30分鐘,方便嘛!

妹妹,妹夫同爸爸先出去買海鮮
我當然坐在酒樓歎冷氣等他們啦
佢地返黎已經話買了千四大元既海鮮了~~
嘩嘩嘩..三個嘩呀!!Help me~~

^食海鮮前先吃個燒味併盆~~雖然叉燒真的好好味,但$168又真係太貴了

^聖子皇

^大大隻既帶子..哈哈..我個人只係覺得粉絲好食..帶子~~唔識欣賞

^芝士汁伊麵好食..龍蝦..師傅整得老了一點呢!

^好好好大隻既蠔,但都同樣好好好好"seng"
如果用羌蔥整我諗會好一點,我咬一口已整食都冇食~~放棄了

^條魚兩食..但忘記影炒班球~~魚不嬲都係我唯一喜歡既海鮮
所以只有這兩味我係覺得好食的

^買海鮮時送既(樣樣都有D)用黎整左個海鮮湯

^好清,好鮮甜,好味道!!

今餐最終係二千八百幾 (七個人)
真係好貴,我令願去食自助餐了!!

但希望爸爸喜歡便可以了~~
因為父親節嘛!!
但...近來我又的確對他越來越~~~~~~~
唉..算啦...不提也吧...唔係寫一萬幾千字都講唔完!!

打邊爐去

某一天,相約蝦子餅既屋企人打邊爐
今次去了我最喜愛既稻香
因為我好喜愛佢地既腐皮卷

^八款任君選擇

叫了兩碟肥牛,本地同美國
我都唔記得邊碟打邊碟
只係我覺得長條形好食一點
後來仲要One More, Please ~~!!

^珊瑚蚌,很新鮮~~

^重點推介,真的很好味

先確定湯底係滾起
一支箭咁將佢完全咁放落湯度
兩三秒後即上碗
加埋我特制既鼓油~~
Wow~~正呀!!
當日我吃了三件呢!

仲有..多謝陶小小姐送給我的土耳其手信

很喜歡!!

分享眼妝

今次黎一個很彩既眼妝
用既顏色係紫色,黃色同小小藍色
係我之前見雜誌既model化的
所以就跟住試吓,但都係唔多好咁
都係用我新買番黎既CS眼影盤
但今次我用了閃底個盒

^完妝圖 - 開眼

^完妝圖 - 合眼

1. 用H5 混 G5 掃在眼上 (大約高過雙眼皮小小就得了)
2. 用B2 掃在紫色既上面
3. 用A1 打亮眉骨位
4. 用回 H5+G5 掃在眼下位置(大約2/3)
5. 用F6掃埋餘下既1/3
6. 劃上下眼線,塗上眼睫膏 (今次上眼線劃得粗一些,下眼線側劃一條幼幼既內眼線便行了)



化完覺得真係好彩色
用來返工就真的不太好了~~
(但個日我就係咁樣返左工...唉..後悔呢!!)

遲來的天使

我講既係美心出品既天使蛋糕
因為之前有同事送了兩張餅咭比我
(正確係比我地個Team)
所以就想試吓佢地個蛋糕喇

^個盒好靚架!!

^白雪雪..滑"lul" "lul" ....

^加埋佢地既脆脆

^完成圖


試食後覺得佢地冇想像中咁甜咁"lau"
但食完又好似冇咩食過野咁
um........好似食空氣..哈哈~~
當然..試吓都無防既~

眼妝分享 - 粉紅 X 啡

買了新玩具,當然要玩一下啦
顏色都幾上色,幾好
今次用了主色粉紅再加啡色
影既時候已經係去完街返黎,所以可能有小小化左了

完妝圖 - 開眼篇

完妝圖 - 合眼

今次全部都係用CS的

1. 先用"G7"掃在眼既後半部(大約2/3)
2. 再用"G2"掃前1/3處
3. 用"A1"掃在眉骨位置
4. "J7"再掃在眼尾處"到C"咁掃回眼窩(但唔係好覺~~!!)
5. 劃上下眼線 + 睫毛液

完成了~~是否很簡單呢!

拉~~麵~~

之前食了好多餐米線,有點悶
今餐改食拉麵啦
都係去番之前我講過我最喜愛的拉麵店
"八八八拉麵店"
位置於銅鑼灣,7點前去到或者可以唔使等
7點後就要耐心等一下了
但也不是等得太耐,因為食個拉麵不是用太多時間
好快都會有位,今次等了20分鐘啦

我叫的辣味拉麵,有我最喜愛的筍,也有兩片叉燒
味道不太辣,下次可以試佢再辣D個隻~~

蝦子餅叫既麵豉叉燒拉麵,味道都幾濃,有好多片叉燒,大大碗~~正

也是我每次去食日本料理的指定小吃
這裡做法有點不同,因為冇出面個D咁香口的
睇佢D色已經知道,但都好味的

再來一客餃子添~~



十分滿足~~多~哂~~!!ヾ(＠^▽^＠)

我的新玩具

等左好耐,終於寄到我手了
多得桃桃朋友係美國幫我訂
先看看樣子吧!

下次用既時候再話比大家知好唔好用!

自小已害怕的地方

從細細過開始已經好害怕去呢度
因為個度既人,聲音都好得人驚
哈哈...邊度呢..................................

因為我呢兩日發覺左邊牙齒好痛
自己食左兩日止痛藥都冇咩好到
所以今日就膽粗粗咁去睇醫生了

入到去先幫我照了3張X-Ray
醫生話原來我因為牙肉發炎,仲腫哂
所以要幫我"桔"串佢放番D"矓"出黎
仲要清理埋近發炎處個兩隻牙添
嘩....好驚呀....未整已經覺得痛

一訓落佢張櫈上面就覺得死期到了
只後佢仲問我打唔打麻醉針
緊係打啦...我驚死呀嘛~~~
之後我就隻手握住我個銀包
再將我個口有咁大擘咁大
一路聽住個D"枝...枝.."聲
一路諗得咪..得咪...
我覺得我好似呼吸唔到咁呀~~
好彩...醫生都好快手
唔使十分鐘..得左~~~~
呼................................鬆一口氣了~~(回魂了...)
但醫生就叫我要洗牙,仲要分兩次洗添~~
我就話..等我好番先啦~~

好戲在後頭~~
多謝一共$1,350~~~
ho~~ho~~ho~~~心都痛埋..(請問邊度有心臟科呢!!!)