聖誕節去睇戲

話說前一晚平安夜玩到第日六點先走
好在Tuen Mun 番屋企唔係太遠
番到屋企都係八點到
快D訓番一個覺先
因為今日又要出去玩喇
12點幾,阿妹打黎,一點留下等
好..好..好...
今日既節目係睇戲呀
睇我最鍾意既科幻電影
"" Golden Compass ""
好好睇~~ 妮歌潔曼太正喇,太好戲喇
隻北極熊D叫聲好嚇人呀~~
可能戲院D音響太勁喇!!
個日我地四人仲有Lunch食左翡翠拉麵小籠包
佢地既小籠包真係超好味~~
之後仲行了City Super,又買左野..
睇完戲阿妹話未肚餓住
所以後來我地決定去SuperMarket 買野食番屋企"十下十下"
個日本身好想影海港城門口,但太多人喇
好難影得靚,連我好想影既夜景版都影唔到呀!!
紫色好靚架嘛,唔仔呀!!~~~
嘩..你地睇下,D人多到呢!!

呢棵係連卡佛出門個棵Christmas Tree 呀 !

仲有夜景一幅~~ 好靚呀~~

平安夜BBQ

平安夜既前一晚
朋友打黎話去BBQ
好呀,我正等緊你地約我呢!!

個日我放假,蝦子餅返工呀
佢放工仲要去Causeway Bay 交Package D 錢
Package ...??係呀..我地出年2月又飛喇
又係日本呀!! (期待中...)

等埋佢番黎都8:30了
之後比佢坐一陣又出發了
目的地係Tuen Mun 既寶塘下村
本身我話帶Don BB 去架
但佢話唔好Wor....哦..算啦咁

去到Tuen Mun 市中心
搵小巴搭...搵左成30min都有
又打埋電話問人
頂...原來就係我地落車後面

去到都十點半了
原來佢地個個都有帶狗狗呢!!
阿Don好橙呀~~孤伶伶自己一個狗係屋企
算啦..因為個日有一個朋友驚狗狗,所以每隻狗狗都要綁狗帶呢!!

之後我地燒下野,傾下計,睇下電視..又五點了
我地等到6:00有頭班小巴便走了

比番個日既狗狗相你地睇啦!!
左阿Jep..右妹妹

叮叮,個日我唔知你地有份呀,你好乖,又"De 豬"
訓覺個時仲好可愛添呀~~
但佢遲D打齊針就會比人地架喇~~ (因為佢有一個新既家庭收養了)

阿Jep...又係莎莎黎架,妹妹都係,但妹妹真係好細隻,好迷你呀

係咪好細隻呢?

豬仔,好醒既豬仔呀!
蝦子餅話佢好似細隻左Wor..

番薯~~狗仔細細,成日好多野講,仲好勁,成晚唔使訓架

BBQ 後記 ~~
好開心,好耐冇大家坐底講咁耐野
咩都講,連我都驚既鬼故都有講
雖然天台好凍,但圍住個爐傾計又好開心Wor
多謝你地比了一個咁開心既平安夜比我
各位朋友..MERRY CHRISTMAS TO ALL !!

P.S. Carman 你間屋真係好正呀 !! 
    May 多謝係既 Christmas Gift, 我好鍾意呢 !!

半日假

難得有半日假期
去邊好呢?
一路都諗唔到去邊
做做下野突然好想去唱K
好啦,咁豪D lu ,去CEO啦!!

做完手頭上既野已經兩點了
約埋今日放全日個兩位同事先
蝦子餅當然陪我放啦!!@

去到 Causeway Bay 先兩點半
約左同事三點,未夠鍾添
去CEO睇下先啦!!
.............!! 嘩..咩事呀,大集會呀
全部都係人,入面,出面都係人呀
唔理喇,拎飛仔先~~~
個Staff姐姐話最快都要三點半先有位
咁呀,去食Lunch先啦..
食完之後,同事同我地真係等了又等..
等到4:15P.M..."" 56號飛 ""
到我地喇...好野..佢地比左間大房我地呀
仲有Wii玩添呀

喂.....蝦子餅,唔好掛住玩Wii 啦,返屋企先玩啦
喂.....你唔好掛住影相啦!!
喂.....到你喇!! 到你喇!!
喂.....呢首歌我嫁!!我Solo..Solo 呀..!!

好快七點了,跟住去食晚餐..去食越南0野 - 清亭燕萍
呢間我想食好耐了..咁岩係Casueway Bay..順便囉
(=0=)""唔怪之話去CEO啦!!有晒計劃架啦!!""
牛油雞翼..一字記之曰 " 正 " 呀!!

(=0=)又係通菜,你唔悶既咩??
((唔悶Bor))

蔗蝦,好大條呀,食極都食唔完咁既..好驚呀!!

個湯係我話叫架,叫咩蝦..酸湯..大約啦
叫左之後得我識得欣賞囉!!
因為好酸又好好好辣!!
但我ok Wor...冇問題呀,好味Wor..

個併盆除左春卷好味之外,其他好似麻麻姐
上次泰屋個併盆好食好多呢...

個牛柳粒飯應該係好味既然
因為當時已經好飽了,我食呢個飯既時候已經冇咩味覺了
但係都要試下,如果唔係話唔到比大家知好唔好味
個牛柳好淋,好入味..但個飯我覺得淋得滯了
因我自己鍾意食硬既飯,所以..如果你地對飯冇咩特別喜好就冇咩問題了

走既時候真係好飽呀!!
行樓梯走,咦..下一層係Bar Wor..
不如入去飲杯0野先啦!!
"" 好呀..Yeah!! Cheers !! ""

半日假..就係咁..過左了..
唔緊要..跟住落黎就係一個長假了
31號先返工....

意大利自助餐

12月15號,因為係我阿姨既結婚三十周年
所以就請左好多人一齊慶祝,當然包括我同蝦子餅啦
我地個日去左深井個間意大利餐廳食野
我地包了二樓,去到原來一樓又係比另一班人包左

環境可以..都幾闊落,坐了差不多20人都唔覺好迫

仲未Christmas,但佢地已經放滿Christmas既佈置了

阿姨送比我地每人一份的禮物
""毛巾蛋糕"" 好似真既一樣

食物都好好味呢!!!

我覺得好好味既有生牛肉,茄子,芝士闊麵(真係好好味,但一定係全場至肥的,Hahaha~~)
仲有杯飲品係咩蜜桃茶..都好好味,($28,可以無限添飲)同埋幅相我影得好靚呢!!

送給你的一首歌

想當年既你講過話想送呢首歌比我聽
好啦!!等我今日送番比你聽啦~~

預祝我地星期一既結婚2周年快樂

 

做足準備,出發

25 Dept 07

Part 1

又係時候update一下我既日本之旅了
今日我地要轉酒店了
酒店係新宿既Southern Centry Hotel
呢間酒店D房比較大間的
因為我好唔鍾意D酒店房細間,唔方便呢!!

去了酒店放好行李
出發去迪迪尼了
一去到,嘩,好多人呢!!
唔理了,快快排隊~~

上次去這裡都唔覺有這架車的

入到去,我們只是逗留2個鍾到
因為我們會中途出去Outlet 行之後再回來
冇咩所謂,因為主要睇下野同買一些特別版的東西
食個Lunch 先

好好食,但都好貴呢? (算啦,迪迪尼D野不嬲都貴架啦!!)

之後便行下買下...(=0=)..唔係買下,你係買左好多野呢??
有巡遊,又去睇下先

個巡遊好正,好佩服佢地既專業精神
因為當時都幾熱下,但佢地依然面帶笑容
唔知香港既迪迪尼都係咁既呢?