[Nail Beauty]集體回憶 – 藍精靈.十分勁

上一篇的[Nail Beauty] 鳥語花香篇中
花花分享了水印貼的玩法
係咪真係超級簡單呢~
向最後仲賣關子叫大家估下我下一次整咩添
哈哈~一睇到張打哂格仔,但充滿藍色嘅相都應該知道就係
藍精靈喇~其實手頭上都有幾張卡通嘅水印貼
最終都係藍精靈嬴咗….
但初時我自己又覺得就咁貼好似太單調咁
所以又加下東加下西咁
最後製成品就係咁喇~

嗯…好唔好睇呢?
其實又係一D都唔難整

首先整咗佢地個背景先啦~
藍精靈住嘅地方就係一大片草地
有得草地就當然有埋一大片藍藍天空…
(藍藍天空高掛我的夢..深海….lalalalalala~~)
所以就將天藍色加粉綠色整天空同草地

咁枝深綠色又仲咩嘅呢?
想草地唔會太單調,又有D立體感
就將深綠色用sponge方法在粉綠色上面輕輕印上

就係咁喇~
5隻指甲想有一隻特別D
所以一見到個天咁靚,就當然要加D雲比佢啦
記得印花片有張係有雲wor..唔使諗就係你喇

記得印花片有張係有雲wor..唔使諗就係你喇
再向草地上點上5顏6色嘅波點做成花海咁~

哈哈..粉橙,粉黃,粉紅,粉紫都出動哂
用支點波點嘅棒棒點點點…..
再搵其他印花點綴一下就變咗咁喇

好..萬事俱備…
最後就係搵水印貼
除咗主腳藍精靈之外
再搵下一些英文字串,兔仔,松鼠,蘑菇
(大家記唔記得藍精靈係住精靈村嘅蘑菇屋嘅呢?)

就係咁
藍精靈卡通甲又完成喇
哈哈…睇怕將佢放落真指甲又太誇張
但係…花花又真係好鍾意自己去諗點樣可以將5隻手甲整得靚D
話比大家知吖,其實我每次整完嘅假甲我都會儲起架
得閒拎番出黎睇都唔錯吖~不是嗎?

上次有人問我向邊度買呢D甲貼
之前我係淘嘅,5蚊人仔一張
但之後見到都係10蚊張,所以就索性買吧啦~

++++++++++++++++++++++++++++++++++++++++++++++++++++++++

旺角店 : 旺角彌敦道582-592號信和中心1樓149號舖

葵芳店 : 葵芳興芳路223號新都會廣場3樓潮流專區341T號舖

太子店(Konad 專櫃) : 九龍太子彌敦道750號始創中心2樓241號舖

+++++++++++++++++++++++++++++++++++++++++++++++++++++++++++++++++++

分享完畢

多謝收看


 花喵(email)地部:laihy1128@sinaman.com, laihy1128@yahoo.com.hk

將科技容入護膚品~一支擁有導航系統的面膜~

汽車有G.P.S導航系統已經不時新鮮事

但原來而家連護膚品都有呢種科技

真係不得不承認時代進步了

說的就是這枝擁有專利G.P.S.(TM) 細胞補水導航系統

的ULTIMA II 純膠原蛋白水分修護面膜

先簡單解說一下這面膜的系統及功效吧

這G.P.S.系統能夠導航膠原蛋白水分至脫水細胞位置

重新啟動細胞功能，配合以突破性科技提煉出高濃度的超微細純膠原蛋白

為缺水的肌膚補充流失的膠原蛋白

提供密集式的膠原修護，將水份鎖緊於肌膚內

同時間亦能改善肌膚儲水及鎖水機能，防止水分蒸發

令肌膚回復最佳的水潤度

.

.

這面膜質感是乳霜狀的，一支30ML容量

根據說明用量是約6整泵，用量不少啊

我自己試過，6泵的話剛好足夠面加頸

這份量經塗抹後會發現面及頸就好似被膠原整整包圍

.

我比較喜歡於晚上睡前用上它

留待面膜裡的膠原精華在我熟睡時慢慢地滲透肌膚底層

到第朝肌膚變得飽滿有光澤

還因為吸收了足夠的水份令肌膚變得細緻水嫩

連本身粗大的毛孔亦收細了不少呢~

到早上又再一次塗上面膜為肌膚補給

這樣一晚一早，在短短幾天就能感受這面膜的威力

.

或者大家會問塗那麼多，會笠嗎？

嗯~其實它不是笠,只是塗抹後會發現皮膚會被面膜漿住

要等待一下令面膜慢慢被肌膚吸收

可能有些朋友會不喜歡這種感覺

之不過咁~要知道這始終是修護成份頗高的產品

所以質地都會比較rich一點

而且計算過它的表現後，花花可是不介意呢~

正因為這面膜能於短短幾日就可以令缺水的肌膚得到改善

用作急救的話，這支面膜亦是一支不錯的選擇

分享完畢

多謝收看

花喵(email)地部:laihy1128@yahoo.com.hk, laihy1128@sinaman.com

澳門美食之旅~舊愛與新歡

提起澳門,除了繁榮的賭博業之外

美食也是很多的

這次就精選了兩間花花的舊愛與新歡餐廳吧

先說舊愛 – 媽閣長城燒烤

這間由我09年開始,每一次去澳門都要去一次

想當年第一次去的時候

他們的燒風鱔真的好味得連我不愛鱔的人也是豎起手指公讚好

還記得那次的燒風鱔係..香.脆,美味

脆得像吃薯片一樣呢~

店主很喜歡收集可口可樂的產品

所以在店內不難發現這品牌的小擺設

而且很多都是帶有懷舊Feel的,花花很喜愛啊

.

來到燒烤餐廳當然吃的也比較熱氣

所以喝的也會點上清熱氣的

蝦子餅就決定啤啤佢

我同另一同伴就叫了一大jar……

哈哈~大家可別誤會…相片中的一大jar只是菊花茶喇~

這就是燒風鱔喇~說真的,這應該是我第四次吃它

每一次都會點,每次也想吃回第一次的美味

但係打從第一次後,應該是條鱔太肥美了

所以影響到成條鱔不夠脆身,但也是好味的

只是我喜歡用瘦鱔…哈哈哈…好奇怪吧

店中另一寶,就是燒牛仔骨

燒得很入味,燒的時間火侯也控制得很好

不會”痴”骨,吃時也會感覺有肉汁,不會乾真真

另外這雞翼是我近兩次來都必點的

因為我喜歡南乳味,這南乳燒雞翼順理成章也成了我至愛之一

燒大腸是同行朋友點的

自己就覺得沒什麼特別

腸肥了一點,如果沒那麼多肥肉

薄身一點再脆D應該更好

一連點了那麼多煎炸食物

最後就加點綠色食物吧

蒜蓉西生菜,味道也不錯

整碟菜充斥著濃濃的蒜蓉味

我這個蒜蓉當然也一口接一口

不過當然同時吃到味精的味道~呵呵~

如果大家難開時可以向後望一下

那條路加上旁邊的建築物再結合街上街燈

又是一幅美麗的相片呢~

說完舊愛,說新歡吧~

雖然每次去澳門也會定了某幾間食的地方一定要去

但這次我就提議不如去試一下新東西

不要次次去都食回完全一樣的食物,很悶的啊

這次試了澳門很出名的食評人老陳也介紹的Cafe Little Tokyo

試新嘢嘛~首先就是搵路喇~

好彩利用這幾年的澳門遊記憶

找它也頗順利,當然這Cafe位置本身也不會太難搵

.

上層加下層大概有十張檯

下層的布置比上層精緻

但上層就私隱度比較高

所以檯面上會有個鐘仔

方便可以呼叫服務生

這Cafe是以蛋包飯為主角

但蛋包飯不是日式傳統那種

是結合西餐廳的那種在飯上放上一塊七成熟雞蛋的那一種

餐牌上沒太多選擇

就只有大概十款的Set Lunch

或是幾款以蛋包飯為主的Special Lunch及幾款甜品

其實之前我想試一下他們的Special Drink醋菠蘿汁或是靜岡綠茶等等

但我們去那天就沒有供應了,可能是平日Lunch Time關係吧~

所以就每人點了一客蛋包飯Special Lunch

餐湯是什菜清湯

我點了的是咖哩伴漢堡扒蛋包雞飯

份量不少,像我也要費點時間才把它吃完

飯是加了雞肉,茄汁炒好

飯粒當然是我最喜歡粒粒分明的日本米

再加上半生熟雞蛋,將它們一口吃下,花花的嘴巴真幸福

漢堡扒也不能睇少

厚厚的肉餅份量足夠

是自家打的漢堡扒

表面微微煎焦

肉質不乾身,切開還有肉汁滲出

一大口吃下很滿足呢

Cafe還有免費wifi提供

那天一坐低我同朋友就一直電話不離手

難為了沒有智能電話的蝦子餅

哈哈~因為我們足足坐了三個鐘才捨得離開呢~

媽閣長城燒烤

地址: 下環媽閣萬里長城17-19號地下

電話: (853)28558355

Cafe Little Tokyo

地址: 澳門冼星海大馬路285號恆基花園地下

電話: (853)28722645

有機會大家也去試試看

分享完畢

多謝收看

花喵(email)地部: laihy1128@sinaman.com, laihy1128@yahoo.com.hk