我家的貓貓很愛0訓

0靚仔同Moon Moon
總會在任何時間,任何地方
都可以訓到覺
大至一張床
細至一個兩隻手掌咁大既紙箱上
一樣可以訓得好自在

靚仔就最喜歡哂太陽
一見太陽伯伯出黎
就會行近窗前,跟住就會躺在我房我床上
看著牠這懶洋洋的傻樣
真的很羨慕..

但有時又真係比佢地既叫聲煩死
每朝早,牠兩總是好像知道我們快起床
牠們會用盡各種方法令我不得不起身
目的就是說: <媽媽~~~夠鐘吃早點了!!!@@>

第一招:-(這是靚仔很愛用的)
先在我身上行黎行去,跳黎跳去
再唔係就直頭用牠沉重既身軀訓在我的心口上
...Oh...我快呼吸不到了...
用手甩開牠,牠就用九秒九既速度再次坐在我心口上

第二招:-
用牠們那雙手係咁拍我個頭,咀,..
之前真的試過比佢既爪爪傷了我塊面呢!

第三招:-(這是牠們的絕招)
不論在房內,房外也好
用牠們高八度既叫聲不停叫,不停叫
叫到你煩為至,不理牠們
叫到累了..小休五分鐘,再叫...
如是者..牠們可勁過天皇巨星開演唱會
..但大多數..都是我先投降....
<好了..你們嬴了..早餐..早餐..知道...>

...所以..我還是喜歡你們睡覺的樣子多一些

公司大地震

呢排唔知咩事呢!
公司風水唔好嗎?
差不多同時間有四位做了好耐既同事離開公司唔做了.
(最新消息應該係三個)
雖然唔係我個Team
但心裡有一種就不出的傷感
當然,我很高興他們能夠脫離像地獄的公司啦
但同時因為大家一齊公作了一段不短的時光
所以一走心裡就好似冇左一D野咁

有一位仲要係Manager黎添
一路都以為佢一定會做到退休
他是一位很為公司買力的人
雖然~~他十分神經質,會無端端發火話人,又喜歡用粗口駡人
但他離開公司既話,我諗怎樣公司都會有一點點損失

其中一位呢?一樣做了很久
十年都有了
平時都有同佢有說有笑
只不過她想找一份可以準時放工的工作
又係既,呢度所有野都不成正比的
可能她對公司有一點失望吧

本身既四位變成三位
因為其中一位最後選擇留底
(只不過佢會做另一Team既野)
她已是第二次留底了
之前已經離開過一次
後來公司找她回來做第二Team既野(又是用呢招~~)
直到她發覺都是唔適合
所以再次請辭
但老細再三叫她留底再做(又)第二Team既工作
最後..她選擇留底
我們幾位同事都有點兒不明白她
當第二次選擇走既時候,應該諗得比之前個次更加清楚,不是嗎?
為何又會再次被坐房的那人尤說成功的呢
我自己估可能可以又學唔同既野
到將來找工作會好一點吧!

仲有一位,真的不太熟了
點都好,希望他們可以出人頭地
出到去可以找到他們的理想啦!

來自地獄的魔鬼

為左試你~~
我兩口子足足食到今日第五日都仲未食完
哈!哈!

之前食過天使
今次又試下魔鬼
兩者中我比較鍾意後者
可能我喜歡濃味的東西
所以天使個種食左等於冇食既感覺
我不太喜歡

而魔鬼呢
用了70%既可可做成
一咬已充滿香濃既朱古力味
而朱古力脆脆代替了過甜既脆糖(天使)
亦都比較討好

蛋糕方面冇做到天使咁輕身
但我反而更喜歡
因為個種感覺比較實在一些
亦都冇我之前咁講(食左好似冇食咁)

用$148買它回來也覺得值得呢!
大家有機會都品嚐一下吧
但..最好多些人一起吃
不要像我倆吃了5日呢~~

這真的是一個大魔鬼
因為吃了它一定會發胖
啍~~你這來自地獄的大魔鬼!!!

眼妝分享 - Gold X Green

看了More的眼妝
自己又嘗試化一下
今次係金色 mix 綠色
再加一條籃色既Eyeline

今次的眼妝品:-

Cyber Colour - Gold 13
Ettusais - GR2 (莎莎買的,買了很久了,但我覺得佢好好用,顏色很出,所以一路都冇放棄佢)
MJ - GD821 (永遠膏狀既眼影都是打底的好幫手)
En Aoleur 眼線筆 - P06 (好用的平價眼線筆)

眼妝圖 - 開眼

眼妝圖 - 閉眼

教學圖:-

用金色眼影膏打底
金色眼影重疊在眼影膏位置
綠色眼影掃在雙眼皮位置,再Blend 開一點
劃上一條籃色眼線

填上下內眼線(下眼線只雖1/2位置便可)
下眼線前1/3用上白色

最後淺啡或米黃色掃在眉下與金色之間
(將兩者顏色好像自然地混和一起)

擦上睫毛膏~~

又Finished ..................


不知怎麼樣,我一Close Up 影我的眼睛就會好似豆雞咁...怪怪的
有冇好心人可以話比我知怎樣影眼睛會令眼珠自然一點嗎?
我影相真的太笨了! ...━━（´・д・｀|||●）━━...

Clinique敗家篇

本身只為了買它們的皇牌保濕
點知買下一樣,買下又多樣
最後就用了一千多些

今次係去沙田分店
佢地既Staff都好Nice
唔會強迫Sale你
問佢地問題亦都會答

今次買了這些

左起:
Moisture Surge Extended Thirst Relief $330
7 Day Scrub Cream $160
Moisture Surge Extra Refreshing Eye Gel $220
Repairwear Intensive Eye Cream $320

這是送既Sample:-

但係要我問先比,之前完全冇問我,不過都好好既,佢都有問我想試D咩!
同樣左起:
Moisture Surge Refreshing Eye Mask
Supermoisture (保濕粉底)
Superfine Compact
3-Step 三部曲(呢樣係我最想要既,因為想試下岩唔岩先買,話哂一次要買三樣)

用了它們一星期
面上既問題都有改善
先講講現在我怎樣用它們

每朝同每晚:-
1.用3-Step洗面
2.塗保濕
3.塗Eye Cream
(雖要時配合磨沙一齊用)

就係咁我用了它們一星期了
3-Step我自己覺得幾好
只不過佢幫我揀個支Toner係有酒精的
所以當用它時真的會像Clinique既ba咁講
會有好似被針桔既感覺
如果我用完磨沙之後既感覺會更強一點添
但我接受到的~
而且用完之後真的覺得塊面小了些皮皮,(我想這些皮皮就是角質吧!)
之前我上網看過有些人話3-Step中個支lotion唔太好用,會太油
但我自己就冇,可能因為佢比左Gel,唔係Lotion我(佢地有兩種的)

磨沙用完之後真的會即時滑左
雖然佢呢支話可以日日用
因為佢既沙粒係幼細一點的
但始終都一樣係磨緊塊面
所以我都係決定一星期最多3次(今星期2次)
仲可以用它來磨咀上既死皮(Ba 話一星期2次)
一物兩用,幾好!

皇牌保濕唔"lup"好水
亦都好快就吸收哂
晚上可以塗厚一點當Mask添

Eye gel & Eye Cream
個支eye gel我主要用來當我化妝時
加落我既concealer度,真的冇咁乾的
Eye Cream直到現在好像冇什麼作用
可能只係一星期,唔會見到D咩
但就冇出油脂粒囉

其實比我見到用完既最大分別係
之前我化完妝之後,T字位一定會好浮粉
有時仲會"luck"皮添
但用完佢地真係改善好多
冇哂浮粉問題,但出油都會有
但就比之前好似小了一點
但有一樣野就係
我發現我右眼下近權骨位既皮膚好像"鞋鞋"地咁
唔知係我磨沙整到咁定係支toner
現在我試一下Toner同磨沙都唔整個個位
睇下會唔會好D啦!!

打了很久呢....希望大家一起變美麗啦

一切從眉開始(後)

上次講完修好條眉
咁要開始劃眉囉!!

先看看我的劃眉工具:-

有不知明眉粉(現考慮去買一盒新的,因為呢盒用了好耐了)
要令眉毛變成啡色,當然要眉gel啦,我呢枝係啡金色
仲有眉筆,眉擦同眉掃

先用眉筆劃好條眉
我唔會太大力劃佢的
因為之後我會用眉gel
用筆只想先釣劃一條眉形出黎
好似我咁,有一邊眉係"bun"左,咁就要補番

跟住我會用眉筆沾上眉粉
劃長一點眉尾,因為筆不太尖,所以冇劃得咁靚
用眉掃既最尖個度就可以劃到一條又尖又長既眉尾了
可以既話我自己會用眉掃既手把最前端個度從眉中間向番眉頭"捽"
因為咁樣就可以連眉頭都有一點顏色但又唔會太明顯了..
(但其實有時我懶既話會Skip呢個Step)
咁我會點做呢!!

*咁就要準備多一支棉花捧喇
用返眉筆劃眉尾,跟住用棉花捧當塗改液筆咁掃走過粗既地方
咁做都一樣得..哈哈,我都夠懶吧!*

最後就當然用眉gel啦
先在紙巾印走過多既眉gel
之後先逆方向擦向既頭
之後再順番眉形咁擦就得了
最後用一支乾淨既眉擦擦番順D 眉毛

咁就完成了!!



再看看之前同之後啦!

之前:-

之後:-

今次劃條眉用真的上了多一倍時間呢
因為一邊劃一邊影相....哈哈
但分享嘛..冇計啦..!

好味的漢堡 - Triple-O&#39;s

今天出沙田
一早鎖定目標 "Triple-O's"
可能價錢比較貴同人流比較快既關係
所以當周圍都冇位既時候
呢度都仲有位,唔使等

一個餐加一個包已經過百..Wow~~

叫了一個蘑菇漢堡餐加一個魚堡

薯條係連皮的
味道比老麥淡一些,蝦子餅話冇味,但我就覺得好味喇
因為成日都食咁咸唔好的呀

個飽好大個,真係可以一個餐兩份食都得
蘑菇漢堡入面好多蘑菇,每咬一下都會有蘑菇走出黎..哈
牛肉雖然比老麥"Hai"一點
但我就覺得咁樣先算係真正既漢堡扒
因為有肉既質感

魚堡好味,雖然佢明顯係用粉漿炸出黎
但一D都唔覺"流",魚肉亦都好滑
加埋醬汁..正呀!!

但呢D價格漢堡店
都係間唔中食下好了
真的貴了一點!!
當然啦!一分價錢一分貨嘛...............

一切從眉開始(前)

我自己本身有一條濃既眉
有時都好羨慕有一些女孩子有一雙淡眉
因為咁樣就可以自己鍾意點劃就點劃
仲可以選用一些好淡既眉粉
即係好似日本D女孩子一樣
但我冇勇氣去拔哂我D眉毛...
所以我只會時常修剪一下令佢薄一點點

每當我需要劃眉時
我都會check一下
因為就算劃眉都要修好佢地
如果唔係就算劃得靚靚都冇用
(雖然我劃得不是怎樣!!)
今次先講講修眉吧

先看看我用的修眉工具

我會先用眉鋏將我的雜毛拔好
但如果遇上一些剛剛出的眉毛,眉鋏係很難拔到的
咁就用那把小型剃刀(要小心,輕輕力,因為花花試過因心急整損過啊)
最後用中間的剪刀將自己的一雙濃密既眉毛"偷"薄一點
(本身呢把剪刀係有一個梳型物體套在剪刀的一邊的,但我的好貓兒將佢唔知整左去邊了)
所以而家我就只有左手拎眉梳,右手拎剪刀咁去剪囉!!
個時我在Citysuper買的,其實都幾好用
但現在找它應該唔難,周圍都見到的




看看還未修剪的眉

可見眉下有很多雜毛毛,同埋有些眉毛比較過長了一點




又看看修剪好的

冇哂D毛毛仔仔,同埋我修薄一點點




這樣便可以開始劃眉去
...............續.....................

今時今日咁既服務態度係唔得

成日都睇到劉華話今時今日既服務態度唔得
近呢個月我深深感受到呢個金句
我係一個好員工
每朝還未八點就會返到公司去開始我既工作
工作既動力首當要吃一個早餐
如果唔係我何能直踩到放工
(我係唔食午餐的)

因為我返工時間太早
可以比我買早餐既地方小之又小
所以基本上我每一日都係去同一個地方買我既麵包
就係咁,比我見識到呢個人(下稱黑面人)

蝦子餅好好人
每天都陪我一齊返早
我會揀好我要既麵包
佢就會幫我比錢
黑面人唔係日日都見到佢
(當然,我也不想見到佢)
每次見到佢都係度齊緊報紙
當蝦子餅比錢既時候
佢一定黑面咁行去收錢既地方
我之前已經留意到,但冇同蝦子餅講
但原來蝦子餅都知,因為某日蝦子餅都同我咁講
(即係唔係我既感覺啦!!)

好..咁多日我都算了
但今日佢真的太過份
今朝一樣,當蝦子餅要比錢既時侯
佢一樣係齊緊佢既報紙
就當佢行去收錢個位時
比我聽到佢"jep"左一聲
喂!喂!喂
家吓咩事先..
我係咪唔可以咁早買野先
你做得一間廿四小時營業既便利店
就要預左有人會在任何時間買野架啦

我唔理你之後在我背後點話我地
但..請唔好比我(客人)知先得架
我自己有時做野一樣好"蚊"
但如果有客,我一定會平息左我自己既怒氣先囉

真係...做到咁..冇人會頂得順架
Please..黑面人...請自我檢討一下吧!!

眼妝分享 - CS 眼影盤(綠 X 啡)

近來化眼妝都偏向深一點,濃一點
當化得比較淡既時候就總是覺得太淡
明明夏天就應該化得淡一點
好彩,我多數都是夜晚出動
所以冇咁怪相吧!!

先看看今天的眼妝:-

左眼有很多紅根,希望冇嚇怕大家吧!...w(ﾟﾛﾟ;w(ﾟﾛﾟ)w;ﾟﾛﾟ)w

再來一張閉眼的:-

今次用既綠色我好喜歡,夠哂閃,又唔會太鮮綠
但有些人會覺得隻綠色比較沉
我查既時候冇咁沉的
可能係影相既角度問題

來多一張看看:-

這個是在窗前影的
隻綠色是否明亮了一點呢~~

今次用既係CS眼影盤,閃同啞色兩盤都有用到
用了圈住個D顏色

**先是閃底呢盤
J8 - 淺啡
K6 - 深一點既啡色
C8 - 今次既主角綠色
A3 - 米黃色
A1 - 白色

**啞色既
J2 - 很淡既啞啡色

**MJ 既眼影盤(上次也有用它來化了一個妝呢)
但我今次只用它的白色既霜狀打底膏


教學開始囉:-

上眼:-
1. 先用白色霜狀眼影膏打底
2. 用淺啡掃在眼蓋位置
^ (可以打橫掃哂整個眼蓋,又或者好似圖中咁只化前1/3位置,我自己係用前者方法的)
3. 再在眼尾2/3位置再壓上深啡
4. 雙眼皮位置掃綠色
5. 用啞色啡色掃在眼窩位
^(眼窩位置可試用手指摸一下自己既眼球位置,眼球之上既個個弧度便是眼窩位了)
6. 米黃色在眉骨下掃上
6. 塗上黑色上眼線和內眼線
7. 最後查上睫毛膏

下眼:-
1. 劃一條黑色既內眼線
2. 用深啡查下眼影,同上眼一樣眼尾2/3位置
3. 再用綠色在啡色上查多一次
3. 眼頭用白色打亮

完成!!
今次既眼妝
我自己就好鍾意
希望大家也喜歡吧!


P.S. 之前一路都有人問個我自己係點樣劃條眉
希望下次有機會同大家分享一下吧
畢竟我係一朵懶惰的花花..haha~~

敗家篇 - Jill Stuart X Canmake

我又敗家啦
今次仲要敗左成千蚊
好在蝦子餅津貼我三百大元
(蝦子餅: 啍..｡･ﾟﾟ･(>д<;)･ﾟﾟ･｡.. 我可是被迫的呢!!)

先看看買了什麼

**Canmake 香水
呢隻品牌主要都係淡味一些,夏天用就啱哂
但佢既缺點係佢揮發得快..有時想keep住D味
真係要帶埋佢出街補先得

之前見佢話出了檸檬味
好似好吸引咁
所以出了去睇下
但去到試過..嘩..佢隻味酸到冇人有
所以冇買到

Sales姐姐先推介左呢隻藍色樽既比我試
佢話係檸檬mix菠蘿
但唔知真係我聽錯定係佢講錯
我睇到佢張紙寫住係檸檬mix蜜瓜
佢仲有好多味,大多都係生果既果香..士多啤利,芒果,熱情果等等
仲有一隻係爽身粉味,幾香,仲話之前斷左貨添
但我覺得如果係爽身粉..我會鍾意Bodyshop個隻多D

最終...都係買左Sales姐姐最初推介比我個樽
我係TST既Citysuper買..$138

去完Citysuper之後就直落去Faces
因為我今日主要行程都係為左佢
Jill Stuart 是也...

**Jill Stuart - illuminance eyes (08 dazzling moon) and Mix blush compact (09 little bouquel)
 兩者都係1/8先出既新顏色

之前蝦子餅家姐話個度D Sales 態度唔多好
但今日我去到又冇咩野
係就係好多人,所以冇咩Sales會主動理你
但就係因為咁,我可以自己狂試..哈哈..

之後試完就同Sales講想買
咁佢地都笑笑口好nice
仲問我join唔join member
又問我買唔買多幾百有禮品咁
如果真係差既其實唔使做咁多野

但我因為再冇野想買
所以就唔貪佢份禮品了
E/S $370 ; blush $330 = $700 (大出血)...

買完一行出去碼頭就見到呢張poster

Wah...即影..我今日買既就係佢地喇!!!(●*>凵＜p喜q)*゜・。+゜


今天就寫住咁多先...
日後先再補回心得同試色啦..嘻!!^0^
(你好懶呀...(*'へ'*)....)

Revlon 極黑眼線筆

上次因為買左佢既毛筆形眼線筆而十分後悔
所以決定比多一次機會佢
買左佢新出既眼線筆

^$98蚊,不算太平

試色

看見嗎,真的超級極黑
佢係我所有黑色眼線筆之中最黑既一支
我先劃一筆上手..即掃佢..會化
之後再試(今次等10秒)
真的很強..一D都冇化開..值得加分
沖水之後只係脫了很小色..但一樣冇化開

還未試上眼,就下次試完再報告一下給你們
是否真的咁堅..(o≧▽ﾟ)

 

眼妝分享 - MJ魔女幻彩眼影 BR788

今天用了MJ 既魔女幻彩眼影BR788
(這名稱都是我在MJ既台灣網找出來的)

今晚約了朋友們出外唱K
黑蚊蚊既環境下
就化一點閃閃地既眼妝吧

今次用既化妝品:-

這便是兩年前聖誕節買既BR788

Kate - BE18
Sana - Super Quick Eyeliner 01
En Aoleur - P00 White
唔記得咩牌子了..莎莎買的,一支好幼身既eyeliner
MJ睫毛液
Bourjois - 32 Ambre D'or

教學圖:-

上眼妝:
用BR788最上面個隻白色先塗滿整個眼皮
02色 大約塗到眼睛一半位置(用手指到的眼窩位就是了
03 色雙眼皮位置
劃上一條黑色眼線(內眼線也劃啊!)

下眼妝:-
03色塗在下眼既後1/3位置
01色就前1/3位置(可塗至近眼頭一點)
劃黑色內眼線於後1/2位置
前1/2內眼線用白色眼線筆

完妝圖便是這樣子了

今晚因為要帶眼鏡
所以冇用假眼睫毛了
但今次我塗了兩次睫毛液來增加我的睫毛量呢!

令人驚喜的小籠包

除了我最喜愛的日本菜之外
上海菜也是我其中喜愛的
自小已覺得小籠包好好味兼好神奇
何解會有D湯0係個包裡面
亦好佩服D廚師可以整D湯入去
哈...到大個睇飲食節目先知
原來係將一粒啫哩狀既湯放入去....
但整得好唔好味又是另一回事
本人真的吃過一D小籠包入面係可以一D湯都冇既

今天無意中去了這裡...夏麵館
發覺小籠包整得好好味
皮薄..湯多..好味...
用筷子夾它要小心一點
入面既湯超多..
又唔會有太多肉而覺得好"Lau"

我們四人仲點了兩客添,因為一客真的不夠食呀!!

還記得當日我們睇完戲已經三點幾
以為過哂食飯時間唔使第位
但原來一樣要等呢

我叫了好似咩辣肉...
蝦子餅叫了鱔糊
鱔糊原來加了一些竹筍絲
又幾特別Wow...

下次我一定會再番"Dou"佢
因為..有我最喜愛的小籠包