今時今日咁既服務態度係唔得

成日都睇到劉華話今時今日既服務態度唔得
近呢個月我深深感受到呢個金句
我係一個好員工
每朝還未八點就會返到公司去開始我既工作
工作既動力首當要吃一個早餐
如果唔係我何能直踩到放工
(我係唔食午餐的)

因為我返工時間太早
可以比我買早餐既地方小之又小
所以基本上我每一日都係去同一個地方買我既麵包
就係咁,比我見識到呢個人(下稱黑面人)

蝦子餅好好人
每天都陪我一齊返早
我會揀好我要既麵包
佢就會幫我比錢
黑面人唔係日日都見到佢
(當然,我也不想見到佢)
每次見到佢都係度齊緊報紙
當蝦子餅比錢既時候
佢一定黑面咁行去收錢既地方
我之前已經留意到,但冇同蝦子餅講
但原來蝦子餅都知,因為某日蝦子餅都同我咁講
(即係唔係我既感覺啦!!)

好..咁多日我都算了
但今日佢真的太過份
今朝一樣,當蝦子餅要比錢既時侯
佢一樣係齊緊佢既報紙
就當佢行去收錢個位時
比我聽到佢"jep"左一聲
喂!喂!喂
家吓咩事先..
我係咪唔可以咁早買野先
你做得一間廿四小時營業既便利店
就要預左有人會在任何時間買野架啦

我唔理你之後在我背後點話我地
但..請唔好比我(客人)知先得架
我自己有時做野一樣好"蚊"
但如果有客,我一定會平息左我自己既怒氣先囉

真係...做到咁..冇人會頂得順架
Please..黑面人...請自我檢討一下吧!!