[印甲分享]低調的Holloween甲.真假蜘蛛對對碰

花花真的超級耐冇玩過印甲喇
生疏哂喇~
哈哈~希望大家唔好介意我印得好差喇
但應下節又想拎黎玩下嘛
所謂應節就當然係今天的Holloween 啦~

化鬼妝我就唔識了
或者我唔化妝個樣已經好夠嚇鬼喇
咁為有就幫手指甲化下妝,一樣嘅姐

今次用咗兩隻甲油,三枝印油同兩塊片

其中的四隻手指
就用了China Glaze 嘅First Class Ticket
是一隻深紫色的甲油..我最愛的紫色啊

無名指就用了Etude House High heel 中的黑色
之前我亦有分享過High Heel 甲油的漂亮法

印油方面,因為Holloween 關係
本身揀了紅,橙同銀
但我發覺搽了深色甲油後
用橙紅等的印油不太明顯
其實深紫當然也可以配上粉紫等的印油
但今次我是印Holloween甲啊
所以我好堅持地不採用粉色印油..哈哈..超硬頸

為了今次的甲還去加添一塊新片M13
之後回家搵哂我的片
也只找多了一塊可配合主題
那就是M28.原先買它只為了那隻獨角獸
好彩..原來我還是會用到其他的圖案的,很開心呢~不用浪費啊

這就是今次的印甲分享了
有蝎子,蜘蛛,南瓜,枯髗骨頭
你們找到了它們了嗎?
因為今次主要用到銀色印油
那些圖案不什樣突出
所以我將它稱之為低調的Holloween甲了

其中自己比較喜歡那個好像戴了鐵面具的南瓜
同埋那隻蜘蛛了...
說起蜘蛛..我很怕,怕得要死
如果仲要那些好貴,毛神神的那些
對不起了..我不懂得欣賞

但.....................之不過
我家中的蝦子餅大人很喜歡
那天人地還知道我一定不會陪他看蜘蛛
仲自己請了一日假專登去看呢

以下相片是出自他手,完全不關我事的

這個展覽在大埔
早上十二點至八點
明天三十一號最後一天了

我只是在處理相片時已經打了許多過冷震
可怕呢~超驚的說~

蝦子餅說過,他好想養
我對他說: 好呀,但我要先同你離婚先~哈哈

送給喜歡蜘蛛的你們
好了,分享到此
現在接近四點了
還是瞓比較適合我吧~哈哈

Happy Holloween



多謝收看

 

 

我是一名麵怪乎!!(>_<)"

花花自認是一名麵怪
咩麵我都鐘意食
上至拉麵下至公仔麵都喜歡到不得了
那天自己在屋企太無聊
整理番D舊相時就發覺自己收埋咗好多碗麵..........嘅相

因為家下基本上人人都會有部相機
所以每當食飯嘅時候就食都未食就影幅相先..哈哈
我都唔例外喇..所以就出篇麵相比大家睇下
你地又食過邊幾間呢?

呢兩幅都好似係甘味烏冬
我好鐘意食"煙 un" 嘅烏冬
如果係個D用牙都咬唔斷個D我仲鐘意
所以呢.......如果花花打邊爐一定要食烏冬架
咁當然啦..自家拾下拾下就冇辦法之下
就會去返超市買就算架喇~

越南嘅檬粉我都鐘意,但如果係湯檬會好好多
冇法啦,個日幾個人一齊去食飯
咁要就下人地嘛.....

我地去完越南,又去睇下馬來西亞喇
大家估到係咩0黎未..........叻沙呀
超級好味道,香濃0野我最啱架喇

呢碗野我冇記錯好似係翠華
但我就覺得嘛嘛地..個米線好淋
D餃好淋,個番茄湯底又唔算香濃...Next~~~

酸辣麵同擔擔麵
酸辣麵好抵食架,因為可以飲埋個湯嘛,一滴不留
我又鐘意食木耳同筍,正呢~
擔擔麵我就喜歡食D好香花生醬味嘅

到日本拉麵喇
呢個係八八八..........呢個我一向都係至愛
好鬼大碗架,食極都食唔完
但因為佢係北海道拉麵黎架
北海道出名咩呢?凍嘛
所以正宗嘅北海道拉麵為咗可以令到當地嘅人食完之後可以暖身
會整得比較咸,雖然我諗佢已經調較過,但都好似咸咗小小
但我呢個咸蟲都接受到,冇問題~

@橫剛,最近食完
好耐冇食過lu....太約都六七年
再食番都一樣咁好味,尤其隻糖心蛋
食嘅時候我唔會咁快食佢
等D湯浸暖少少,再食..咁就完美喇~
所以就算等一個鐘都值得

近來米線真係開到好似梗有一間向你附近咁
我係超級米線迷...荃灣雲貴川,桂林雲南米線我都試過
但..............我一定的..........要大辣呀,唔該..!!

但數到最最最鐘意都係譚仔架喇
我係可以隔日就食一次
有時太耐冇食,我個心會囉囉攣架
一定叫腐皮雞肉大辣

大家會發覺我D麵相全部都紅當當
係呀.........我真係太喜歡食辣喇~

分享完畢~
多謝收看

[Makeup Record]淡紫色的眼妝 x 旺角娃鬼餐廳

花花自問不是很多想頭的人
所以平時用來用去都是自己喜愛的眼影

用得多又覺得好似悶了一點
什麼辦好呢?

我自己就會又找一下自己的美妝書

近來自己就愛看"VOCE" , 相信大家對它一定不陌生吧

看了幾本,又發現了一個淡紫色加上啡色的眼妝幾好看啊

所以又跟住黎玩下喇~

以上是我今次用到的化妝品

還有近來愛上的Colour Con 一對
今次用了啡紅色的Hyper

自己化完就是這樣喇~
我一向都喜歡搽比較深色的眼影
原來淡淡的紫色也不錯

跟著書本上的方法
先用手指搽上帶點紫色珠光的眼影膏在眼皮位置
這是Jill Stuat 的 04 Lavender ice

跟住用比較啞色的啡色眼影
(又是大B的豆腐眼影出動的時候了,嘻~)
由眉頭下面開始往眼珠慢慢掃上
可造成立體的眼窩感

用紫色眼線筆劃上一條內眼線

再沾上紫色眼影
重疊的掃在上眼皮位置

劃上黑色眼線,掃上睫先液...攪掂九成了~

之後用回這盒四色的眼影劃下眼位置
都是眼尾深一點,眼頭淺一點喇~
相信你們都會的啊~因為你們個個都是化妝高手嘛

那麼就完成了這個紫色丁香的眼妝

胭脂用上了MAC的 Rhapsody in Two

可掃完一次後,再沾上粉紅色的位置重點掃在蘋果位置

咀用了新買的Lavshuca
我也很喜愛這開架的產品
那包裝也是美極了

用的是帶一點蜜桃紅的 BE-3

沒有了一雙帶有深色眼影的眼睛
對著鏡子就有一點不自然呢~總是就看不慣

======================================================

萬聖節就到了
大家開始諗定去邊度玩呢
我自己就沒有囉
因為花花超級細膽
去什麼鬼屋,鬼Party...怕怕..我驚自己會暈低咗都冇人知呀
但有一天行經旺角的新世紀


原來有一個娃鬼餐廳的展覽
仲有一個超迷你的鬼屋玩添
大家有興趣都可以試下啊~
我就未攪喇~可免側免

同場還有很多不同打扮的公仔
她們個個都好靚啊~

整得好細緻呀,除了衫褲裙之外
飾物,手袋都一絲不苟
勁呀!!!!!!

看了一大半,大部份都係由日本及韓國人去設計的

呵呵~原來你也喜愛戴Colour Con 呢

數到全場至愛
非她莫屬...正是我最愛的Style
那條裙,手袋,長手套
仲有那頂帽子
冇得頂啊~
請問? 我可以帶她回家嗎?
哈哈~~


預祝大家萬聖節快樂啊~
多謝收看

Colour Con 分享延續篇

還記得上次我分享了我的Colour Con 嗎?
我還為了可以買得平一點開了團購
那次買了Colour Con 的美女們
大家已經用了嗎?戴過出街了嗎?靚靚嗎?嘻嘻~~

那次團購真的很開心能夠集合了十對有多
令我又多了兩副新玩具了

上次我還考慮緊這新出的系列買那一款好

酒紅同朱古力我都好喜歡啊~
最後還是揀了比較特別的酒紅色~
SUMMER別注版HYPER PINKY CHOCOLATE17MM

這對亦是年Con
孤度8.6, 含水量 45% water

精美的盒子包裝

就是它了,就眼看它時
我的蝦子餅大人說它有點紅
我說要戴上眼看看才能清楚知道是否好看啊~
還有當然就係要加埋化妝一併看看啦,對嗎?

這是陽光底下的效果
當天,我再問問蝦子餅,紅嗎?
他已經不說話了....哈哈...對吧~
化妝後加上Colour Con 就不會誇張喇~

室內下那些紅就更加減淡了
因為這款Con 始終是用上啡色作基調
所以所謂的酒紅色不是扮吸血彊屍那種喇~Hahaha~~

那天我戴了它差不多八個鐘
亦沒有不適,不錯啊~

第二對我就揀了Neo 的 Sunflower 系列的蜜糖色
它的紫色都很美啊~
但花花上次已經買左Circle Tone 嘅紫色
所以就想要一款不同色的,新鮮D嘛

這款就沒有精美盒子
管它,反正最後都是放在我的 Con Case 的
弧度都是8.6,但不同的是這副開封期限大約6-8個月
我會將它當半年Con 用

陽光底下兼超Close Up 的效果 (大家請不要注視我的大眼袋...)

遠看就是這樣了
還好,不誇張
開頭還擔心了一會否太淺色添~

這款我試戴了只是短短的三個鐘
所以亦不算真正測試了它的舒適度呢~

原來戴Colour Con 真的會上癮的
明明就已經有四對
還就係仲想買~哈哈
這毒癮,我想也很難將它誡得到了~


多謝收看