花花自細就好鐘意睇煙花
細細個就緊係跟老豆阿媽去啦~
而家就蝦子餅大個天喇!! 衰女包.....
早一個星期前就問定老豆拎VIP飛
今年煙花成九點先開始
張飛又寫住七點可以開始上得天台
咁我地就當然七點去到,諗住冇死啦
點知..................
車...............攪錯架....上到佢第一排冇哂位
後來聽到其他人講原來六點就入得
唔仔呀.................咁點影呀..大佬!!!
同事仔嘅相機...我玩咗好耐
因為EP01真係好好玩
由其針孔funtion,正到冇朋友
喇喇喇...睇下,我地個腳架咁矮,點影得靚
唉...我下年一定要六點就上去
我要企第一排囉~
嘩...過咗一個鐘就咁多人喇
同埋好多機呀...有人仲拎櫈仔
後來仲見到有班外國人野餐麥當當添呀,會唔會誇張囉D呢~
九點喇~Yeah~
終於開始喇...真係等到頸都長
好好彩今日冇落雨..之前仲好驚
天公做美嘛~真係好喇...
中途見到梅花呀~
雖然我只係用傻爪機
跟住將佢教咗煙花場景模式
但都可以影到..開心死我喇
當個背景播劉華嘅愛你一萬年
我就記得呢幕係會有心心架
大家睇唔睇到呀
但永遠最右邊個個心係唔爆出黎架
每次我都最鍾意最後個幕
因為一家係怒放D煙花出黎
睇就好鬼靚,但如果影相就差D
因為佢勁放嘅關係,所以就好大煙喇
開頭個幾幅就好D,當後來就太大煙濛哂架喇~
咁就放咗二百幾萬架喇~
雖然真係好貴,但我就真係好鐘意睇煙花
可能細細過已經開始睇,仲次次睇到嘩嘩聲
覺得睇完之後唔知點解會好開心...
我地等煙花放完之後蝦子餅就話要影夜景
影下影下...我等咗好耐喇..得未架
等到之前後面個D人都走哂喇
仲有佢已經開始有怨言喇
好痛囉......企咗三個鐘..佢唔得喇
食得野未呢....
行返出尖咀,見到佢仲未收
好啦,食好D先...
以前向銅鑼灣食過佢嘅日式甜品都OK架~
原來以家唔係剩係得甜品喇
連飯,麵,意粉都有
我就叫咗個忌廉蟹肉意粉
香就幾香,意粉嘅軟硬都岩我口味
我鐘意食比較硬D嘅意粉架
而家好多時D餐廳會就返香港人口味會整得淋D架
但呢個就冇..比較硬
可惜佢唔夠濕..乾咗D
如果多番小小汁就好滿意喇~
呢杯叫檸檬蜜糖梳打
酸酸甜甜幾開胃
我今次就唔揀有雪糕個D
因為我想飲D可以解渴嘅0野
蝦子餅叫咗咖哩芝士豬扒飯
有埋湯同小食
個湯我覺得好味wor...
清清地幾好飲呀
這是同事叫的..燒雞飯定食
還有臣峰梳打加軟雪糕
(真正個名唔記得lu...)
今日我攰到阿媽都唔認得
我真係好少會企咁耐
足以証明我係唔可以做Sales架~
但出年我都係要再去影
因為今年遲咗入場
蝦子餅影唔到靚煙花相
好啦..下年啊~I will Be Back !
最後送張夜景相比你地啦
攝於蝦子餅手...嘻嘻..
大家國慶節快樂呀 ♪(^∇^*)*^∇^)
多謝收看!!
沒有留言:
張貼留言