[花花周圍食]日式放題之松屋

日式放題花花其實都試過好幾間
早兩星期前就同蝦子餅再次光顧了[松屋]

地點揀了銅鑼灣店
近公司嘛~
這間如果想星期五walkin去的確比較難
我哋試過幾次突然間星期五想食
每次去到都因為要等,所以放棄咗
而今次因為平日去,所以先唔使等位

它分了好幾個時段
而星期一至四又會平一點
如果宵夜時段會更加抵添~但就要等到十點喇
如果下次睇完戲再去食都係一個唔錯嘅選擇

點單主要分了四大類
一品料理,刺身,它們主打的串燒,及壽司手卷等
最開心的當然還有甜品雪糕及飲品
蝦子餅喜歡呢間主要原因也因為佢有得任飲
他可是可以一餐飲上三,四罐飲品的人
所以會覺得比較化算D

一開始就食雪糕?
非也,這只是是一球wasabi而已
你們喜歡吃wasabi嗎?
出奇地喜歡辣的我卻對它沒有興趣
我不太喜歡那種"弓"鼻的感覺
每次也只會落丁點在醬油上作調味~

飲品也有十幾樣揀
除了一般嘅汽水啤酒
也有一些特飲
但經過上次試過之後........
還是揀回正正常常的罐裝飲品吧

當然一開始就一定先吃魚生啊~
我魚生當中只愛三文魚
好味道..沒有根,也夠凍
我們之後重覆點了很多很多回

這是牛舌,咸了一點呢
肉質還可以~
松屋主打是吃串燒的
那天我們也吃了很多呢~

雞軟骨及蝦

左右兩邊的兩串
我很喜歡吃,是雞肉丸
咬落入面仲有軟骨的
我個日自己一個食了五串
哈哈哈,好誇張,五串即係十五粒呀
真係死得......

雞翼本身好期待的
但.........又係咸咗少少
如果唔係就一流喇~
因為其實燒得很香口,雞皮亦很脆

天婦羅，我大多數會選擇食蝦
其他蔬菜的我都少吃
始終都係有炸粉，吃得多好快飽的

豆腐也是我喜愛之一
加埋蘿白蓉,點上汁料一口吃
好味道呢~

羊是我喜愛嘅肉類之一
但我知道唔係個個都鐘意食羊
覺得好"羶",但我就偏偏喜歡那種味
唔"羶"就唔係羊啦~很變態啊~哈哈

手卷壽司類
嗯....還是吃回主打串燒好了

大家如果有機會吃
記得留肚吃雪糕
有四款味，綠茶,朱古力,芝麻,及紅豆
它可是四款都好味到不得了
好香濃，幼滑
那天，本身好想再點，但想點時原來已經過咗last order時間啊~

個日兩口子食得好飽
這簽桶裡包含了我自己一個吃下的十五個雞肉丸呢~
哈哈，再諗返都係覺得太誇張
下次還要記得留返D時間慢慢歏雪糕呢~

分享完畢
下次再一齊搵好野食啦~

 

去印小幫手（〃＾∇＾）o_彡☆左R右R又得,養寵物嘅你又得,就算返office都得,得咗!

熟識花花嘅人應該都知我有個慣習慣
就係手多多,有時見到手手腳腳損咗
就一定成日用手去”R”
久而久之就會成手腳都會好多疤痕或者係印

今次就從PR手上得到兩枝喜療疤
就盡管看看效果如何~

如果皮膚受傷要癒合,當然主要就要靠皮膚低層嘅骨膠原
若果骨膠原唔足夠,就是會令皮膚出現疤痕嘅原因
喜療疤今次就採用了 [2合1全效更新系統]
先以MPS及Allium Cepa 等雙效活性成份滲入皮膚平衡骨膠原生長
促進皮膚組織更生,能軟化及改善疤痕
之後再注入蘆薈,維生命E及B3等天然成分
在滋潤及保護皮膚組織同時亦有幫助減褪色素

而它們的瑞士新配方是來自由擁有40年歷史的大藥廠硏製出來的
令使用者用得更加安心

一枝咁大枝,又唔會真係一年365都keep住用
盒上面清楚印有到期日子,第時一時醒起要用都唔會有問題喇~

盒內除了一枝藥膏外,還有一張說明書,中英對照
說明書上還列出各種疤痕建議嘅使用周期

扭開白色蓋子後,可以睇到仲有一個封口封住
可以到需要用時先真正開封

哈哈,我自己就好鐘意將個蓋反轉向下按
反而用牙簽我會整得好醜怪架~

藥膏有別於一般白色牙膏狀
水水的,很好搽,試過後發覺仲好快吸收哂
唔會泣痴痴的,正是花花最喜歡的質地呢~

而今次試了兩個地方
分別於手上及腳上
兩者都係已經癒合後嘅傷口

手上這條傷痕真係新鮮滾熱辣
收到喜療疤那天就給弄下
所以過了幾日後見結蕉了
當然一定要試試看啦
而且於黃金期0-6個月內使用會更加係去印嘅最佳時間添
經過三星期,個印都明顯咁淡咗好多lu…

而腳個個印就起碼有三至四個月lu..
原因都係我手多,之前比蚊咬
(都唔明點解要咬我呢個位,激死我喇~)
本身都唔抱咁大期望,但估唔到都有淡到
但就冇手個個咁明顯….

係喎?唔記得話返比大家知
我個條新鮮滾熱辣嘅疤痕究竟係邊條友仔整~
知唔係唔願上鏡右邊個位囉
佢成日都蝦我,唔好以為左邊位女士唔會呀
今次未輪到佢咋,其實兩隻一鬼樣,激死花花喇~
我諗有養貓嘅你地都一定會明白的,對嗎?

其實都仲有一樣意外會令我隻手成日都起咗一條痕
大家有返Office都應該會成日都同我一樣
就係比D紙界到,我真係隔日就一次,又時一日幾次都會
如果界到之後個晚搽佢,第日其實都已經唔見咗
所以而家我都有放定一枝向公司,以防萬一嘛~

 

 

 

分享完畢
多謝收看

 

 

排出毒素身體好,安全又健康地幫腸胃來過清洗吧

早在三星期多前
很開心知道可以一試酵精
真的喜出望外
因為本身都知道名額不算多

在沙田出席了一個體驗活動
聽一下排毒酵精的瘦身力量及點樣使用這酵精
就係咁,這兩枝酵精及一盒五行纖體粥安全咁抵達咗花花家中喇

酵素係令人體內嘅化學反應順利進行嘅媒介
酵素存量越多,免疫力就越強
我哋平時經常飲食失衡,經常食用好多加工食品,味精及刺激性嘅咖啡,酒精
而且好似熬夜,暴飲暴食呢D咁嘅不良生活習慣
以上飲食失衡以及不良生活習慣都會消耗及破壞體內嘅酵素
當人體內嘅酵素不足嘅時候,人就會愈易老化
新陳代謝都會相對產生異常及減慢,繼而會出現消化不良,便秘,易疲勞等情況

呢枝安康[排毒酵精],飲用後的首個半鐘,先會响胃部開始消化工作
個半鐘後更會促進益菌生長,幫助腸道排走身體嘅毒素
幾個鐘就可以清除宿便

新鮮生果同蔬菜都含有豐富嘅酵素
但煮過之後就會被破壞
而每一種蔬果又只能夠吸收單一嘅酵素
呢枝酵精就結合咗76種蔬果分解出黎嘅小分子營養製成
可直接被人體吸收

當中更加加入靈芝,可增強免疫力,保肝解毒抗菌

盒上清楚列出營養提示及到期日

一枝酵精重600ml,相當嘅重量呢~
打開盒子,有一隻量杯仔
方便飲用時量出準確嘅份量

今次飲用方法分開三個周期
第一個星期先是將30ml排毒酵精加入一杯不超過45度嘅清水
(有氣礦泉水或者果汁都可以)
水嘅份量係大約酵精嘅5至8倍
到第二星期就60ml,第三星期就90ml
飲用時間係空腹飲用

直至琴日,終於將兩枝排毒酵精全部飲哂
係初初嘅一星期,飲完之後已經覺得腸道好咗
平時我一向幾日先可以去一次便便
但頭一星期差不多每日都可以正常咁去到
到第二周期,飲用60ml,已經係每日都可以去到
便便比較多及軟~

當飲到90ml時,直頭係好準時咁去厠所
而且會係瀉瀉地個隻,但就只係頭次,同一日再去就會變返正常
因為花花每一朝都係一起身就飲
飲完返到公司坐一陣就知道夠鐘要去喇
當然啦,响公司嘛,在我附近一定會有洗手間架喇
如果當日要出街嘅話
最好都係早點飲,早點先去左便便先再出街
唔係到時就要周圍搵洗手間喇~

睇返說明書中都有提及到原來初期飲用都會有輕瀉反應
除左輕瀉,大便較多及污濁,屁量增加,作嘔等等都會係
如果飲用60-90ml份量期間出現呢D情況
可以試將份量減半到30-60ml,等情況回復正常,再可以自行調高份量

總結我今次飲這兩枝酵精
其實感覺都良好的
味道方面十分可口,我覺得好似酸梅湯味道呢~
平時我一向都出街食飯,少菜又多肉之如又咁多味精
腸道入面一定吸收咗好多毒素
呢次飲咗排毒酵精就等如幫腸道嚟過大清洗
水腫方面亦有明顯減咗~
平時放定一枝向屋企,大吃過後飲返一次黎清清腸胃都唔錯
唔怪之得就連自然療法博士唐安麒都推介飲用呢

今次還有一盒五行纖體粥一併附上

五行一聽就知有關金木水火土
它就是用呢五行相生相剋嘅原理
選用五種不同色嘅蔬菜配搭使用
令飲用者等到各營養素均衡協調

打開包粥後,可以看見一些蔬菜粒,少不了當然有一些米

每次用一包加入200ml熱水攪拌再焗十分鐘就可以了
味道不錯,唔會好濃,平日代替早餐或下午茶都是一個不錯的選擇呢

 

分享完畢
多謝收看

Soup ? Coffee or Tea? 廿四小時歎住瘦

夏天一到
大多人都第一時間都應該係諗到減掉身上多餘嘅肉吧
現今都市人都十分忙,就正如我一樣
每天返工放工都已經佔了我大半日時間
所以一些方便嘅減肥方法就啱哂我喇

前一排就試了TrimEC(易纖諾)嘅減肥產品
還叫了蝦子餅幫忙去拎
本以為是一兩盒吧
原來是一大包,仲包得靚靚的
真係唔該偉大嘅蝦子餅了~嘻

這禮品包包括了好幾樣產品
有纖體咖啡,青檸檬茶,還有兩盒收腩湯
每盒包裝上都清楚列明到期日
根據盒上說明,所有產品都係經過易纖諾悉心調配,天然好味道
當中獨創的 [3L配方] 由專家研製,針對亞洲女性需要
以300% 速度分解頑固脂肪,無分日夜24小時Keep住燒脂,仲有效消除浮腫
因而深受日,台纖體一族愛戴,更被譽為[神奇睡眠減肥法]

但這麼多不同款式,怎樣分配好呢?
我自己就會將它們放在不同時間享用
以下再慢慢說給大家聽啊~

先看看這頂級咖啡(Coffee Deluxe)
採用頂級咖啡豆,每杯含66kcal,都只是普通咖啡嘅三分一
咖啡中嘅咖啡因及單寜酸能抑制食慾
而當嘅水溶性纖維Fibergum可排清毒素及廢物

開始時的確對咖啡不太熱衷嘅我
有諗過我是否可接受得到佢嘅味道
但飲過原來又可以呢~
比起出面嘅茶記咖啡,它是沒有苦澀味
還充滿奶香味添~
大家都知道咖啡可以醒腦提神吧
所以呢~我喜歡將它作為早餐或下午茶
咁樣返工都唔驚會恰眼瞓啦,對嗎?
當中早餐係每朝嘅第一餐,當然要吃得滿足一點
我自己就會配上麵包,都是一個飽肚嘅組合
直到下午都不會肚餓啊~

這是另一款特飲青檸檬茶(Lime Tea)
含豐富嘅維他命C及E,高效抗氧
Fibersol-2專利配方,可吸附腸內多餘脂肪
刺激腸道蠕動,同咖啡一樣亦可排走毒素

如跟盒裝上的建議飲法加120毫升水味道會比較甜的
不好太甜嘅可以按個人口味去加多一些水

檸茶我自己喜歡配合凍飲
飲完肚仔飽哂
用來代替宵夜嘅可樂及薯片亦是不錯的選擇啊~

講完飲料,不如又睇下我當中最喜愛嘅湯類
花花自問係一個超級湯怪,不論是中湯,西湯
我都喜歡到不得了,呢兩盒直情係為我而設呢~

每一盒收腩湯都有一張十日嘅減肚腩嘅餐單
餐單由營養師精心設計,都是配合一D麵包,生果,餅乾等等
大家喜愛嘅話都可以試試跟一下

其中一款有番茄湯及蘑菇湯各五包
怕悶嘅人就岩哂呢款
間住飲就唔使獨姑一味啦

番茄湯包中帶有蘿蔔粒及香草

而蘑菇湯就有粒粒蘑菇

打開湯包時已經聞到陣陣嘅番茄味及蘑菇味喇
呢盒兩者之中我喜歡蘑菇湯多一點

另外就是這款冬蔭公湯
好辣人仕必然會視它為首選,我就是其中一個喇~
就算一連五日飲我都沒有問題啦~哈哈
而且有研究證明辣椒可有助減磅達8%添

湯包中有原隻蝦米仔
沖完可以等一陣,等D蝦米仔淋D
酸中帶辣,好野味呢~

相片中用碗來盛起,因為想你哋睇得清楚一點
平時我會照用杯子,而且喜愛濃湯的我更加會專登加少一點水
感覺會更飽肚一點添

咁湯我又會在邊個時間飲用呢?

第一我會將它放在晚餐前飲用
大約餐前二十分鐘啦~
因為我自己飲完湯後大約十五分鐘就會開始覺得有飽肚感
如果一飲完就開餐嘅話
當我開始覺得有飽肚感嘅時候我已經食完成餐飯lu…
這是我自己試過幾天後嘅結果計算出來~
當然個個人感覺唔同架,以上係我自己嘅飲法

第二我會向星期六或者日當作午餐
點解咁講呢?因為我呢D一放假就會瞓死咗嘅人
起身時間都講緊係兩點幾,攪呢攪路都差唔多三點
咁食晏又唔係,又唔想食咁飽…因為幾個鐘後又晚餐啦嘛
所以就可以飲包湯,咁又代替左我平時最鐘意嘅公仔麵lu…幾好呢~

自己試左一個星期,其實我自己本身真係好為食
好多時向公司又好,屋企又好,都好鐘意搵零食食
就算夜晚食完飯一陣,都要搵下有咩好咬
咁樣真係想唔增磅都幾難
但呢個星期呢,就用左佢地做代替品
咁又真係可以頂到口痕個種壞習慣
當然啦~如果愛靚愛瘦嘅你哋
飲用佢地之如再配合均衡飲食
要瘦身應該不是難事

最後我希望大家都有一個Fit 到爆嘅夏天~


如果想知道TrimEC更多嘅資料
可以去它們的網誌啊~
http://www.trimec.com.hk/#/home/

 

分享完畢
多謝收看