Pizza Hut

今天Lunch 同幾個朋友食Pizza Hut
叫了個新Pizza - 海鮮鮑汁三重芝心批2人套餐
HSBC 咭有折呢

個餐跟一個凱撒沙律

兩個餐湯

一客飯或意粉
我揀了意大利飯

仲有個小食併盆

因為我地五個人,所以加多兩客下午茶
雞籃(我諗係掛!!)個兩串係雞軟骨

仲有叫左個波菜雞皇意粉

我覺得個飯好好味,因為我好鍾意食意大利飯的
意粉都OK,但S朋友話冇味,好淡呀~~
Pizza 當然好食啦
其他就冇咩特別了
因為平時都會叫外買番屋企食
都食左好多次了~~

朋友小聚

今天約了朋友出黎小聚
還記得上次個BB女
她好像又大了好多呢
小朋友真的大得快了

Hello !! EveryBody !!我個名叫瑩瑩呀!!多多指教~~

我地食完Pizza Hut 之後(Pizza Hut 會在我的吃喝玩樂篇)
M朋友約左朋友未夠鐘
所以去了打雀~~
哈哈...我收穫好豐富呢!!
蝦子餅就唔好運了...

阿Don打針記

今天同阿Don去打針
去到先知佢地攪錯左
以為我地Book星期一
星期日醫生四點半先番
都冇辦法啦,都要等

仲有半個鐘,去隔離Pet Shop買下野先
今次買左個袋(都唔可以叫袋,成個喼咁架)
仲有買貓糧狗糧,仲有麥條
個喼好平,因為佢地話係Display
所以7折,二百蚊Ja..

阿Don打針一D都唔驚
佢仲可以係咁跟人地走
叫你做門口狗就死啦
之後問埋個度做絕育要幾錢
嘩..Only絕育就$850
但佢又話要驗血,又話要吊盬水
真的嗎??加埋要$1700呀!!
唔係呀,諗下先!
我話諗下先係諗下係唔係佢個度做呀!
因為之前都冇聽過話又要驗血又要吊盬水既!!

今日去打針同阿Don影左D相,好靚仔呢!!

 

求婚大作戰第五集

琴日冇咩野做
所以去睇翻之前叫同事幫我買既日劇
我由下午四點睇到夜晚十點
真係睇到我眼都腫埋
我自問係一個好眼淺的人
每次睇電視,日劇,韓劇都好
我都好易睇到喊

今次睇求婚大作戰
好特別,今次全部令我感動的
不是男女主角他們的愛情
而係有幾集有關女主角同爺爺
或者係她同爸爸的情節令我感動

尤其爺爺個集 - 第五集
睇完自己都覺得他所講既野好岩
或者你地唔明我講咩
其實呢套劇主要係講男主角
好後悔當初冇同自己心愛既青梅竹馬表白
眼白白咁睇住女主角同另外一個人結婚
所以佢好後悔
後來教堂既天使幫他
可以回到以前,去同女主角表白

個集係講女主角既爺爺黎左探女主角
之後爺爺要翻番去
而女主角本身想比番張貼紙相(爺爺一同影既)爺爺
但因為她覺得爺爺已經走了,便說著下次見到先比返爺爺
但男主角因為知道她之後會永遠都見唔到爺爺了
所以便同女主角講:

”不要以為他理所當然在身邊 就一直拖延”

係Wor,我成日都會咁諗,這句說話講中左我了
日常生活中,好多時都會有咁既想法
而就係因為咁,便會好多時當冇辦法再做既時候就後悔
想補救都補唔到
個集都仲有好多有意義既說話的

我真的今後都要記住爺爺的說話啊!!

 

 

鼎泰豐

今日放工去了鼎泰豐
等了一個鐘零三個字
仲係要搭枱
如果唔係仲要繼續等
好肚餓,即叫

酸辣湯 – 好飲呀

小籠包 – 都唔使講啦!!正呀,好多湯汁呀

蝦肉餃子 – 呢個係一個岩岩去完台灣既朋友話比我知
    佢話佢係台灣食覺得蝦肉餃子仲好食過小籠包括
所以叫黎試下,都真係幾好食,都係有湯汁架”和”!!

蒜炒高麗菜 – 呢個只係想食菜,所以叫,冇咩好食唔好食

牛肉麵同排骨炒飯 – 麵就一般姐,冇咩特別,但個飯我同蝦子餅都覺得好食
D飯粒粒分明架!!

後記 : 真係等左好耐
但如果好食既等下又冇所謂既
同埋D員工個個都好好禮貌,真係值得一讚呀!!
今餐食左三百蚊,都貴貴地呀!!

係鼎泰豐出面係有好多扭蛋機
佢地又幾聰明的
咁樣當等緊既時候冇野做
做咩好呢?咪去扭蛋囉
我都扭左兩個
我扭到鬼鬼同磨菇

悠長假期

上星期日無意之中比我睇到TVB既收費電視
播番木村同山口智子既悠長假期
呢套日劇係我最鍾意既一套
原來呢套日劇係1996年拍的
數一數都成十二年前,都真係好耐吓
我個時好迷睇日劇,可以一晚煲一套
正因為我好鍾意呢套日劇
我仲走去買左佢既SoundTrack添
直到而家我仲有Keep住呢張CD

但好可惜個CD盒爛左

同埋個段時間仲係蝦子餅追緊我呢
再睇埋呢套日劇..真係好Sweet呢!!
咁多首歌同音樂
我最鍾意都係久保田利伸既La La Love Song
你地都聽下啦!!真係好正呀

東京箱根之旅 - 戰利品其他之後篇

仲有仲有!!!

東京箱根之旅 - 戰利品其他之前篇

唔多詳述了,因為太多
看相啦!!