日本之旅 - 東京加箱根

我又出發了
聽日既9:05 分既我
已經0係飛機上開始我既旅程
希望今次比上次更開心更好玩
大家 - 一星期後再見了

P.S. 我會盡量去Update番上一次既遊記的
    如果唔係我唔會寫新遊記,哈哈
    (>0<)咁即係又有排等啦.................

新年報告(初一,初二)

新年我做過咩~~
初一當然去拜年啦~~
去完奶奶度再去阿婆度
每去一度都派利是

真係從我身上一塊一塊肉咁割出黎呀
但新年嘛,冇計啦...
係到祝大家健健康康..自己又好,仔女又好,狗仔貓仔都好

放在我家的水仙

初二呢
去左睇兩樣野-睇煙花同睇戲
同我的一家人,阿妹,妹夫..爸爸同媽媽一齊去歡度我們的年初二
我地首先去睇戲..睇咩..長江七號是也
唔...如果從一部電影黎講,都OK的
但如果抱住睇阿周生D戲,咁大家可能會失望左少少
我唔係話唔好睇,我覺得都有75分..
只係冇咁多笑位姐,但我就覺得短左D囉!!
媽媽出黎仲問我有冇喊(T_T)..我同佢講話冇
哈哈..其實係有架 !!

之後再去食野再上海港城天台睇煙花
我睇到,元寶,北京2008,星星
好靚呀..多謝爸爸比飛我去睇呀!

我有說話未曾講

哈哈,過去幾星期都冇寫野
係呢幾星期發生過D咩事呢??
其實都冇咩特別野....
唔...都係每一日番工放工
公司加左人工了,唔..我加了10%,都叫OK 啦
因為我人工低,所以我先有10%,已經等於同事既5%架喇~~
但花紅仲未有...話三月尾先有Wor~~(傳架ja..都未必係添)
唉..又要封利是..又要2月尾去旅行...冇錢喇~~

冇錯,我又去旅行喇..目的地..係呀,又係你..日本
(>0<) (你唔悶我都悶,次次都係日本)
唔悶Wor~~已經開始上網睇下有咩買
上星期又去吉吉島買左件厚厚褸
蝦子餅都有買..因為吉吉島特價呀
7折呀,我同蝦子餅個件都係由千幾減到7百幾ja...
可能我二月尾去都會用到,好似日本二月尾都會凍
今次會去埋箱根添,可以浸溫泉...哈哈~~
(>0<)(好似你上次個遊記都未寫完Wor~~)
.........係咩..係咩...喂..喂...咩話...收唔到呀????

工司一年一度既Annuel Dinner 已經完左
今年我冇去..唔係我唔想去,係我個日一定要9點先走得(OT)
第日仲要番7:30a.m. ~~我仲要去,我一定唔知醒..
我要早點回家早點訓..冇可能去~~
個日全公司既人都走哂(當然大部份去食飯..有D唔去既都已經放工)
而我...好孤單一人孤單一個咁做野
我好唔開心,打比蝦子餅叫佢上黎陪我
(..佢又係我蝦子餅又係我同事..因為我地同一間公司做野架)
蝦子餅二話不說又真係上黎陪我,仲買左個紙包蛋糕比我食
...多謝呀..即克開心番~~><