錯視美術館mix三鷹之森

22 Sept 07

Day 2 (Part 1)

一朝早晨咁早又起身
早餐食了飯團..唔..好好食
D飯好新鮮,一D都唔似香港七記個D咁架

碗湯都好好飲(因為我係咩麵鼓湯都鍾意飲的,哈哈)
食完之後因為仲有時間未夠鍾搭車
所以周圍行左一陣,之不過一早又有咩行呢
所以呢.....又去另一度買左個蝦包食(唔係老麥)

都唔錯的,但我之後食個麥記個個
個人應為麥記好食小小
食完個飽夠鍾了
首先出發去高尾既錯視美術館

我地今次由池袋去新宿
再0係新宿轉車去高尾山口
一出站已經見到我地既目的地錯視美術館

都幾好..完全唔使搵..已經去到了
去到之後買飛,買飛時會有個銀仔比你
可以係出面個汽水機買野飲..唔使錢的,但好細杯
開頭會有一位姐姐帶我地行,講解一下點睇D畫
佢會叫你用一隻眼睇,但我覺得用雙眼睇重好囉
個位姐姐知道我地唔係本地人,便攞左本貓薄出黎
講英文..唉..自問自己既英文都係非常差,所以其實都唔明佢講咩
為有睇下佢既身體語言啦~~
個美術館都好得意..佢個度會有幅相教你點企點擺post
同埋地下會話比你知企邊度影個角度最好~~

有D地方會覺得好熟
我諗可能係科學館見過
係呢度我地都行左兩個鍾呢~~

離開左呢度就出發去三鷹之森
我地又由高尾山口搭番車去高尾
再由高尾轉乘JR東日本去三鷹
落左車又去食個lunch先
食咩好呢~~~~

登登登登....冇錯,又係漢堡包..哈哈,今次你麥記喇

因為朝早食左好多野,我都唔係好餓
所以叫左一個餐加一個飽..呢個就係蝦包喇
好好味..唔怪之好多時見到人地話日本呢個飽好食啦~~

呢個係咩月見飽..之前未見過,唔知係不嬲都有
定係因為個時係近中秋,所以有呢個飽
呢個月見代表入面有一隻前過既半生熟既旦
但我又唔見得半生熟,未好似豬柳蛋個D旦咁囉
我地仲見到有張poster話會有個新包出
係超級Big Mac 呀好似三層定四層呀..勁呀,點食呀??!!

食飽飽便去三鷹之森了

係呢度搭車,我地買來回飛的
去個時搭唔到印有公仔既巴士
只係搭左一架普通巴士
好彩回程搭到呢

三鷹呢個美術館呢
係唔可以即時買飛的
要去既話要係香港買定,注意啊!!

呢度入面係唔比影相的
我同哈多係度諗點解呢
我話會唔會影左相攞出去賣
定係版權問題,定保持神秘感呢??
但其實入面唔係好多野行
可能我唔係宮崎駿迷啦
唯一一個展覽真係令我嘆為觀止呢
係咩..我都保持神秘感先..嘻!!!
仲有..有時間記得睇埋套15分鍾既卡通呀
好好睇..唔使識日文都一定明
可能因為套卡通有關狗仔
我睇到後面竟然喊左..唉..我太入戲了

走個時架車
本身行程編左去吉祥寺行行
但唔夠時間了
所以skip左,去左下一站

""原宿""

待續~~~~