池袋之家小事一則

22 Sept 07

終於到池袋了
落車後我們便拖住個喼返我們的落腳地"池袋之家"
講真,拖住一個大喼係咁行都幾係野
雖然短短15分鍾到
但我已經係出哂汗呢
去到池袋之家,負責人話安排了兩間房給我們
一間四人房同一間二人房
我心諗,之前唔係講左話一間房既咩
因為之前豆子問過我會唔會考慮分兩間房
我同哈多已經reject左啦
你們之後也話咁當冇問過嫁
而家又係分房既...???
我們之後睇過間四人房,哈多說冇問題呀
訓到6個人呀,擠迫D姐
但他們話好迫,都係分開兩間啦
萊寶仲話佢地住兩人房,我們四個住四人房
*解釋一下先,池袋之家是分本館同別館的
本館係冇獨立洗手間,冇自己既電腦,同必雖十二點前返到
別館是以上既相反,四人房係別館,二人房是本館*
當初我反對是去洗手間是唔方便
加上我膽子小,好驚夜晚晚自己去厠所
但我見到他們是想分開房,而根本就冇理由由萊寶同佢男朋友訓2人房
因為萊寶兩人加上豆子兩人total四人是相識的
而我同哈多只是識得豆子一人
所以呢,我便說唔使了,我同哈多住2人房啦
當然..當時既我心中有著萬般既唔願意同無奈
但係都冇辦法,唔想又係因為我一個而令到大家唔開心
當晚,哈多都有安慰我..他說冇所謂啦..
還就了一個優點給我聽,又係,這真是一個好好既優點呢
但個晚我地由12點鐘出出入入我地間房同沖涼既地方
一直到差不多2點先可以沖我地既涼
因為我們間房同厠所是一頭一尾..所以好多時要去睇下厠所有冇人
一冇人就沖上去,但不是一定成功,有時一沖上去
又會比近厠所個幾間房既人用左....
而電腦..我地個層永遠被一金毛男生佔據住
樓下橱房個部又永遠被兩位女生佔據住
我們試過3 點幾去睇過,都係有人用既呢~~
但哈多同我都覺得那裡很光猛,唔會好似酒店咁開哂所有燈都好暗
同冷氣好夠凍呀,呢樣正呀..

因為日本可能講環保,所以好多時去一些有冷氣既地方
我都係覺得好熱..他們好似永遠都把空調較到25度
香港又點會呀..香港多數都21 或 22 度啦

總括來講,這裡都ok的..但如果唔使同人爭厠所會好D囉
(=0=)你地住三晚都係18000 yen  ja..仲想點呀,比個私家厠所同電腦比你好冇!!!!!!!!





我比了這些相我阿妹睇
佢話我影得好恐怖Wor~~
尤其第二幅,其次阿妹又話我第一幅仲咩影鏡
係咩..冇咩野呀..你地話有冇問題呢?
如果有,我會Del番佢的