煲冬瓜之夜!假睫毛教學大公開o(≧∇≦o)(o≧∇≦)o

講嘅當然唔會係我啦~
我係手殘一號黎架~
所以就當然要去補習喇
幸運地上星期五
可以出席位於銅鑼灣Enid台灣美妝專門店舉辦的Blogger Night ~
仲有台灣假睫毛達人魚妞教我地痴假睫毛添

一入門口就睇到好多假眼睫毛喇
數下都有成七八款不同牌子的
其中有D花花都曾經入過貨啊~

除了睫毛外,舖內仲有好多由台灣引入嘅美妝品,健康食品等等

示範檯上放滿各種不同嘅睫毛同睫毛工具

魚妞之前在網上也有看過她的網誌
真人還是第一次看到呢~
美人一個啊~

台灣美女嘛~當然說煲冬瓜啦
花花唔識講,但好彩都聽得明白
初初幾驚自己聽唔明呢~

開始時先介紹不同種類睫毛
原來有時有D睫毛係有佢地嘅作用架wor..
聽魚妞說,例如如果揀一D個邊邊硬一D
帶完會令雙眼皮變得更明顯
因為個睫毛邊可以撐起眼皮呢~

又原來剪睫毛時要向出剪
如果向內剪會令睫毛變型架
我諗我真係死蠢一名喇
我真係咩都唔知道~~~

當日搵左Amy做示範
修剪好假睫毛後就塗上睫毛膠水
痴在真睫毛之上...
用手指輕輕托一下眼尾位置
再用睫毛夾夾一下,令真假睫毛痴在一起
如果發覺睫毛飛起唔貼,可補一下膠水在眼皮上~
啊...花花不敢啊~我會揸揸下揸左落隻眼度都似~

如果痴下睫毛時,想長一點
還可以利用睫毛的頭或尾
因為每副睫毛的頭尾都會短一點的嘛
用向下睫毛都可以啊~

完成後是這樣的啊~
係咪精靈左好多呢~
嗯...唔清楚..好啦..比張清楚D你地睇啦~

清楚哂喇掛~
很美啊..副睫毛...哈哈~

活動完後還有小抽獎添~
花花好開心都有一份啊~
多謝魚妞抽中左我啊~

仲有每人一份的禮品包~
那枝泡沫卸妝好想試下呢~

經過這晚,花花返屋企就搵返佢地出黎
決定好好從新學習一下
畢竟痴睫毛呢家野,一定要練的
嗯...就好好練習一下吧~努力啊!!!!!!


多謝收看~

台灣美妝專門店 :- http://www.enid.com.hk/Index.aspx
台灣魚妞網誌 :- http://www.wretch.cc/blog/fishs0586