聖誕大雜會之<妝容分享編>

聖誕節就咁就完左喇~
大家去左邊度玩呢?
又買左D咩?食左D咩呀?
花花在一整年中最喜歡就係聖誕節架喇
但今年就過得比較平淡
但平淡亦不代表唔開心架wow ~
呢個假期我睇左好多戲
食左好多野同買左好多野呀
平時一向愛淘寶嘅我終於都留港消費喇

咁<小禮物大禮物>同<聖誕為食團>下次再同大家分享
今次先分享我Boxing Day 那天的妝容啦

這是今次的主角
之前買左佢返黎,終於都用得著佢喇
這眼影有著比較粗的閃粉
所以用掃上有一點點會跌粉的
但如果用上它付送的棉棒
就沒有飛粉情況出現架喇
而且仲好上色好貼添

先用它們打好底妝及遮瑕面上的瑕疵先

眼妝除了紫色那盒主角
還有用上了大B的其他三盒

- 先在雙眼皮位置用棉棒塗上紫色眼影
- 淺藍色掃在眼頭位置
- 最淺的啡色掃在紫色之上
- 用一枝乾淨的掃 Blend 開呢三隻色
  (我自己紫色會盡量不會推得太高,因為會眼腫)
- 有需要可再補回紫色
- 最後用米黃色在眉骨位來一點Highlight

用上它們係因為紫色同藍色都Match到
在眼頭掃少少會增添立體感
啡色掃在紫色之上也能做出少少眼窩位啊

今次劃了一條粗眼線
我咁多枝眼線筆之中
最喜歡就係佢喇

係一枝極黑嘅眼線筆
防水功能很好,防油未到一百分
但我自己覺得咁多枝之中佢已經算好了
當然..我亦有聽過其他朋友對我說它一樣是會化的
但這就是各人的不同了
當劃完它時唔好即刻打開眼
試試等三四秒,咁就可以喇
唯一係落妝時要比一點時間
(如果有用它的朋友一定知道點解)
我落妝單單一隻眼睛會用上兩塊棉及兩枝棉花棒
唔係因為佢難落,係因為佢真係太黑
要落多幾次先落得乾乾淨淨
懶嘅人就會怕怕喇~

胭脂先用Revlon 的珊瑚色掃上
再用四色之中的粉紅色(下格)在笑肌位掃上
最後用MAC的再掃在胭脂位的最上層

大家有留意到我那副紫色Con嗎?
之前買了一副紫藍色的
但覺得太深色了
所以後來再補購了一副淺D的
各有各靚啦~
我都仲有三對未開啊..慢慢黎
一次過開哂就開始計時架喇
等有需要再用它們,哈哈~~

咀咀用了Kate 呢枝好淺好淺粉紅的唇彩
比較稔身,但都仲可以接受的
這是蝦子餅的細妹送給花花的禮物
多謝你啊~

超淺色,但配合濃厚的眼影就岩哂喇
都幾令身呢~

好喇~先分享妝容篇先
到時再分享禮物篇及為食篇都記得支持下喇
大家要收拾心情開始工作喇
而我................仲未收拾好
相反去玩嘅心情先才剛剛開始
因為花花一早拎了呢幾日大假
出年先返工喇~..而且後日就開始我三日兩夜嘅馬交之旅

最後就攞返個尾彩
同大家說聲.........................

"Merry Christmas and Happy New Year !!"

是夜聖誕大雜會之<妝容分享編>分享完畢

多謝收看~