Flower's Purple Garden: 聖誕大雜燴之<小小敗家大禮物>

之前分享了聖誕的妝容篇
接住就這篇吧<小小敗家大禮物>
(請原諒我我出文進度永遠慢幾拍...)
在幾天我假期中,每天花花也是同蝦子餅周圍去
但所謂周圍去查實都係每一天假期睇一套戲
睇戲前後就周圍逛下睇下0野
當然我做人心態就係不可能齋睇唔買啦
就算小小地都要架嘛
我睇戲成日都係咁,唔到最後一日唔話睇
次次都比屋企個位人兄話我...
所以當想買飛時就邊度都冇哂位
上網睇黎睇去之下就只有葵芳係對我地比較方便的選擇
但其實葵芳呢個地方真係多0野行到爆呀

隻介指都係廿蚊鬆DD,好似五十蚊有兩隻添
咁當然如果比我向淘寶搵下都會搵到
但冇奶油為左一隻介指比幾十蚊運費啦
中間的羅馬數字一至十二係可以自轉架

之後的幾日我都有帶住佢出街街呢
個度除了介指仲有好多小飾物買呢

同場仲買左佢,都係幾十蚊,平光鏡
我想搵左呢D小雲眼鏡好耐
咁見平平地又可以一路帶Colour Con 一路帶眼鏡嘛
買埋買埋...嘻嘻..

喜歡它的原因還有這個眼鏡邊
呵呵...枯顱頭骨..可愛死呢..
(何以會用可愛形容的呢..哈哈哈)

好看嗎?我自己就覺得可以呀
雖然咁幾中蚊貨仔個鏡面你預左一定會反哂光架喇
個日同蝦子餅妹妹講開買左呢D眼鏡
她說開話有D冇鏡片添,我話我見呀
我都睇中左一副,但最後覺得好似好怪咁冇買
佢話係呀,有日行街見到有而家好多女仔都有帶冇鏡片個D
上次行行下街見到有個女仔仲伸手入去卒眼添
聽落有點攪笑..我同蝦子餅聽完都笑左..哈哈

之後行莎莎買了它
應該說它是一枝眼影棒
金色的,可局部劃於眼頭位置
有金銀兩色,但我一早有枝銀色的眼線筆了
所以就只買金色吧~
就看看我幾時記得它搵佢出黎玩玩啦
我可是永遠買左野就放置一邊..唔知邊日就記起原來我係買過的..哈哈..

花花係波鞋人...一年三百六十五日
起碼三分之一時間係著波鞋
所以咁著法點唔殘
今次買對浮誇一點的

浮誇之說是出自人地口的
我自己其實一D都唔覺得
成為五百九十九大元.....再有九折
這對店員說有點包腳的...
的確呢...所以要買大半碼才比較著得舒適
我這個波鞋人...應該從今開始都唔可以天天波鞋喇
原因係公司出了Dress Code Memo
說不可以波鞋,牛記,Lace,See through, tube top, 迷你裙....
最攪笑地....係Leggins 都話唔得...............真係好笑
我呢D small Potato....又唔使見客...都要跟足
話如果唔係收warning Letter ,不只自己收
就連你阿頭一樣收,意思係身為Dept Head...
點解唔好好管理你D下屬.............咁點姐....迫住照跟囉
仲要買過哂D衫添呀...激死我喇

敗家完說收禮物
這是妹妹親手做的Cup Cake...
可愛的雪人公仔
親手就比什麼都來得貴重
多謝你了~希望你都喜歡我送給你的啊

最後還有今年最愛的禮物 - 女朋友二號
邊個送,都唔使估啦....哈哈
之前花花一早看見日本的廣告就已經愛上
蝦子餅亦一早幫我訂了一部
找了相熟的店舖...說可以先不用決定顏色
它們訂了回來才慢慢揀都可以

之前一路喜歡粉紅色,但原來粉紅色只跟餅鏡(定焦鏡)
沒有兩鏡Set...咁之後又唔知要白色定紅色好
但當見到真身,二話不說就揀左紅色
很美的磨沙紅...睇落就冇咁誇...靚呀

兩鏡嘛,仲有一枝變焦鏡頭
這部買點係Touch Screen
用手指篤就可以拍照...篤邊度就可以對邊度焦
大玩景深模式,就係呢個Funtion超吸引我
但當晚回家就發覺都唔係嘅,成日都影唔出廣告咁嘅相
經高人指點下,原來要有一定的距離先做到景深喇
唔係你篤就得....後來玩多幾玩就可以喇
唯一覺得微距爭少少,就算轉做花花模式都要有一定距離先影到
對於我成日喜歡超近距離影Product 就欠了一點點喇
所以每當想影超微距都係搵返蝦子餅嘅單反好了