仲有一個禮拜就新年喇Wor..
以前花花好喜歡吃花媽媽整嘅新年糕點
細細個話就話幫媽媽手整
但永遠刨兩下蘿蔔就話玩完唔玩lu..
真正攪攪震冇幫襯就係呢D喇
今時今日仲唔輪到自己整請番媽媽食咩
所以一大早已經舉哂手報名整糕
所以當日又去到屋企有三隻小魔怪嘅Amy家整糕喇
本身人家一早決定好邊日整咩糕
但花花真係夾唔岩時間
所以Amy就轉登加開左呢個一對一特別班
真係無言感激
花花今次學了兩款糕 - 蘿蔔糕與馬蹄糕
因為蘿蔔糕步驟煩覆一點,就先整喇
雖然幾十蚊蘿蔔,但都真係堅重
仲要買埋臘腸,蝦米,冬菇,粘米粉,澄麵...等等等等
兩條女真係一開始就已經出盡力....但這只是前奏ja...
為了可以令完成品有兩種不同口感
蘿蔔分別切條及刨絲
個盆蘿白絲真係刨到我手都軟
臘腸先蒸一下,跟住將其他材料切切切切切
一路切花花就一路偷食臘腸頭..哈哈哈
每切一下又係要用力,請問有咩唔使咁用力架
蘿白落鑊加上適當的蠔油,胡椒粉,雞粉...
跟住將佢地炒大鑊
另一邊廂亦同時爆香之前切碎左嘅粒粒
再撈起....差不多喇.....(這刻花花雙手已開始冇力..)
最後加埋量好分量嘅澄麵及粘米粉..攪攪攪......
呼.............終於上盒..好多蘿白絲呀..美味
出現左一條蘿白糕路徑....
蒸它四十分鐘後.....
登登登登...完成品終於完成喇...開心死花花喇
整完都已經七點幾八點
我倆都肚子餓,所以先醫肚再黎下半場
下半場材料有主角馬蹄
其他材料有馬蹄粉,冰糖,椰槳,吉士粉
一早花花講明唔喜歡吃到一大粒嘅馬蹄
所以就將馬蹄打碎
用馬蹄粉,椰槳,吉士粉開成糊槳備用
馬蹄碎放入糖水中煲一下
加入剛才的粉槳
一路用超細火煲一路攪,因為有馬蹄粉關係
所以如果你唔一路攪佢,佢就會一舊舊咁停哂向煲低
所以一定唔可以停,一直攪到有返咁上下杰身
之後又可以入盒架喇
當然又係等蒸時間啦
等蒸時電視剛剛做緊心有靈犀
感動到花花眼淚直流...
估唔到當眾求婚...唉..花花都好羨慕呢
幾時我都可以後補呢
完成作品二...蒸完靚仔哂..
經過那天後.....右手發痛,都係我少運動關係
哼...這個刨,我一世都記得你
當日由買野到整完都係力的表現
但我講緊我係四成,人家六成喇
不得不讚一下這個高人..哈哈
識左你一年有多,我地整過D咩呢
蛋糕,端午節嘅傻,中秋節月餅,蒸糕..
仲食左你一餐住家飯..
真係唔知點多謝你呢位好朋友好喇
哈哈..諗唔到添..不如你諗到話我知啦~
好朋友 - AMY囉
多謝收看
祝大家新年快樂,身體健康,萬事如意
沒有留言:
張貼留言