話咁快就放完假
話咁快就返工
話咁快我又要重回我嘅地獄~
每逄大年初一,以往嘅花花都會好忙
一大早起身要去爸爸媽媽,嫲嫲,婆婆,奶奶家拜年
但已經係幾年前嘅事...........................
嫲嫲...早幾年不用再去,至於婆婆..今年也不用去了
當然,我還是喜歡一大早起身忙著拜年的感覺
但時間嘛,不等人的..所以請珍惜身邊所有人
這話題也是早幾日再從新諗起..花花每隔一段時候又會唔記得
真係抵打...是吧~
好了,悶到大家嗎?對不起...新年流流唔好講呢D...
年三十晚
花花就開始開工架喇
講嘅就當然係佢地啦 - 利是
手快有,手慢冇..我一向入左幾多就幾多
冇就明年請早喇
只開得兩朵花的水仙...
它嘛,直到今天才開哂D花..o(*≧д≦)o″))
年初一
第一站回爸爸媽媽屋企
夜晚再同蝦子餅家人吃晚飯
先化個自以為好靚嘅妝作為第一炮喇~
眼仔用了快靚正系列喇
當天還開了新Con用..揀了藍色Circle Tone
咦....冇Con睇到嘅嘅,冇呀~哈哈(之後自己搵下啦~)
今次專登劃左粗黑色眼線再往上blend開左喇
胭脂用左兩款Benefit
由其圖中下面個盒,都係我常用到的
唔好睇佢好深色..其實內表唔係架
今次就將深色在眼對落,鼻子對出往耳邊斜斜掃上
再補回一點粉紅色在笑肌位置
這幅已是回家再補拍的
看到嘛...顏色一點也不深的
當然啦,如果你將掃好大力擦落胭脂上
再起勢掃上面,咁就會有塊猴子pat pat 係你塊面
輕輕手掃上,唔夠再補..這才正確啊~
咀用上大B的 Sweet Kiss 同 Rose givre
化好妝出發去
先去爸爸媽媽屋企
路程很快...五分鐘
嘩哈哈哈哈...真的啊
只係Block 4 去 Block 17,要幾耐~
唉...媽媽家的確唔同
好整齊...呢...我屋企就的確唔見得人呀
媽媽好喜歡種花,花花家的天台之前都被媽媽佔用了
但自從媽媽之前入醫院之後
沒有時間打理,現在天台冇哂媽媽D心血了
這美景我非常掛念
在媽媽的房間...以前好喜歡等爸爸媽媽去了旅行
我就時常走入他們房對住個海想東想西
有什麼不開心...睇一陣就會忘記哂..係我醫治傷痛辦法之一
自從妹妹同我都嫁左之後
陪伴媽媽爸爸的大部份時間就落入牠們手中
佢地已經係第幾代呢?
之前都走了兩隻了
爸爸媽媽很愛牠們的啊~
牠們十分幸福...
在媽媽家逗留短短一個鐘
就出發下場..約了蝦子餅家人吃晚飯
去了又一城的DanRyan's
那合桃蛋糕很好吃
還未食主菜就被我吃了兩大個
周打魚湯
很香濃..但唔知係咪正式嘅周打魚湯都係咁嘅呢
超級杰身...我自己就喜歡湯多一點
杰到似飲周打魚汁咁..嘻嘻
白汁野菌芝士意大利雲吞
其實係好好味架....
但我...個兩個合核蛋糕發揮作用
我只吃了一口雲吞就放棄左佢喇
只好打包喇...
蝦子餅的燒排骨加燒雞
佢竟然自己一個全碟清哂
我真係"O"左咀
超級勁呀........我見到都飽
每個女生都有兩個胃
就算之前點飽法
都一定有一個胃係放甜品的
所以呢....我點會放過佢......芒果奶凍
同埋佢....
暖暖的朱古力蛋糕加上凍雲尼嗱雪糕
仲唔係絕配....大滿足
大家一定有好多新年願望
我都係架~但所有願望之中
花花最想都係希望所有人都身體健康
當個body 好...咁做咩都會好D啦~係咪!!
祝你地都有個開心嘅兔年啦~ (○'ω'○)ん
沒有留言:
張貼留言