我的Banana與Elements

好快就新一年喇
以往細細個就當然會買新衫過年啦
但今年嘛,就特別點

買了一個袋加一副眼鏡
跟本好明顯地就係籍口啦...hahaha~

個袋買左一排,要等了一下先有貨
見到成張蕉形貼紙
當然就知道我買了它喇...

今次的顏色我終於看上了
香榭薰衣紫..總算有我喜歡的紫色了

來自台灣的一個環保袋
是貴了一點吧,大約四百大元
但間唔中一次半次
自己喜歡之如,又可支持一下環保
冇所謂吧~

付上了它的出世紙
還給了它一個獨有的編號

袋上還好有一顆鈕扣
如果不是的話,一定比屋企的人兄說過不停
因為他真的很不喜歡沒有鈕扣的手袋
就什麼不安全,不適合我這超級大頭蝦的人用.....

內裡還有一格暗袋
再加上一個蕉扣,攪笑的說
本身一直想到過年時先用
但今天終於忍不住開了
原來比想像中放得多東西呢

另外,買了一副眼鏡
一路都想買一副粗框的扮小雲
之前買了一副幾十蚊的黎玩玩
但..心想倒不如買一副靚一點的

早幾星期前,約了幾位朋友去了香工
看看會否揀岩心水
本身對一副藍色框的有興趣
但戴後發覺眼鏡與眼睛位置太貼,不太舒適
最後決定買了這副...有一點復古味道的
鏡框比平常戴開的較厚身,相對覺得會耐用一點

花花就買了兩樣心頭好過新年了
但花紅都未出(有冇都成問題...)
就已經係咁用錢,可能未到初一就比我洗哂...
咁我仲點封利是呢...
朋友們..你地今年D利是應該會凍過水...
嘩哈哈哈哈...

分享完畢
多謝收看


花花在似祝大家財源滾滾來
桃花運滿到瀉,當然最緊要都係
身體健健康康啦~


新年快樂呀~