上海婆婆 ~ 一次過滿足三個願望

今次我兩口子去了上海婆婆
我們大多數都會選擇葵芳店的
因為比較近我家嘛~

下午茶都幾化算,仲會食到好飽的
下午茶Set可選一款麵食
再加一客小點,仲會包一杯豆漿
都是三十至三十二不等
係咪真的抵食呢~

先來前菜 - 麻辣粉皮 (果然死都要辣..haha)
這個不是下午茶set 內的
但叫下午茶加十蚊就可以食埋佢架喇~

多數我都是揀酸辣湯麵或擔擔麵 (都是我喜愛的辣..hehe)
而蝦子餅今次就揀了蝦仁湯麵
一碗係好大碗架..唔會因為下午茶就比小好多麵你
而湯料都算豐富..酸辣度適中啦..
相信食唔到辣的人都一定可以食得到

包點選了素菜包和手切牛肉包
後者每次都一定叫的
好好味,包裡面的牛肉唔會好乾,濕濕地幾易入口
但為何冇我最喜愛的小籠包嘅..可惜,可惜啊!!

最後..再來一杯冰凍豆漿
wow~~一次過滿足哂三個願望..

但趕時間的我建議要另選地方
因為..佢出菜都是比較慢的