[眼妝分享]我的最愛豆腐眼影＠一天心情大上大落

自己好耐都冇分享過眼妝了
那天出街街只影了幾幅相
本身諗住向屋企影好D

但個日當我化好後
有人向後面開始黑面
所以我就冇影就出左門口喇
之後就係坐小巴其間影左好多幅
但原本係好難影架,因為係咁震囉~
哈哈.......

眼仔用了我最愛的大B啡金色豆腐眼影
花花係超鍾意佢
每次諗唔到化咩又好,趕住出門口又好
我就會用到佢架喇~
因為真係超快就攪掂...呀嘛

我已經揀左兩張比較好架喇
好多係濛到爸爸媽媽都唔認得呀
我都係跟返盒眼影嘅教學方法去搽
中間色就眼蓋位,最深色就雙眼皮
最淺色highlight,眼頭同眼珠位上

今次胭脂用左MAC嘅Two Virtues
我買左咁耐都係第一次用佢
我又將佢放埋一二邊唔記得左喇

這盒胭脂偏向粉紅
我搽胭脂喜歡斜斜咁掃
可能習慣左,改不了
用完粉紅胭脂後再掃多一層 Beauty Power - Shell Pearl
佢沒有太多色的,只有一點珍珠效果
但掃多一下整體感覺會立體左
我很喜歡啊,我要將佢放得出D,等我記得下佢先

咀咀用了Kate 的
我買下它真的良久架喇
喜歡那又帶啡,但又有一點粉紅色

其實花花今次的眼睛還用上了一樣我自己第一次用的東西
大家知道是什麼嗎?大家這麼聰明一定一估就中啦~哈哈

這天扮靚靚是因為看他

原本是想大笑一場
但反而我自己不是笑太多
不是個Show並不好
而是在同一天的下午我看了它

真的很好看的一套電影
在開始時的唐山地震我可是沒有特別感覺
但戲中的所有有關到親情的也令我看得傷心
以及後段那小小講及四川的地震
可是令我心痛得在戲院中痛哭起來
因為它令我令我想起2008年5月12日14時28分
想起兩年前的新聞報導,一幕幕的影像又會再回想起

看完感受很深
其實很多人比我們更不幸
所以自己已經很幸福
是否生在福中不知福呢~
我想我應該好好反思一下了，對嗎?


謝謝收看~