很耐冇寫甲文了
之前都係玩印甲多
今次玩新下新花款(嗯~對於我係新嘢,哈哈!)
之前看看甲書,見到甲書都出咗好多用甲貼整嘅甲款
其中一款係咁的~
很美~真的很美呢~
有我喜歡的紫色,又有我喜歡的玫瑰呢~
所以我又嚟玩翻版喇~
首先去我嘅甲油貨倉搵顏色先~
分別找了由左至右
- China Glaze (733 Let's Groove)
- O.P.I. (NL T02 Black Onyx)
- Dress Up (No.20)
跟住就照住甲書上的款式去油,油,油喇
經過相機下,紫色又變咗藍色了
兩隻色嘅接駁位唔需要油得咁靚架喇
因為一陣都會比甲貼遮住
之後到印油 (銀色及黑金)
因為第二隻指甲得單一的音符
所以就諗住用印吧~
再找來我很喜歡的Seche Vite Top Coat
到去搵音符的圖案甲片
初初諗住一個音符姐,一定有啦
有時就係咁,以為有咩,就係冇
自問自己嘅印花片也不算少
但最終搵哂我咁多塊片,只係搵到呢塊可以用
但就包埋五線譜,嗚~唔緊要,照用啦~
今次嘅主角係佢地 - 甲貼
睇到好多玫瑰花呢~好開心嘛
發覺自己而家除咗係紫怪之外
仲係一個玫瑰怪
上面紫色嘅玫瑰花真係好美的啊
個人覺得花個款比較易Handle,厚薄適中
但音符個款就好薄好薄,貼出嚟較美觀,顏色亦靚一點
兩者各有各好的
登登登登~我的第一次甲貼款完成喇
都不錯喇~係印個單一音符有點失敗感覺
有一條音符皺皮了一點點
其實講真啊,玩甲貼真係冇咩難度
只係照住幅圖咁痴上去
係要用D心機去慢慢跟住砌
反而係構圖先係難,而我不嬲都冇咩呢方面嘅天份
所以付出的只係時間心機就可以喇
下次試下玩聖誕款色,好嗎?
分享完畢
多謝收看
花喵(email)地部:laihy1128@yahoo.com.hk, laihy1128@sinaman.com
沒有留言:
張貼留言