從來都不會從我身上出現
衣著扮唔到咩,就從指甲入手
哈哈,眼見家下金屬甲咁興
我又唔執輸先~
不過我唔係玩金屬貼呀
都係因為我唔爭氣啦
D指甲唔知點解留極都唔長
一長咩...就會斷架喎,真係激死我喇~
但唔緊要,冇得玩甲貼可以玩佢嘛~
就係金屬假甲片喇~
我今次揀左銀色
入面有大大細細嘅假甲
因為我好冇記性
先先揀返岩自己十隻手指大細再排好
咁就唔會唔記得邊隻打邊隻喇
當然要用上貼假甲片嘅膠水啦~
向假甲片裡面同自己指甲上都滴上小小膠水
之後貼住指甲內邊貼好,再輕輕壓一陣
真係話咁快就攪掂..好型呀~
如果貼完覺得太長,就修一修佢地
當平時自己同自己修甲咁就得架喇
都幾自然,又唔厚身...
就好似貼左金屬貼咁呀~
(仲可以用黎照鏡添...哈哈哈..講笑炸...)
嗯....覺得單調左D咩~
試下印花先...
用了呢隻深紫藍色
再揀好M65呢款全花圖案
登登.....變奏版金屬甲出場喇
得唔得呢? 咁就冇咁Dry喇~
我真係好鐘意呀~
太岩我D懶人同短甲人..哈哈
到大家想唔要佢喇~
會點做呢?千萬唔好就咁"蚊"佢出黎
好傷真甲架~
咁就要準備幾樣野就得
一樣好快好方便,但係安全嘅做法
當然就要主腳溶解液啦
仲有就係洗甲水,化妝棉同豆腐挫
先圍住指甲邊滴上溶解液
等待一陣,就會發現假甲開始甩甩地
(可以用手嘗試下搖下佢,但唔好間硬黎...未得就再滴DD...)
直到成隻假甲安全脫離就得喇
之後如果發覺指甲上仲有D假甲片嘅殘餘物資
就用洗甲水抹一下指甲表面
最後用上豆腐挫,挫多幾下
咁就乾淨哂架喇~
有時間就做埋拋光都得添~
呢個金屬假甲片大約keep到三至四日到~
平時返工我又驚太誇張
咁向星期五快快趣趣咁玩下
星期日就整走佢...
而且幾十蚊有七十塊
玩完都唔心痛最緊要嘛~哈哈~
大家有興趣就落信和睇下啦~
等我又諗下下次玩咩好先
分享完畢
多謝收看~
沒有留言:
張貼留言