戀戀面膜

距離上次茶敘已經有一段時間喇 (嗱…你自己仲好意思講)
仲記得上次茶敘完之後我拎一堆面膜同埋兩盒眼膜返屋企
直到而家為止,我已經用佢地一半有多喇
首先就講面膜先啦
四款潤之戀面膜分別係

紅色代表 – 杏仁酸淨白透潤面膜
綠色代表 – 完美淨白保濕面膜
金色代表 – 白金胜肰彈力水嫩面膜
藍色代表 – 極緻玻尿酸原液面膜

一盒入面總共有十塊面膜
包裝背後都會清楚指明佢所用到成份及功效

.

盒背後及每塊面膜亦會同樣有注明到期日
四款面膜都有佢地唔同嘅功效

這款潤之戀面膜紙亦算貼面
鼻翼位置剪裁亦可以令面膜在這位置不會有起卜卜的現象
但當然相對地同樣位置就會出現有空隙啊！

四盒之中,我在先用係藍色呢一盒[極緻尿酸原液面膜]
原因好簡單,因為睇過功效知道佢係最保濕囉

佢主要成份有水解玻尿酸,玻尿酸鈉同鎖水磁石
當中水解玻尿酸份子係所有玻尿酸之中最細
所以可以迅速咁滲入角質層達到深層鎖水作用
果然冇講錯，敷完呢塊玻尿酸面膜之後
即時感覺塊面水噹噹左好多
而且敷完之後面珠滑嘟嘟

但論喜歡程度我更喜愛紅色代表[杏仁酸淨白透潤面膜]
其實打從一開始的確我會先入為主咁覺得自己一定比藍色代表冠軍
哈哈,其實我係連續敷左五晚藍色先動手開紅色添
但原來有時就係每樣都要試,試過就會知道邊款係岩自己
點解我會最喜歡紅色嘅杏仁酸淨白透潤面膜呢|

我自己本身皮膚唔算黑,但因為成日夜瞓關係
面色比較唔精神,其實就即係膚色暗沉
加上我面部肌膚時常都會有泛紅現象
但敷左呢款面膜之後
整塊面嘅膚色係由暗暗的轉為透亮左
而且之前一撻撻的紅印亦消聲溺跡
如果用來平日用或者作急救用都是一個唔錯的選擇呢

之後就是綠色的[完美凈白保濕面膜]
呢款面膜包含了珍珠粉，有機薰衣草，洋甘菊，桑白皮及傳明酸
其功效主要都是具凈白，淡化暗沉，令肌膚明亮一點
呢款我敷完的感覺有點似紅色那款
但比起杏仁酸呢款會潤一點
當然，一向喜歡清爽的我就喜歡杏仁酸那一款多一點啊~

面膜最後一款就係呢款[白金胜肰彈力水嫩面膜]
佢嘅彈力蛋白可以有效維持肌膚緊實及彈性
防止肌膚鬆弛，老化及皺紋產生
四款之中呢款對我黎講暫時效果未算太大驚喜
可能佢主攻係緊緻及彈性，唔認老花花是也，哈哈！

面膜比較完就到眼膜，眼膜只分兩種類
藍色的[彈力煥白眼膜]及紅色的[極緻淨白透亮眼膜]
兩款都係有效擊褪眼周黯沉,令熊貓眼消聲匿跡

前者加入了魚子精華和傳明酸，有滋潤肌膚
促進肌膚活力，同時亦俱有淨白成分

另外一款就含有專利複合淨白配方melaclear2
亦有多種有機草本，全都是有舒緩，明亮肌膚的作用

一盒眼膜共有8對

喜歡它size 十足，眼肚連半個面珠一併敷上
而且十分貼服,完全冇飛起的情況




致於效果，兩者我比較喜歡的是極緻淨白呢款
雖然兩款保濕度同透淨白度都相當不錯
但看效果後透亮呢款做到的不只保濕淨白透亮
就連眼周的淡紋都即時減淡了好多，這就是令我驚喜的地方

[彈力煥白眼膜] 效果相片

[極緻淨白透亮眼膜] 效果相片




面膜同眼膜一共六款
於萬寧特價只係幾十元就有交易
價錢平而效果好
真係買返屋企日日敷都冇問題

最後，我試過哂所有面膜眼膜後的結果係：紅色大勝！yeah

 

 

分享完畢
多謝收看

花喵(email)地部: laihy1128@sinaman.com