好想講.........

花花近排好懶呀!
點解架 因為花花又掛住煲劇喇
(=0=") 你今次又煲咩呀?
um....我煲TVB收費電視既劇呀,仲要係重播都煲呀
發覺自己已經可以榮升花師奶喇
唔得 o( >< )o 唔可以比呢件事發生架
要寫多D Blog, 唔可以成日都坐係度咩都唔做


其實我睇咩呢? 知唔係(唐心)囉
真係 D劇唔老土唔睇既
佢仲要一次做兩集
整到我晚晚睇完都差唔多兩點
第日又要死下死下咁翻工
真係覺得自己好強呀
唔明以前我點解可以日日4點訓
第日仲可以好精神既
哎 (′A‵) 真係老了


而家佢岩岩做完先好些了
唔使日日咁夜先訓
但呢套劇,我真係覺得司棋姐做得好好
佢死個場戲, 我喊了成個鐘 (´Ａ｀。)
之後做完去訓既時候又諗到  再喊..
我都唔想咁 以前我先真係唔會
就算會都係喊好短既時間就會平靜下來
但因為開始失去過
先知道失去自己既親人係有幾咁傷心
所以係呢大半年0黎 每一次見到真又好, 做戲都好
我都會比以前傷心十倍, 一百倍
人到最後都會去另一個地方生活
唔捨得..好唔捨得...但冇辦法去暫停它


一路以為只有我先會咁諗
就算係好耐之後既事
但我真的會去諗 所以
有時真的想做就去做呢
有樣野我想做好耐
但直到而家我都唔知從可做起
因為我有一句說話好想同您講呢
橫掂您都唔識用電腦的, 又唔識上網
我好想講.........................(*^－^*)



媽媽,我愛您呀!!