[妝文分享]Kate 純粹晶瞳眼影妝文

之前見日本台灣都出左
終於登陸香港喇~
所以前幾日花花就走左去屈記買左佢返黎~

水滴咁大粒嘅鑽石呢~

都係揀返我最鐘意用到嘅啡金顏色 - BR-1
其實同佢之前出嘅都係大同少異
但見到佢又忍唔住買咗~
唉,又一次衰向包裝之下喇....

最左邊嘅係純閃粉,冇咩色
都係比我地化完成個眼妝之後再印上去個隻

剛剛星期日有街街去
我已經好快手咁開咗佢黎用喇~
咁岩個期VOCE都有一篇眼妝係用到佢
所以又跟住黎玩下先~

先用最高個格掃向眼窩位置

手震震下劃左條線
希望冇嚇親大家喇~

用第二格由眼尾掃番上中間位
(大約眼珠中間位置啦~)

大約都係咁~
因為都係啡Tone關係,掃得唔靚唔係好覺架ja..哈哈

用返我最愛嘅黑色眼線筆,已經比我用到好短喇

貼住睫毛根部劃上一條上眼線
大家可以嘅話劃長少少仲靚
我就手繼"痴"假眼睫毛之外又一手殘
係唔識劃一條長個眼之如又靚嘅眼線架~

再用最底個格重疊在黑色眼線之上
同時間可以一路搽一路blend開條眼線少少
之後再劃埋黑色下眼線
用返中間個格啡色以同樣方法重疊咁擦在黑色下眼線之上

塗上睫毛膏
今次用左兩枝,先用白色那枝為枝毛打個底先
塗完上睫毛記得唔好漏左下睫先呀 ^^

大致上都係咁啦~
花花詞窮,大家唔好見怪呀~

因為雙眼已經好夠喇~
胭脂同唇色就唔使咁搶架喇

今次用到 AUBE 81色~
一隻比較Pink嘅顏色

逐少咁印上去
唔好咁貪心..
我自己平時一定先向手背或紙巾印幾下先
到真係印上面嘅時候就岩岩好喇

咀用到MAC Surprise Me
一隻帶橙嘅唇膏
但採上咀顏色比真實淺一點

再搽多層都係一枝我經常用到的 gloss
 - MAC 嘅 Fashion Scoop

好喇,大功告成

夠哂鐘去街街喇~
蝦子餅係咁問我出得門口咪呀~
個日約左佢屋企人食飯呢~
食咩?下回分解~哈哈




是次妝文分享完畢
多謝大家收看

 

我的天然淨肌護理及中式穴位按摩又如何呢? 結果係……………

係咁嘅,今次花花試做了由Nature’s X theztyle提供的
淋巴排毒滋潤凈肌護理加中式全身按摩
打從一開始也十分期待
因為我太愛按摩了(雖然自己一向唔受力)

一早預約了剛剛的星期六三點

前一天瀏覽了Ztyle網站
看見某一Blogger因為在另一分店做了同一個試做而有了一次不太開心的經歷
亦知道最後她也是打了電話去講番有關問題
的確,花花看過那篇文後真的當堂怯了下去

那麼,我的結果如何呢?
就從我三點鐘準時到達荃灣分店Nature’s講起

Nature’s 位於荃灣新城市中心的九樓
這裡對於我就一定唔會難搵
因為平時的我也會經常性地在這商場行街街
這美容中心地方不算好大個隻,但空間感都十足
起碼唔會令花花有壓迫感先

周圍擺放了不同的健康食品,排毒飲料及Skincare
梳化旁邊放了它們的療程及產品簡介等等

填下個人資料,喝下幾口花茶

先見一下美容顧問Jenny了解一下皮膚情況
再由Jenny同花花簡單講解一下一陣會做D咩野
內容中亦有分別提及到兩次如果覺得太大力可以同美容師說
(不知是否同已經收到Blogger電話有關)

裡面設有洗手間,更衣室,其本的梳洗用品及Locker
將個人物品放入Locker中,Locker內亦一早預備好拖鞋,毛巾等等

在剛剛好放得下一個人嘅更衣室內換好紙”爸爸”及紙”T-back”後,圍上毛巾
就可以按下鐘仔,坐在等候室等美容師過黎喇~

今次花花安排了得一張床的房間
幫花花做凈肌護理及按摩的都是Kate

好了~療程開始,過程相片欠奉

Kate叫我先躺下做按摩先
她亦再對我說了一次如果太大力就講比佢知
這按摩著重背及肩比較多,但手腳亦會有按到的
而這是中式穴位按摩,對於一向沒有穴位研究的我
是否按得正確位置,這點我是不加評論~
過程中我覺得會痛的地方是有的
但都是輕微的痛,自己可忍受得到的程度
整個過程可以接受,尤其按到肩頸亦覺得幾舒服

按摩完畢之後到面部淨肌護理
先清潔,再由Kate用香薰帶令花花作了三次鼻吸口呼
作用是令一會的產品更易吸收
面部按摩比全身按摩更舒服
當中亦用了不少美容產品
花花真的記不下所有的產品名稱了
中途有針清的,手勢亦適中的,起碼我冇流眼淚先
按摩完畢後先用保濕產品打底,再敷上軟膜
脫膜後搽上眼霜等就正式完成這兩小時有多的服務了

做完之後面上即時亮白了,鼻上黑頭亦因為針清完所以清潔了不少
當然啦,這不是什麼激光療程,那些印印還是會在..
之後就再從Locker取回衫褲換回

直在呢一刻,花花對她們的服務覺得是OK的~
但有兩個小小的問題是,做按摩途中,我的確時常聽到一些聲音
不是人聲,係呯呯呯咁既聲,最少都有七八次
但我又眼見它們是用布廉不是用門的~
所以最終是什麼聲音,我直到現在也不知道
另外就是布廉令我覺得不夠安全感
雖然可能大家都是女生
但當按摩完畢之後,我還是沒有圍上圍巾的
就只有紙”爸爸”及紙褲仔..
當美容師拉埋廉走後(其實係拉唔埋的~亦冇勾去勾好塊布)
我還是可以從那條好粗嘅罅清楚看到出面呢~

換好衣服,再見一下Beauty Consultant Jenny
填一下意見書,再問一下花花有冇興趣買Course
但就不是Hard Sell 的
花花說暫時不需要之後也沒有再Sell喇~
最後還給了合適我的一些sample 比我試一下添~

看到這裡,可能會發覺我算是沒有什麼不愉快的經歷
感覺上還算是不錯的
不知是否因為他們收了電話後作出了適當的改善
如果是真的話是好事來的,吸取多些客人意見
這樣才會不斷進步,令客人得到滿意的服務,對嗎?

 

 

分享完畢

多謝收看